വിവരമില്ലാത്തവന്‍ ബ്ലോഗ് തുടങ്ങിയാല്‍ എന്തു സംഭവിക്കും ? ഇതാ നോക്കൂ.....!!

ഒരു കരളലിയിപ്പിക്കുന്ന സംഭവത്തിന്റെ നഗ്നമായ ആവിഷ്ക്കാരവും ചില ചിന്തകളും.

---------------------------------------------------------

ഈ രംഗം കണ്ടു നിന്നവര്‍ പറയുന്നതു കൂടി കേള്‍ക്കൂ..

ഒന്നാമന്‍ : അവന് ഈ അറിയാത്ത പണിക്ക് നില്‍ക്കണ്ട വല്ല കാര്യവുമുണ്ടൊ ..

വെറുതെ മനുഷനെക്കൊണ്ടു പറയിക്കാന്‍..!

--------------

രണ്ടാമന്‍ : അതെയതെ..എല്ലാത്തിലും കയ്യിട്ട് വാരുന്ന പണി.

അല്ലങ്കി നോക്ക് ..ഫ്ലിക്കരീ അവനൊരു തരെക്കേടില്ലാത്ത ഫോട്ടോ കടയുണ്ട്..അതുമായി നടന്നാ പോരേ.. ദാ..ഈ വഴിക്കു പോയാ നേരെ അവിടെയെത്താം ..ഈ വഴി പോയാ മദീനാ വിഷന്‍ എന്ന സ്വന്തം കടയിലുമെത്താം ..

ഒക്കെയുണ്ടായിട്ടും ...

--------------

ഒന്നാമന്‍ : അത് തന്നാ പറഞ്ഞത് മനുഷന്റെ ആര്‍ത്തി ആര്‍ത്തി എന്ന്..

ദാ ഇപ്പം കാണുന്നില്ലേ..നമ്മുടെ സിനിമേല് ഒരു തലേക്കെട്ടുകാരനുണ്ടായിരുന്നല്ലൊ..

ഒരു മേനോന്‍..സ‌ം‌വിധാനം,കധ,തിരക്കഥ,എഡിറ്റിം‌ഗ്.സംഗീതം,ഒലക്കേടെ മൂട്..

എന്നിട്ടവസാനം എന്തായി...ദേ..ഇങ്ങോട്ടൊന്ന് നോക്കിയേ എന്നും പറഞ്ഞ് നടന്നിട്ട് ഒരു മനുഷ്യന്‍ തിരിഞ്ഞ് നോക്കിയോ...പാവം തല തിരിഞ്ഞു പോയില്ലേ..!

--------------

രണ്ടാമന്‍ : ആര്‍ത്തി അര്‍ക്കാ ഇല്ലാത്തത്..ഇപ്പം നമ്മുടെ സൂപ്പര്‍ താരങ്ങളുടെ കഥ തന്നെ നോക്ക്.. ആവശ്യത്തിന് അവാര്‍ഡും അംഗീകാരവും സമ്പത്തും എല്ലാം ആയിട്ടും ഇപ്പൊഴും ഈ കോമാളി ചെറുപ്പക്കാരുടെ വേഷവും കെട്ടി ഉള്ള നിലയും വിലയും എന്തിനാ കളയുന്നത് ..

പ്രായത്തിനനുസരിച്ച വേഷം കെട്ടിയാ പോരേന്നു ചോദിക്കും..

അതു തന്നെയാണു പ്രശ്നം..അവര്‍ക്കറിയാം സിനിമയില്‍ നായകന്മരുടെ ഔട്ടാകലിന്റെ ആദ്യ പടി അതാണെന്ന്..

--------------

എടോ..വയസ്സന്മാരു നായകന്മാരാവുന്ന എത്ര പടം കാണും..

അല്ലെങ്കില്‍ വയസ്സന്മാരെ എത്ര കഥയില്‍ നായകന്മാരാക്കാന്‍ പറ്റും..

അതൊക്കെ പ്രശ്നം തന്നെയാണു മാഷേ..

അവര്‍ക്ക് പരമാവധി പടത്തിലഭിനയിക്കണം..പരമാവധി കാശുണ്ടാക്കണം എന്ന ഒറ്റ ചിന്തയേ ഒള്ളൂ...

--------------

ഒന്നാമന്‍ :വിദേശ സിനിമകളില്‍ നായകന്റെ പ്രായമോ വേഷ വിധാനങ്ങളോ അവര്‍ക്ക് ഒരു പ്രശ്നമല്ല.. കാണികള്‍ക്കും..അവരവരുടെ പ്രായത്തിനനുസരിച്ച വേഷം കെട്ടാന്‍ തയ്യാറാണു..

