"മദീനയിലെ മലയാളീ സ്പര്‍ശമുള്ള ചരിത്രക്കാഴ്ചകള്‍ !"

ലോക മുസ്ലിം ജനതയുടെ നായകന്‍ മുഹമ്മദ് മുസ്തഫാ (സ) അന്തിയുറങ്ങുന്ന സൗദിഅറേബ്യയിലെ മദീന മുനവ്വറയില്‍ പ്രവാചക സന്ദര്‍ശനാര്‍ത്ഥം എത്തിച്ചേരുന്നആയിരക്കണക്കിനു വിശ്വാസികള്‍ക്ക് വിജ്ഞാനത്തിന്റെ പുതിയ സാധ്യതകള്‍ തുറന്ന്കൊണ്ട് "തൈബ സിവിലൈസേഷന്‍ ഗാല്ലറി" പ്രവര്‍ത്തനമാരം‌ഭിച്ചിരിക്കുന്നു. ------

------ ഹിജ്‌റ വര്‍ഷാരം‌ഭത്തില്‍ പ്രവാചകന്റെ തന്നെ നേതൃത്വത്തില്‍ പണിത മസ്ജിദ്നബവിയുടെ ആദ്യരൂപത്തിന്റെ മാതൃക,ഹിജ്റ ഏഴാം വര്‍ഷം പുതുക്കി പണിതരൂപം,ഖലീഫാ ഉസ്മാന്‍ ബിന്‍ അഫ്ഫാന്‍ വികസിപ്പിച്ച പള്ളിയുടെ മാതൃക തുടങ്ങിഉമവീ,മംലൂക്കീ,ഉസ്മാനീ കാലഘട്ടങ്ങളില്‍ വിവിധ ഭരണാധികാരികളുടെ നേതൃത്വത്തില്‍പരിശുദ്ധ പ്രവാചക മസ്ജിദിന്റെ രൂപഭാവങ്ങളിലും വികസനത്തിലും വന്ന് മാറ്റങ്ങള്‍ ചരിത്രപണ്ഡിതരുടെ സഹായത്തോടെ രൂപകല്പന ചെയ്തെടുത്തത് ലളിതവും ആകര്‍ഷകവുമായരീതിയില്‍ വിന്ന്യസിപ്പിച്ചിരിക്കുന്നതാണ് ഈ ഗാല്ലെറിയുടെ മുഖ്യ ആകര്‍ഷണം.

------------

യസ്രിബ് : മദീനയുടെ പഴയമുഖം ------

യസ്‌രിബിലേക്കുള്ള കുടിയേറ്റം..വിവിധ കാലഘട്ടങ്ങലിലൂടെ...

