"എന്റെ പ്രണയ രഹസ്യം"

ചിത്രത്തില്‍ ക്ലിക്കിയാല്‍ വലുതായ് കാണാം

-------------------

അതിനുള്ളിലേറ്റം പ്രിയമായവനെനിക്കുണ്ട്..

സ്വപ്നങ്ങള്‍ തൂക്കി വിറ്റു ഞാന്‍ കാത്തിരുന്നത്..

രാവൊക്കൊയും കണ്ണീരു തൂവി ഞാന്‍ കൈകള്‍ നീട്ടിയത്..

കടലും കരയും കടന്നു ഞാന്‍ വന്നത്..

-------------------

പ്രിയമായവനേ..നീയറിയുന്നുവോ

അത് നിന്‍ ചാരെയണയുവാനെന്ന്?

-------------------

പാലയനത്തിന്റെ കഠിന പാതയില്‍

പല പാതിരകള്‍ പിന്നിട്ടവന്‍

വഴി നയിക്കാന്‍ തിളങ്ങുന്ന താരകം..

ഭൂമിയറിഞ്ഞ ഒട്ടകം..

നിന്നെ വരവേല്‍ക്കാന്‍ ഒരു ജനത..

മദീനയുടെ ഹൃദയം നീ കവര്‍ന്നതല്ല

മറിച്ച് അവളുടെ ഹൃദയം നീയായി മാറുകയായിരുന്നു

-------------------

നീ അറിഞ്ഞ് സ്നേഹിച്ചതുമവള്‍ തന്നെ

നീ അറിഞ്ഞ് പ്രാര്‍ത്ഥിച്ചതുമവള്‍ക്ക് തന്നെ..

മണിമന്ദിരത്തിനു പകരം നീ പണിതുയര്‍ത്തിയത്

വെറുമൊരു മണ്‍ചുവര്‍ തണല്‍ പന്തല്‍..

കാലം നിനക്ക് കാത്തുവെച്ചത്

പകരം വെക്കാനില്ലാത്ത

തിളങ്ങുന്ന സുവര്‍ണ്ണ കൊട്ടാരവും.

-------------------

നിന്റെ നാമം എനിക്കിന്ന് ലഹരി പോലെ..

നിന്റെ ഓര്‍മ്മകള്‍ എനിക്കൗഷധം പോലെ..

നിന്റെ ചരിതം എനിക്ക് വഴികാട്ടിയും

നിന്റെ ജീവിതം എന്റെ പാഠപുസ്തകവും..

-------------------

പ്രിയമായവനേ..നീയറിയുന്നുവോ

നിന്നെ ഞാനെത്രമേല്‍ സ്നേഹിക്കുന്നുവെന്ന്?

-------------------

ഓരോ നിമിഷ മാത്രയിലും

നിന്റെ നാമം ഉച്ചരിക്കപ്പെടുമ്പോള്‍

ഞാന്‍ തേടുന്നത് നിന്റെ ദൂതിന്‍ പൊരുള്‍..

ഞാന്‍ തിരയുന്നത് നിന്റെ കാലടി പാടുകള്‍..

ഞാനാശിക്കുന്നത് നിന്റെ സ്നേഹ കാരുണ്യവും.

-------------------

പ്രിയമായവനേ..നീയറിയുന്നുവോ

നിന്‍ ചാരെഞാനെത്തിനില്‍ക്കുന്നുവെന്ന്..

ഈയഴികള്‍ക്കിപ്പുറമിരുന്നൊരുനോക്കുകാണാന്‍

കണ്ണീരു തൂകിഞാന്‍ കാത്തിരിക്കുന്നുവെന്ന്..!

------

മദീനയിലെ മസ്ജിദ് നബവിയില്‍ അന്തിയുറങ്ങുന്ന പ്രവാചക(സ) ഖബറിടം.

--------------------------

--------------------------------------

-------------------

വായനക്കായി ക്ഷണിക്കുന്നു:

ഇത്തിരിവെട്ടത്തിന്റെ ബ്ലോഗ്ഗ്-

"സാര്‍ത്ഥവാഹക സംഘത്തോടൊപ്പം"