പ്രായം കൂടുന്തോറും അവര്‍ക്ക് അവിടെയുള്ള റെസ്പെക്‍റ്റ്,സ്റ്റാര്‍ വാല്യൂ..എല്ലാം കൂടുകയാണു ചെയ്യുന്നത്.. അതിനു ഏറ്റവും നല്ല ഉദാഹരണമാണു ക്ലിന്റ് ഈസ്റ്റ്വുഡ്..പിന്നെ റോബര്‍ട്ട് ഡി നീറോ, അല്‍ പാചിനോ, ഷാന്‍ കോണറി എത്ര വേണമെങ്കിലും കണ്ടെത്താന്‍ കഴിയും..

--------------

രണ്ടാമന്‍ : നമ്മുടെ നായക സങ്കല്പ്പം യുവത്വത്തില്‍ ബന്ധിതമാണെന്നു തോന്നുന്നു..

--------------

ഒന്നാമന്‍ : ഒരു പക്ഷേ യുവത്വത്തിലാണല്ലോ സാഹസികതക്കും അടിപിടിക്കും ഒക്കെ ചാന്‍സു കൂടുതലുള്ളത് ..

--------------

രണ്ടാമന്‍ : അല്ലാതെ ചില പടങ്ങള്‍ മലയാളത്തില്‍ ഇറങ്ങിട്ടുണ്ട്..നമ്മുടെ തിലകന്‍ ചേട്ടനായിരുന്നു നായകന്‍.ഓര്‍മ്മയില്ലേ പെരുന്തച്ചന്‍,സന്ദേശം, സന്താന ഗോപാലം, കാട്ടുകുതിര,

അങ്ങനെ എത്ര പടങ്ങള്‍..

--------------

ഒന്നാമന്‍ : അതെയതെ..പ്രായം കൂടുന്തോറും തിലകന്റെ അഭിനയ സിദ്ധിയുടെ തിളക്കവും കൂടുകയായിരുന്നു അദ്ദേഹത്തിനു..

--------------

രണ്ടാമന്‍ : അദ്ദേഹത്തിന്റെ സ്വഭാവം ശരിയല്ലാ എന്നു പറഞ്ഞാണല്ലോ...

--------------

ഒന്നാമന്‍ : പ്രേക്ഷകര്‍ സിനിമ കാണുന്നത് അവരുടെ അഭിനയം കാണുവാന്‍ മാത്രമാണ് ..

അവരുടെ ജാതിയോ മതമോ സ്വഭാവ സര്‍ട്ടിഫിക്കറ്റോ ഒന്നും അവരാവശ്യപ്പെടാറില്ലല്ലോ..

--------------

രണ്ടാമന്‍ : ഹല്ലാ..ഇവിടൊരുത്തന്‍ അവന്റെ ബ്ലൊഗില്‍ കമന്റിടണേ കമന്റിടണേ.. എന്നു പറഞ്ഞ് കരഞ്ഞിരിപ്പുണ്ടായിരുന്നല്ലോ..അവനെവിടെപ്പോയി.. ?

--------------

ഒന്നാമന്‍ : ശരിയാണല്ലോ..നമ്മളൊന്നു കറങ്ങി വന്നപ്പോഴേക്കും അവനെവിടെപ്പോയി..

ചിലപ്പോ അനധിക്റ്ത കുടിയേറ്റത്തിന് നമ്മുടെ സര്‍ക്കാരെങ്ങാനും ജെ.സി.ബി. വെച്ചു

അവനെ നിരത്തിയോ..അതോ മറ്റു ബ്ലോഗ്ഗേഴ്സിനു തന്നെ മാനക്കോണെന്നു കരുതി എല്ലാരും കൂടി

അവനെ അടിച്ചോടിച്ചോ..

--------------

രണ്ടാമന്‍ : ഹേയ് അവനെയൊക്കെ ആരു കണക്കിലെടുക്കാന്‍..

ദാ അതുകണ്ടോ..അവന്റെ ലാപ്ടോപ്പും മറ്റും തച്ചുടച്ചിരിക്കുന്നു..

ചിലപ്പോ വിസിറ്റേഴ്സിനേം കമന്റ്സും ഒന്നും കിട്ടാതെ വന്നപ്പോ അവനു തന്നെ

കലി കേറി തച്ചുടച്ചതാവാം..

--------------

ഒന്നാമന്‍ : എന്തായാലും അവന്‍ സ്ഥലം കാലിയാക്കിയല്ലോ..സമാധാനം..!

--------------

രണ്ടാമന്‍ :ഹാവൂ..സമാധാനം..!

--------------