------

പള്ളിയുടെ മോഡലും വിശദാംശങ്ങളും

------

പ്രവാചകന്റെ ഭവനത്തിന്റെ മാതൃക

------

ബദര്‍ യുദ്ധം : ചരിത്രവും ചിത്രങ്ങളും ------

പള്ളിയുടെ മോഡലും വിശദാംശങ്ങളും ------

മസ്ജിദ് നബവി-വിവിധ കാലഘ്ട്ടങ്ങളില്‍ ------

മദീനയുടെ പഴയ രൂപത്തിന്റെ ആര്‍ക്കിടെച്ചുറല്‍ മോഡല്‍

------

പ്രവാചക ഖബറിടത്തിന്റെ വിശദാംശങ്ങള്‍ ------

മദീനാ- ഉമയ്യാദ് ഭരണ കാലഘട്ടത്തില്‍

------

മദീനാ- ഒട്ടോമന്‍ (തുര്‍ക്കികളുടെ) ഭരണ കാലഘട്ടത്തില്‍ ഒരു ആകാശക്കാഴ്ച

------

മദീനാ- ഒട്ടോമന്‍ (തുര്‍ക്കികളുടെ) ഭരണ കാലഘട്ടത്തില്‍ ------

മദീനാ - വികസനം വരും വര്‍ഷങ്ങളില്‍

------

------

അറേബ്യയിലെ യസ്രിബ് (പിന്നീട് മദീന എന്ന് പുനര്‍നാമകരണം ചെയ്തു) എന്നറിയപ്പെട്ടിരുന്ന ഭൂഭാഗത്തിന്റെ വിശദവും ആകര്‍ഷകവുമായ ചിത്രീകരണം നടത്തിയ വലിയ ചിത്രങ്ങള്‍ , ഒപ്പം"സീറ അന്നബവിയ്യ" (പ്രവാചകന്റെ ജീവചരിത്രം) എന്ന വിഭാഗത്തില്‍ മക്കയില്‍ നിന്നും ഹിജ്റ വന്ന വഴി,പ്രവാചകന്‍ പങ്കെടുത്ത യുദ്ധങ്ങളെക്കുറിച്ചുള്ള വിശദാംശങ്ങള്‍ , വിവിധകാലഘട്ടങ്ങളിലെ സാമൂഹ്യ സാംസ്കാരിക പരിവര്‍ത്തനങ്ങളെക്കുറിച്ചുള്ള സചിത്ര വിവരണങ്ങള്‍ , 8x6 മീറ്റര്‍ വിസ്തൃതിയില്‍ രൂപപ്പെടുത്തിയ മദീനയുടെ പഴ കാല ഭൂപ്രദേശത്തിന്റെ മിനിയേച്ചര്‍ , ഉഹദ്,ബദര്‍ യുദ്ധങ്ങള്‍ വിഷയമാക്കിക്കൊണ്ടുള്ള മിനിയേച്ചറുകള്‍ തുടങ്ങിയവയും ഈ ഗാല്ലെറിയിലെത്തുന്ന സന്ദര്‍ശകര്‍ക്ക് കൗതുകത്തോടൊപ്പം അറിവും സമ്മാനിക്കുന്നു. -----

------- അടുത്ത വര്‍ഷാരം‌ഭത്തോടെ വിജ്ഞാനത്തിന്റെ പുതിയ സന്ദേശവുമായ് ഇനിയും പലകാഴ്ചകളും സന്ദര്‍ശകര്‍ക്കായ് ഇവിടെ ഒരുക്കുന്നുണ്ട് എന്ന് ഗാല്ലറി ഡയറക്ടര്‍.ഡോ.അബ്ദുല്‍ ബാസിത് ബദര്‍ അറിയിച്ചു. ------

------

റമദാന്‍,ഹജ്ജ് സീസണില്‍ വന്‍തിരക്ക് അനുഭവപ്പെടുന്ന ഈ ഗാല്ലറിയില്‍ സന്ദര്‍ശക സൗകര്യാര്‍ത്ഥം ചെറിയ വീഡിയോ പ്രദര്‍ശന ഹാളും ഒപ്പം ചരിത്ര സംബന്ധിയായ പുസ്തകങ്ങള്‍ ,സീഡി-ഡീവിഡികള്‍ , ഇസ്ലാമിക് ഗിഫ്റ്റുകള്‍ ,വര്‍ണ്ണചിത്രങ്ങള്‍ തുടങ്ങിയവയുടെ ഒരു വില്പനശാലയും പ്രവര്‍ത്തിക്കുന്നുണ്ട്. ------

------ പ്രവാചക മസ്ജിദില്‍ നിന്നും തെക്കുഭാഗത്തായ് ഏതാനും വാര അകലെയുള്ള അല്‍ജസീറ ബില്‍ഡിംഗിലാണു (അല്‍-ബൈക്ക് ബ്രോസ്റ്റ് പ്രവര്‍ത്തിക്കുന്ന) ഈ ഗാല്ലറി പ്രവര്‍ത്തിക്കുന്നത്. ------

------

സ്ത്രീകള്‍ക്കും കുട്ടികള്‍ക്കും അടക്കം പ്രവേശനം സൗജന്യമായ ഈ ഗാല്ലറിയുടെ സാധാരണ പ്രവര്‍ത്തന സമയം രാവിലെ തൊട്ട് രാത്രി പത്തുമണി വരേയാണ് . ------

------ പഴയ കാല മദീന, മസ്ജിദ് നബവിയുടെ ഭാവനാചിത്രം തുടങ്ങി ഈ ഗാല്ലറിയിലെ ചിത്രങ്ങള്‍ ഈ ലേഖകന്റെ ഗ്രാഫിക്സ് വര്‍ക്കുകളാണ്. അതേക്കുറിച്ചുള്ള പത്രവാര്‍ത്ത ഇവിടെയുണ്ട്.