"ഗൂഗിളമ്മായിയുടെ (ഒടുക്കത്തെ) കൊലച്ചതി!!"

പ്രിയപ്പെട്ട എന്റെ സുഹൃത്തുക്കളേ.

--------

ഈയ്യിടെ ഗൂഗിള്‍ .കോം ബ്ലോഗ്ഗറില്‍ വരുത്തിയ സമൂലമായ ചില പരിഷ്കാരങ്ങളുടെ ഭാഗമായി കഴിഞ്ഞ രണ്ടു വര്‍ഷങ്ങളിലൂടെ ഞാന്‍ നേടിയെടുത്ത എന്റെ ഗൂഗിള്‍ ബാങ്ക് അക്കൗണ്ടിലെ വന്‍ തുക എണ്ണൂറോളം ഫോളോവേഴ്സിനെ എനിക്ക് നഷ്ടപ്പെടുത്തി എന്നോട് യുദ്ധം പ്രഖ്യാപിച്ചിരിക്കുന്നു

എന്ന വിവരം ഞാന്‍ നിങ്ങളെ അറിയിക്കട്ടെ! -------- (അല്ല..ഇനി അഥവാ ഗൂഗിള്‍ സ്റ്റാഫുകള്‍ ആരെങ്കിലും എന്റെ ബ്ലോഗ്ഗ് വായിച്ച് ഞെട്ടിത്തരിച്ചാണോ ഈ തീരുമാനമെടുത്തത് എന്നും ഞാന്‍ ന്യായമായും സംശയിക്കുന്നുണ്ട്.)

--------

ഇക്കാലമത്രയും നിങ്ങള്‍ നല്‍കിയ പ്രോല്‍സാഹനത്തിന്റെ സാക്ഷ്യ പത്രം കൂടിയായിരുന്നു എനിക്കാ ചതുരകോളത്തില്‍ ദിനമെന്നോണം ഉയരുന്ന ബ്ലോഗ്ഗ് സമ്പന്നതയുടെ പ്രൊഫൈല്‍ ചിത്ര നോട്ടുകെട്ടുകള്‍ ...!

--------

(അവയാണ് ഒറ്റ രാത്രി കൊണ്ട് അമ്മായി കട്ടോണ്ട് പോയത്!

അല്ലേ..കോടീശ്വരിയായ അമ്മായിക്ക് എന്റെ നക്കാപ്പിച്ച കിട്ടിയിട്ട് എന്താവാന്‍ ...!)

--------

അല്ലെങ്കില്‍ അവരറിയുന്നോ

എന്തൊക്കെ കളികളിച്ചാണ് ...ഞാനിത്രയും തന്നെ ഒപ്പിച്ചെടുത്തതെന്ന്!

എന്റെ വായനക്കാരെ പറഞ്ഞു പറ്റിച്ചും ഫോര്‍‌വേഡ് മെയില്‍ ചെയ്ത് ഭീഷണിപ്പെടുത്തിയും പോസ്റ്റ് ലിങ്കെറിഞ്ഞ് കാലില്‍ കുരുക്കിട്ട് ബ്ലോഗ്ഗിലേക്ക് വരുത്തിയും ഫേസ്ബുക്ക് ഗ്രൂപ്പുകളില്‍ ദിനേന അഞ്ചെണ്ണം വീതം നാലുനേരം ബ്ലോഗ്ഗ് ലിങ്ക് വഴി വായന ക്കാരന്റെ ക്ഷമ പരീക്ഷിച്ചും അഡ്മിനായ ഗ്രൂപ്പുകളില്‍ ഫോളോ ചെയ്തില്ലെങ്കില്‍ കാര്‍ട്ടൂണ്‍ വരച്ച് കളയും എന്നൊക്കെ എന്തൊക്കെ തരികിട നമ്പറുകളാ ഈശ്വരാ ഞാനിറക്കി നോക്കിയത്..

--------

(എല്ലാം പിറവം പോലായല്ലോ സഖാവേ!)

--------

ഇനി അഥവാ ഗൂഗിളമ്മായിക്ക് കൈപ്പിഴ വല്ലതും പറ്റിയതാണോ എന്നറിയാന്‍ ഞാനിത്രയും ക്ഷമിച്ചു. ഒരു രക്ഷയുമില്ല. ബ്ലോഗ്ഗ് ഡോക്ടര്‍മാരായ നൗഷാദ് വടക്കേലും ജിക്കുമോനും സ്പാന്‍ഡറും ടൂള്‍ ബോക്സുമായി ഓടിവന്ന് എല്ലും എച്ച്ടീഎമ്മെലുമായൊക്കെ പുറത്തേക്ക് വലിച്ചിട്ട് കുറേ നേരം മെനക്കെട്ടെങ്കിലും പൂര്‍ണ്ണമായും തുക തിരിച്ചു കിട്ടിയില്ല. ഇനിയൊട്ട് കിട്ടാനും വകുപ്പില്ല എന്നറിയുന്നു.

--------

ഇപ്പോള്‍ എന്റെ ബ്ലോഗ്ഗിന്റെ പൂമുഖ വാതില്‍ തുറക്കാനേ ഒരു മടി...

എന്തോരം ആളുകള്‍ ഓടിച്ചാടിക്കളിച്ച സ്ഥലമായിരുന്നു..

കണ്ടില്ലേ ഉല്‍സവം കഴിഞ്ഞ പൂരപറമ്പു പോലെ ഇപ്പോള്‍ ശൂന്യമായി കിടക്കുന്നത്...

