"എന്റെ സ്നേഹം നിറഞ്ഞ റമദാന്‍ ആശംസകള്‍!"

(മദീനയുടെ ചിത്രങ്ങള്‍..പലപ്പോഴായി ഞാനെടുത്തത്..

ചിത്രത്തില്‍ ക്ലിക്കിയാല്‍ വലുതായ് കാണാം)

മദീന ഇനി റമദാന്റെ ലഹരിയിലേക്ക്...

ചുട്ടു പൊള്ളുന്ന വെയിലിനെ വകവെക്കാതെ ദീര്‍ഘമായ പകല്‍ മുഴുവനും വൃതമെടുത്ത്

നോമ്പ് തുറക്കായി പ്രവാചക മസ്ജിദില്‍ ഒത്തുകൂടുന്ന ജനലക്ഷങ്ങള്‍ക്കായി സൃഷ്ടാവിന്റെ കാരുണ്യവും പ്രതിഫലവും മാത്രം കാംക്ഷിച്ചു കൊണ്ട് സ്വദേശികളും വിദേശികളും നടത്തുന്ന ഇഫ്താര്‍ സുപ്രകളിലേക്ക് സ്നേഹപൂര്‍‌വ്വം കൈപിടിച്ച് കൊണ്ട് പോവുന്ന കാഴ്ച ഇനി സുലഭം...

കൊച്ചുകുട്ടികള്‍ കയ്യില്‍ നോമ്പുതുറക്കുള്ള ഭക്ഷണ പൊതികളുമായി നിങ്ങള്‍ക്ക് നേരെ കൈകള്‍ നീട്ടുമ്പോള്‍

ആ മുഖങ്ങളില്‍ മദീനയുടെ സ്നേഹപാരമ്പര്യം ദര്‍ശിക്കാം......

ഇനി..

ഖുര്‍‌ആന്‍ പാരായണവും തറാവീഹ് നമസ്ക്കാരവും ദിക്ക്റ് ചൊല്ലലുമായി ദിവസം മുഴുവന്‍

ക്ഷമയും നിഷ്കര്‍ഷതകളുമായി...

റമദാന്റെ പൊന്നിന്‍പ്രഭയുള്ള മുപ്പതുനാള്‍!

റമദാന്‍...

വരൂ..നീയെനിക്ക് എന്നിലെ പാപങ്ങളും ദുര്‍ചിന്തകളും കഴുകിക്കളയാന്‍ അവസരമൊരുക്കൂ..

സ്നേഹവും സഹനവും എന്നെ പഠിപ്പിക്കൂ....

തുടര്‍ന്നുള്ള ജീവിതത്തിനു നീയെനിക്കുമുന്നില്‍ വെട്ടമായ് നില്‍ക്കൂ...

റമദാന്‍..

മാസങ്ങളില്‍ നീ പുണ്യവതി..!

ബൂലോകത്തിലെ എല്ലാ നല്ലവരായ ബ്ലോഗ്ഗേഴ്സിനും

എന്റെ സ്നേഹം നിറഞ്ഞ റമദാന്‍ ആശംസകള്‍!

മദീനയില്‍ നിന്നും

നൗഷാദ് അകമ്പാടം.

മദീനാ വിഷന്‍.കോം