ബെര്‍ളി തോമസ് എന്താ കഴുതയോ..??

--------


ബെര്‍ളി തോമസിന്റെ എഴുത്തിനെക്കുറിച്ചും ശൈലിയെക്കുറിച്ചും വായനക്കാര്‍ക്കിടയില്‍ ഭിന്നാഭിപ്രായങ്ങള്‍ ഉണ്ടാവാം. എന്നാല്‍ വിഷയ വൈവിധ്യത്തില്‍ കാണിക്കുന്ന അതിശയകരമായ വ്യത്യസ്ഥതയും സമകാലിക സംഭവങ്ങളിലെ ജീര്‍ണ്ണതക്കെതിരെയുള്ള ശക്തമായ പോര്‍‌വിളികളും
സ്വന്തം തട്ടകമായ മലയാള മനോരമയെ പ്പോലും പല്ലും നഖവും ഉപയോഗിച്ച് വിമര്‍ശിക്കാന്‍ കാണിക്കുന്ന ആര്‍ജ്ജവവും സത്യസ്ന്ധതയും ഏത് വായനക്കാരനും സമ്മതിച്ചു കൊടുക്കുന്ന കാര്യമാണ്. അത് കൊണ്ട് തന്നെയാണ് വര്‍ഷങ്ങളായി മലയാളം ബ്ലോഗ്ഗിംഗ് രംഗത്ത് എതിരാളികളില്ലാതെ ബെര്‍ളി അനുസ്യൂതം മുന്നോട്ട് കുതിക്കുന്നതും.

--------

എന്റെ സുഹൃത്ത് ശ്രീ. ശ്രീജിത്ത് കുണ്ടോട്ടിയുടെ കമന്റിലെ വരികള്‍ ഞാന്‍ കുറിക്കട്ടെ
--------
"നാറിയ ഒരു സംഘടനയെ പേറി ജീവിക്കാതെ, അവരെ അങ്ങനെത്തന്നെ വിശേഷിപ്പിച്ച് ആ നാറിത്തരങ്ങള്‍ അക്കമിട്ട് നിരത്തി, ഇങ്ങനെയുള്ള ഒരു സംഘടനയില്‍ പ്രവര്‍ത്തിക്കേണ്ടിവന്നതില്‍ ആത്മാര്‍ത്ഥമായി ലജ്ജിക്കുന്നു എന്ന് വിളിച്ച് പറയാന്‍ ആര്‍ജ്ജവം കാണിച്ച ബെര്‍ളി അഭിനന്ദനം അര്‍ഹിക്കുന്നു. പത്രമുതലാളിമാരുടെ തിരുവുള്ളക്കെട് ഭയന്ന് ജീവിക്കുന്ന സാദാ ജീര്‍ണലിസ്റ്റ്‌-കളില്‍ നിന്ന് അദ്ദേഹത്തെ വ്യത്യസ്തനാക്കുന്ന ഘടകവും ഇതുതന്നെ. മനോരമയില്‍ ഇരുന്നുകൊണ്ട് തന്നെ മനോരമയുടെ തെറ്റുകളെ വിമര്‍ശിച്ചെഴുതാന്‍ ധൈര്യം കാണിച്ചിട്ടുണ്ട് അദ്ദേഹം. പത്രപ്രവര്‍ത്തക യൂണിയന്റെ കൊള്ളരുതായ്മകളില്‍ ഒരുപാടുപേര്‍ക്ക് പരാതിയുണ്ട്. എന്നാല്‍ ഇങ്ങനെ തുറന്നെഴുത്തിന് അവരാരും ധൈര്യം കാണിച്ചിട്ടും ഇല്ല. എനിക്ക് തോന്നുന്നത് ബ്ലോഗ്‌ പോലത്തെ സോഷ്യല്‍ നെറ്റ്വര്‍ക്കിംഗ് മാധ്യമങ്ങളില്‍ നിന്നും സ്വതന്ത്രമായി ആര്‍ജ്ജിച്ച ഊര്‍ജ്ജം ആണ് അദ്ദേഹത്തെ ഇങ്ങനെയൊക്കെ വെട്ടിത്തുറന്നു പറയാന്‍ പ്രേരിപ്പിച്ചത്. ഒരു സംഘടനയില്‍ പ്രവര്‍ത്തിക്കുക എന്നത് മാത്രം അല്ല ആ സംഘടനയിലെ ദുഷ്പ്രവണതകളെ ചൂണ്ടിക്കാണിക്കുന്നതും ശരിയായ ഒരു സംഘടാന പ്രവര്‍ത്തനം ആണ്. ആ അര്‍ത്ഥത്തില്‍ ബെര്‍ളി തോമസ്‌ എന്ന ബ്ലോഗര്‍ ചെയ്തും അതുതന്നെ."
--------

ബെര്‍ളിയുടെ കരുത്ത് അദ്ദേഹത്തിന്റെ ശക്തമായ അക്ഷരായുധം തന്നെയാണ്..
അതിനെ കൂച്ചൂവിലങ്ങിടാന്‍ ...
ബെര്‍ളി നേടിയെടുത്ത ജനസമ്മിതി തകിടം മറിക്കാന്‍ ഏതു സംഘടന തലകുത്തിമറിഞ്ഞാലും ഇനി നടക്കില്ല.കാരണം കാലം മാറി.
(അത് അറിയാത്തതായി നമ്മുടെ സാഹിത്യകാരന്മാരും പത്രക്കാരും മാത്രമേ ഉള്ളൂ!)
പത്രപ്രവര്‍ത്തകന്‍ ബലാല്‍സംഗം ചെയ്തു അംഗവിക്ഷേപം വരുത്തിയ വാര്‍ത്തയെ
കണ്ണടച്ച് പരിണയിക്കുന്ന വായനക്കാരന്റെ മൗഡ്യമാര്‍ന്ന കാലം എന്നേ കഴിഞ്ഞു.
അവനുണ്ടാക്കുന്ന വാര്‍ത്തകള്‍ക്കപ്പുറം ശരിതെറ്റുകള്‍ ചൂഴ്ന്നും ചുരണ്ടിയുമെടുക്കാന്‍ വായനക്കാരനിന്ന് ആവതുണ്ട്... ആവോളം സാഹചര്യവുമുണ്ട്.
--------
അതുകൊണ്ട് തന്നെ നട്ടെല്ലുള്ളവന്‍ നിവര്‍ന്ന് നിന്ന് രാജാവ് നഗ്നനാണ് എന്ന് വിളിച്ച് പറഞ്ഞാല്‍
അതിനെതിരെ സംഹാര താണ്ഡവം മുഴക്കി നടപടിയെടുക്കാന്‍ തുനിയുന്നവര്‍ ഓര്‍ക്കുക.
--------
ബെര്‍ളി തനിച്ചല്ല. മലയാള ബൂലോകം മുഴുവന്‍ ബെര്‍ളിക്ക് പിന്നിലുണ്ട്.
--------