ബെര്‍ളിയുടെ കാര്‍ട്ടൂണ്‍ വരച്ച നൗഷാദിനു ഇരുട്ടടി !*

((ചിത്രത്തില്‍ ക്ളിക്കിയാല്‍ വലുതായി കാണാം))

--------------------------

--------------------------

ബൂലോകം: മലയാളത്തിലെ പ്രശസ്ത ബ്ളോഗ്ഗര്‍ ശ്രീ.ബെര്‍ളി തോമസിന്റെ "ബെര്‍ളിത്തരങ്ങള്‍ " എന്ന ബ്ളോഗ്ഗില്‍ ആയിരം പോസ്റ്റുകള്‍ തികച്ചതിനെ ആസ്പദമാക്കി കാര്‍ട്ടൂണ്‍ വരച്ച കാര്‍ട്ടൂണിസ്റ്റിനെ ചില സമൂഹ്യ വിരുദ്ധര്‍ കയ്യേറ്റം ചെയ്തു.

--------------------------

വായനക്കാരും ഫോളോവേഴ്സും ഒട്ടുമില്ലാതിരുന്ന"എന്റെ വര" എന്ന ബ്ലോഗ്ഗില്‍ പ്രസിദ്ധീകരിച്ച പ്രസ്തുത കാര്‍ട്ടൂണ്‍ "ബെര്‍ളിത്തരങ്ങളില്‍" പുന:പ്രസിദ്ധീകരിക്കുക വഴി ബെര്‍ളിയുടെ വായനക്കാരെല്ലാം കാര്‍ട്ടൂണിസ്റ്റിന്റെ ബ്ലോഗ്ഗിലേക്കൊഴുകുകയും അവിടെ സ്ഥിരതാമസമാക്കുകയും ചെയ്തതാണു ഈ പ്രശ്നത്തിനു കാരണമെന്നു ഈ രംഗത്തെ വിദഗ്‌ധര്‍ ചൂണ്ടിക്കാണിക്കുന്നു.

--------------------------

ദിനം പ്രതി മൂന്നും നാലും പോസ്റ്റുകളിട്ട് വായനക്കാരുടെ മേല്‍ പോസ്റ്റുമഴ വര്‍ഷിച്ചിരുന്ന ശ്രീ.ബെര്‍ളി തോമസ് ഈ കാര്‍ട്ടൂണ്‍ പ്രസിദ്ധീകരിച്ച ശേഷം അല്പകാലം നിശബ്ദനായിരുന്നു എന്നുമാത്രമല്ല

പിന്നീട് വല്ലപ്പോഴുമിടുന്ന പുതിയ പോസ്റ്റുകള്‍ക്കൊന്നും പഴയ ഗുമ്മില്ല,എരിവില്ല പുളിയില്ല എന്ന പരാതികളാല്‍ ഈ ബ്ളോഗില്‍ നിന്നും വായനക്കാരുടെ വന്‍ കൊഴിഞ്ഞ് പോക്ക് തന്നെഉണ്ടായിരുന്നുവത്രേ.

--------------------------

ഗള്‍ഫിലും മറ്റുവിദേശ രാജ്യങ്ങളിലും ലക്ഷക്കണക്കിനു ആരാധകരും ഫാന്‍സ് അസോസൊയേഷനുമുള്ള ബെര്‍ളിക്ക് നേരിട്ട ഈ "ബ്ളോഗ്ഗേഴ്സ് ബ്ളോക്കി"നു കാരണം ഈ കാര്‍ട്ടൂണാണെന്ന് ശക്തമായ ആരോപണം പരക്കെയുണ്ട്. ഡ്യൂട്ടിക്കിടയില്‍ ഉറക്കം വരാതിരിക്കാന്‍ തങ്ങള്‍ സ്ഥിരമായി "ബെര്‍ളിത്തരങ്ങള്‍" വായിക്കാറുണ്ടെന്നും ഈ തലതിരിഞ്ഞ കാര്‍ട്ടൂണ്‍ അറം പറ്റിയതു മൂലം ബെര്‍ളി ഇപ്പോള്‍ തുരുതുരാ പുതിയ പൊസ്റ്റുകളിടുന്നില്ലെന്നും ആരാധകലക്ഷങ്ങള്‍ പരാതിപ്പെടുന്നു.

