ബെര്‍ളിക്ക് ശേഷം ബഷീര്‍ വള്ളിക്കുന്നിനേയും..!!??

(ചിത്രത്തില്‍ ക്ളിക്കിയാല്‍ വലുതായി കാണാം)

----------------------------------------

--------------------

അല്ലെങ്കിലും ബഷീര്‍ വള്ളിക്കുന്നു ഭാഗ്യവാനാണു..

--------------------

ബെര്‍ളിയുടെ കാര്‍ട്ടൂണ്‍ വരച്ച് ഈയുള്ളവന്‍ കൊട്ടേഷന്‍കാരുടെ കയ്യില്‍ നിന്നും

അടിയും ഇടിയും പരിപ്പുവടയും വാങ്ങിച്ച് കഴിച്ചതില്‍ പിന്നെ ഇനി ഇങ്ങേര്‍ ആര്‍ക്കിട്ട് പണിതാണു വയ്യാവേലി വരുത്തി വെക്കുന്നത് എന്ന് എന്റെ പെണ്‍പിറന്നോര്‍ നാഴികക്ക് നാല്പ്പതുവട്ടം എന്റെ കമ്പ്യൂട്ടര്‍ സ്ക്രീനില്‍ വന്നെത്തിനോക്കും. പേടിച്ചിട്ട് !.

--------------------

" മനുഷ്യാ..നിങ്ങളോ ഒരു ബ്ലോഗ്ഗ് തുടങ്ങി ബൂലോകം മുടിപ്പിച്ചു..

രാവെന്നും പകലെന്നും നോക്കാതെ രായ്ക്കുരാമാനം പോസ്റ്റെഴുതിക്കൊണ്ടിരുന്ന പാവം ബെര്‍ളിച്ചായന്‍ ! (ഹും അവളു പറേണ കണ്ടില്ലേ..പാവം പോലും!)

നിങ്ങടെ കാര്‍ട്ടൂണ്‍ ബാധ ഏറ്റ അന്നു വീണുപോയതാ..

ഇപ്പോ അങ്ങേരുടെ പോസ്റ്റുമില്ല പോസ്റ്റാപ്പീസുമില്ല..

ആ ഫേസ് ബുക്കീ പോലും മഷിയിട്ടു നോക്ക്യാ അങ്ങേരെ കാണാതെയായി!

(അമ്പടീ..)

--------------------

പാവം ആ ബഷീറിക്കാനെയെങ്കിലും വെറുതേ വിട്ടൂടെ ഇങ്ങക്ക്?

മനുസാ..ഇങ്ങളെ "എന്റെ ബര" പോലെ അടുപ്പില് തീ പൊകയാത്ത

ഈച്ചനേം ആട്ടി ഇരിക്കണ ബ്ളോഗല്ലത്..

ഇപ്പോ നാലാളു വായിക്കണ..

മേണ്ട്യേ മാതിരി ഒരു ചര്‍ച്ച നടക്കണ..

നാലാളു കൂടണ ബ്ളോഗ്ഗാ..

അതിനെക്കൂടി ഇങ്ങളു ഇങ്ങളെ ഒലക്കേലെ ബര ബരച്ച് അവുലുംകഞ്ഞിയാക്കല്ലേ..

അങ്ങേര് ഇങ്ങനെ ബല്ലതും എഴുതി ജീവിച്ച് പൊക്കോട്ടെ..

--------------------

പിന്നേയ്.. ഓലൊന്നും ഇങ്ങളെപ്പോലെ ആളെ പൊട്ടീസാക്കാന്‍ അതുമിതും എയ്തി പോസ്റ്റുന്നോരല്ല..

ലോകകാര്യങ്ങളെക്കുറിച്ച നല്ലോണം പഠിച്ച് ശിന്തിച്ചിട്ടാ ഓലൊക്കെ എയ്തിണേ..