ഇനി എല്ലാം ആദ്യം മുതല്‍ തുടങ്ങണമല്ലോ എന്നാലോചിക്കുമ്പോള്‍ പത്താം ക്ലാസ് ജയിച്ചത് ഒന്നാം ക്ലാസ്സിലേക്കാ എന്നു പറഞ്ഞ് പോലൊരു ഇതി കര്‍ത്ത്യവ മൂഡത:!!.

ഹെന്താ ചെയ്യാ..വരാനുള്ളത് മറ്റൊരു ബ്ലോഗ്ഗില്‍ പോസ്റ്റായി തങ്ങില്ലാ എന്ന ബ്ലോഗ്ഗ് മൊഴി സത്യം തന്നെ!

(എന്തായാലും വായനക്കാരുണ്ടെന്ന് തോന്നിയാല്‍ ഞാനിവിടെത്തന്നെ കാണും കെട്ടോ.)

--------

അതിനിടയില്‍ മറന്നു പോകരുതാത്ത ഒന്ന് ചെയ്യുന്നു.

(ഫേസ്ബുക്കിലൂടെ അപ്പോള്‍ തന്നെ ഞാന്‍ പോസ്റ്റ് ആയി ഇട്ടിരുന്നു എങ്കിലും)

നിങ്ങളൊക്കെ അതറിഞ്ഞുവെങ്കിലും

ഞാന്‍ എന്റെ ബ്ലോഗ്ഗിലൂടെ അതറിയിക്കാന്‍ വിട്ടു.

വൈകിയതിനു ക്ഷമ ചോദിക്കുന്നു.

--------

(1) പ്രസിദ്ധ ബ്ലോഗ്ഗ് പോര്‍ട്ടലായ ബൂലോകം .കോമിന്റെ സൂപ്പര്‍ ബ്ലോഗ്ഗര്‍ അവാര്‍ഡിനു ശ്രീ. നിരക്ഷരന്‍ അര്‍‌ഹനായി. അദ്ദേഹത്തിനു "എന്റെ വര" ബ്ലോഗ്ഗിന്റെ അഭിവാദ്യങ്ങള്‍ .

ഒപ്പം റണ്ണര്‍ അപ്പ് ആയി "എന്റെ വര" ബ്ലോഗ്ഗ് ആണ്. അതിനായി എനിക്ക് വേണ്ടി വോട്ട് ചെയ്ത

എല്ലാവര്‍ക്കും..ഒപ്പം എനിക്കായി വോട്ട് ചെയ്യാന്‍ അഭ്യര്‍ത്ഥിച്ച് ബ്ലോഗ്ഗ് പോസ്റ്റിടുകയും ഫേസ്ബുക്കില്‍ സ്റ്റാറ്റസ് ഇടുകയും ചെയ്ത ഞാനറിയുന്ന..ഞാനറിയാത്ത ഒരുപാട് പേര്‍...

...എല്ലാവര്‍ക്കും എന്റെ ഹൃദയം നിറഞ്ഞ നന്ദി ഞാന്‍ രേഖപ്പെടുത്തുന്നു.

നന്ദി നന്ദി നന്ദി!.

--------

(2) ബൂലോകം .കോമിനു വേണ്ടി ശ്രീമതി. കുഞ്ഞൂസ് കാനഡയും , തട്ടകം. കോമിനു വേണ്ടി ശ്രീ.ടോസ് കോനുമഠം നടത്തിയ അഭിമുഖവും അവരുടെ ബ്ലോഗ്ഗുകളില്‍

പ്രസിദ്ധീകരിച്ചിരുന്നു. അവര്‍ക്കും എന്റെ നന്ദി അറിയിക്കുന്നു.

അത് വായിക്കാന്‍ സാധിക്കാത്തവര്‍ക്കായി അതിന്റെ ലിങ്ക് ഞാന്‍ കൊടുക്കുന്നു.

--------

ബൂലോകം.കോമില്‍ പ്രസിദ്ധീകരിച്ചത്.

--------

തട്ടകം.കോമില്‍ പ്രസിദ്ധീകരിച്ചത്.

--------

ശ്രീമതി കുഞ്ഞൂസ് കാനഡയുടെ മണിമുത്തില്‍ പ്രസിദ്ധീകരിച്ചത്.

--------

'എന്റെ വര" നിങ്ങള്‍ ഇഷ്ടപ്പെടുന്നുവെങ്കില്‍ വീണ്ടും ഒരിക്കല്‍ കൂടി ഫോളോവര്‍ ആയി ഈ ബ്ലോഗ്ഗിനെ സജീവമാക്കാന്‍ അഭ്യര്‍ത്ഥിക്കുന്നു.

ഒപ്പം ഞാന്‍ ഫേസ്ബുക്കിലൂടെ കാര്‍ട്ടൂണൂം ഫോട്ടോസും കുറിപ്പുകളുമായി

ഒരു പേജും തുടങ്ങിയിട്ടുണ്ട്. അവിടേക്കും വരാം .. ഓരോ ലൈക്കടിക്കാം.എല്ലാവര്‍ക്കും

സ്വാഗതം!

--------------

----

ഫേസ്ബുക്ക് പേജ് - ദയവായി അവിടെ "LIKE" അടിക്കുമല്ലോ ----------------

---------- എന്റെ ഫേസ്ബുക്ക് ഹോം പേജ് ------ ------ ------ --അപ്പം പറഞ്ഞു വന്നത് ഫോളോ ചെയ്യാന്‍ മറക്കണ്ടാന്ന്! -- ------ ------ ------