--------------------------

ബെര്‍ളിത്തരങ്ങളിലെ കമന്റ് കോളത്തിലൂടെ നര്‍മ്മ,സ്നേഹ,തെറി സല്ലാപം നടത്തിയിരുന്ന ഒട്ടനവധി വായനക്കാരാണു കടുത്തപ്രതിസന്ധിയിലായിപ്പോയത്.ജോലിസമയത്ത് വെറുതെയിരുന്നു ബോറടിച്ച ഇവരുടെ ഏക വിനോദോപാധിയായിരുന്നുവത്രേ കമന്റ് കോളത്തിലെ ഈ കോലാഹലങ്ങള്‍ .

ഇവരാണോ ഈ ആക്രമത്തിനു പിന്നിലെന്നും പോലീസ് അന്വേഷിക്കുന്നുണ്ട്.

--------------------------

ആളനക്കമില്ലാതെ കിടന്ന ഒരു നാലാം കിട ബ്ളോഗില്‍ വന്ന കാര്‍ട്ടൂണ്‍

ബെര്‍ളിത്തരങ്ങളില്‍ പുന: പ്രസിദ്ധീകരിച്ചത് ആണു അബദ്ധമായതെന്നു ശ്രീ. ബെര്‍ളി തോമസ് പ്രതികരിച്ചു.

--------------------------

തന്റെ വായനക്കാര്‍ മൊത്തമിപ്പോള്‍ ഈ കാര്‍ട്ടൂണിസ്റ്റിന്റെ ബ്ലോഗ്ഗിലാണെന്നും ഇപ്പോള്‍ അവന്റെ വായനക്കാരുടെ എണ്ണം കണ്ട് തന്റെ കണ്ണു മിഴിച്ച് പോയെന്നും അവരെല്ലാം ഒരു കാലത്ത് അച്ചായാ എന്നു വിളിച്ച് തനിക്ക് തേങ്ങാപൊട്ടിക്കാന്‍ ഓടി വന്നവരായിരുന്നുവെന്നും ശ്രീ.ബെര്‍ളി ഓര്‍മ്മിച്ചു. ഇനി ആര്‍ക്കുവേണ്ടിയാ ഞാന്‍ പോസ്റ്റുകളിടുന്നുവെന്നും ഇദ്ദേഹം ഗദ്ഗദകണ്ഠനായി പത്രക്കാരോട് പ്രതികരിച്ചു.വിവിധ രാജ്യങ്ങളിലായി പടര്‍ന്നു കിടക്കുന്ന തന്റെ സുന്ദരിമാരായ ആരാധികമാര്‍ എല്ലാം തന്നെ ഇത്രപെട്ടന്നു ഈ കാര്‍ട്ടൂണിസ്റ്റിന്റെ ഫോള്ളോവേഴ്സ് ആയത് എങ്ങനെയെന്നും ഇതിന്റെ പിന്നിലെ കള്ളക്കളികള്‍ സി.ബി.ഐ.അന്വേഷിക്കണമെന്നും ഇദ്ദേഹം ആവശ്യപ്പെട്ടു.

--------------------------

ബെര്‍ളിയുടെ വായനക്കാരാണു ഈ കൃത്യത്തിനു പിന്നിലെന്ന അഭ്യൂഹം നിലനില്‍ക്കുമ്പോള്‍ തന്നെ

ശ്രീ.ബെര്‍ലി തോമസ് തന്നെ ക്വാട്ടേഷന്‍ സംഘത്തെ ഉപയോഗിച്ച് ആണു ഈ നീച കൃത്യം ചെയ്തത് എന്ന വാര്‍ത്തയും പ്രചരിക്കുന്നുണ്ട്.

--------------------------

ബെര്‍ളി തോമസിന്റെ പേരുപയോഗിച്ച് തന്റെ ബ്ളോഗ്ഗിലേക്ക് ആളെക്കൂട്ടാനുള്ള രഹസ്യ അജണ്ടയുമായാണു ഇയാള്‍ ഈ കാര്‍ട്ടൂണ്‍ വരച്ചത് എന്ന് ബെര്‍ളി ഫാന്‍സ് അസോസൊയേഷന്‍ പത്രസമ്മേളനത്തില്‍ ആരോപിച്ചു.