അതിനേ..കുറച്ചൊക്കെ "സെന്‍സ്" മേണം.."സെന്റിബിലിറ്റിം" പിന്നെ മമ്മൂട്ടികാക്ക പറഞ്ഞ ആ സാധനങ്ങളൊക്കെ മേണം!

--------------------

ഇങ്ങളെറ്റ ഈ കാര്‍ട്ടൂണ്‍ ഇങ്ങളെ ബ്ളോഗ്ഗില് കേറ്റീന്നറിഞ്ഞ്

ആ ബശീറിക്കയെങ്ങാനും കൊട്ടേഷന്‍ ടീമിനെ ഇറക്കി ഇങ്ങളെ കയ്യും കാലും ഒടിച്ചാ..

മമ്പറത്തെ തങ്ങളാണേ..കൊയമ്പ് തേക്കാനും എണ്ണ ഉയിഞ്ഞ് ചൂട് പിടിക്കാനും ഒന്നും ഇന്നെക്കിട്ടൂലാ..ഇപ്പളേ പറഞ്ഞേക്കാം!"

--------------------

ഇത്രയും പറഞ്ഞ് മുഖവും വെട്ടിച്ച് അവളൊരു പോക്ക് അടുക്കളയിലേക്ക്!

--------------------

ങും! അവളെ ഒരു അഹങ്കാരം കണ്ടില്ലേ..

എങ്കിലിത് പോസ്റ്റിയിട്ട് തന്നെ കാര്യം! എന്ന് ഞാനും ഉറച്ചു.

"....നീ വെറും പെണ്ണാണെടീ പെണ്ണ്.." എന്ന മഹാ ഡയലോഗ് ഉള്ളിലോര്‍ക്കുകയും ചെയ്തു.

--------------------

ബഷീര്‍ സാഹിബേ..

ഇങ്ങളു ചെവിയില്‍ നുള്ളിക്കോളീം..

ഞാനിത് പോസ്റ്റാന്‍ പോവ്വാണു..

ബാക്കി ഒക്കെ ഇങ്ങളു അനുഭവിച്ചോ..

അല്ലെങ്കിലും കരിപ്പൂര് ഇറക്കാനുള്ളത് നെടുമ്പാശ്ശേരി കൊണ്ടിറക്കാന്‍ ഞാന്‍ എയറിന്ത്യയൊന്നുമല്ലല്ലോ..

--------------------

ഇങ്ങക്കുള്ളത് ഇങ്ങക്കെന്നെ കിട്ടും!

--------------------

(( അങ്ങനെ പാലാക്കാരന്‍ ബെര്‍ളിക്കും ജിദ്ദയില്‍ കിടന്ന് ഏതോ ആപ്പീസില്‍ എന്തരോ പണികള് ചെയ്യണ ബഷീര്‍ വള്ളിക്കുന്നിനും ജയ് ഹോ പാടിയ

ശ്രീമതിക്കിട്ട് ഒന്നു പൊട്ടിച്ച് ഞാനിത് പോസ്റ്റുന്നു.

--------------------

ഇതിനെല്ലാം ആ ഇംതിയാസിനിട്ടാണു ശരിക്കും കൊടുക്കേണ്‍ടത്...ആചാര്യനില്‍ ഇങ്ങനൊരു പോസ്റ്റ് വന്നപ്പോഴാണു ജന്മദിനത്തിന്റെ കാര്യമേ ഞാനറിയുന്നത് ..എടുത്ത് ചാടി ഞാന്‍ ചുമ്മാ വാക്ക് കൊടുക്കുകേം ചെയ്തു.

-------------------

ഏതാണ്ടൊക്കെ വരാനിരുന്നതാ..അതീ കാര്‍ട്ടൂണ്‍ കൊണ്ടൊതുങ്ങീന്നു കരുതിയാ മതീ.

--------------------

അതാ ഞാനാദ്യമേ പറഞ്ഞത് ബഷീര്‍ ഭാഗ്യവാനാണെന്നു!)

--------------------

ബഷീര്‍ വള്ളിക്കുന്നിനു ജന്മദിനാശംസകളോടെ!

--------------------