ഇയാളുടെ ബ്ളോഗ്ഗിലുള്ള വിസിറ്റേര്‍സിന്റെയും ഫോള്ളോവേഴ്സിന്റേയും അല്‍ഭുതകരമായ വര്‍ദ്ധനവ് ഇതിനു തെളിവായി ഇവര്‍ ചൂണ്ടിക്കാട്ടി.

--------------------------

എന്തായാലും ഇപ്പോള്‍ പോലീസിന്റെ കനത്ത സുരക്ഷയില്‍ കഴിയുന്ന ഈ കാര്‍ട്ടൂണിസ്റ്റിനെ കാണാന്‍ പത്ര,ടീവീ മാധ്യമങ്ങല്‍ക്കൊന്നും അവസരം ലഭിച്ചില്ലന്നിരിക്കെ

സെക്രട്ടറിയേറ്റിലെ പഴയ ആ ജീവനക്കാരന്‍ വഴി ലഭ്യമായിട്ടുള്ള ഇയാളുടെ പ്രതികരണം ഇങ്ങനെയത്രേ!

--------------------------

"ആരാണു ഈ ബെര്‍ളി?

എന്താണീ ബെര്‍ളിത്തരങ്ങള്‍ ?

നിങ്ങളീ പറയുന്ന മി.ബെര്‍ളി എന്നെപ്പോലെ പ്രശസ്തനാണോ?

ഞാന്‍ വരക്കുന്ന പോലെ കാര്‍ട്ടൂണ്‍ വരക്കുമോ,പടം പിടിക്കുമോ?

സ്വന്തം ബ്ളോഗ്ഗിലല്ലാതെ വേറെ എവിടെയെങ്കിലും അയാളുടെ പേരുണ്ടോ?

അയാളുടെ ബ്ലോഗ്ഗിലല്ലാതെ അയാള്‍

എവിടെയെങ്കിലും പോയി കമന്റാറുണ്ടോ??

ഹ..പറയണം ഹേ!"

--------------------------

ബെര്‍ളിയുടെ കാര്‍ട്ടൂണ്‍ മൂലം പ്രശസ്തനായ ഇയാളിപ്പോള്‍ സൂപ്പര്‍ സ്റ്റാര്‍ സരോജ് കുമാറിന്റെ(രാജപ്പന്‍ തെങ്ങും മൂട്) അടുത്ത ആളാണെന്നും അറിവായിട്ടുണ്ട്. അതിനിടെ കാര്‍ട്ടൂണിസ്റ്റിന്റെ പുതിയ സൃഷ്ടിയുടെ പെന്‍സില്‍ സ്കെച്ച് എങ്ങനേയോ ചോര്‍ന്നത് ഇപ്പോള്‍ ഇന്റര്‍നെറ്റിലൂടെ ഫോര്‍‌വേഡ് മെയിലായി കറങ്ങിനടന്ന് പുതിയ വിവാദത്തിനു തിരി കൊളുത്തിയിട്ടുണ്ട്.

--------------------------

ബൂലോകത്ത് നിന്നും പുറത്താക്കപ്പെട്ട് തെരുവിലൂടെ ഒരു ഭ്രാന്തനെപ്പോലെ അലഞ്ഞ് തിരിയുന്ന ഒരു കോട്ട് മാത്രമിട്ട ബ്ളോഗ്ഗറാണത്രേ ഇതിലെ കഥാപാത്രം.അശ്ലീലവാക്കുകളില്‍ പി.എച്ച്.ഡി. എടുത്ത ഇയാളെക്കുറിച്ച് എഴുതാന്‍ മാത്രം ഈ ലേഖകന്‍ തരം താഴ്ന്നിട്ടില്ലാത്തതിനാല്‍ വാര്‍ത്ത ഇവിടെ നിറുത്തുന്നു.

--------------------------

എല്ലാവര്‍ക്കും

ഒരു നന്ദി.രണ്ടു നമസ്ക്കാരം!.

--------------------------

--------------------------

*ഇത് പൂര്‍ണമായും ആക്ഷേപഹാസ്യത്തിലധിഷ്ടിതമായ ഭാവനാസൃഷ്ടിയാണ്.