ഇളം കാറ്റിലെന്നെ പുല്‍കുന്നിതാരോ

-----------

നിലാവും ഇളം കുളിരുമുള്ള രാത്രികളില്‍

പരിശുദ്ധ മസ്ജിദിന്റെ മുറ്റത്തു നീ ഉലാത്തുമ്പോള്‍

നിന്നെ തലോടനെത്തുന്ന നനു നനുത്ത കാറ്റിനു

കസ്തൂരി ഗന്ധം ഉണ്ടെന്നു നിനക്ക് തോന്നിയോ..?

-----------

ആലിംഗനത്തിന്റെ പരിലാളനത്തില്‍

മിഴികളടക്കുമ്പോള്‍

മന്കട്ട കളാല്‍ കെട്ടിയുയര്‍ത്തിയ ..

ഉണങ്ങിയ ഈന്ത പനയാല്‍ പന്തല് മേഞ്ഞ

ഒരു നാല് ചുവരിനു മുന്നിലാണ്‌ നീയെന്നറിഞ്ഞുവോ..?

-----------

ഭൂലോകം മുഴുവന്‍ വെളിച്ചമേകാനെത്തിയവന്‍

മെടഞ്ഞിട്ട ഉണങ്ങിയ പനയോലയില്‍

അന്തിയുറങ്ങുന്നത് കണ്ടു നിന്റെ ഉള്ളം പിടഞ്ഞുവോ..

-----------

ഒരു പിടി ഉണങ്ങിയ കാരക്കയും വെള്ളവുമാണ്

നിന്റെ രാജാവിന്റെ അമൃദേത്ത് എന്നറിഞ്ഞു

നിന്റെ മിഴികള്‍ ഈറനണിഞ്ഞുവോ?

-----------

ആ ദിവ്യ വചനങ്ങള്‍ ക്കപ്പുറം

നീ തേടിയതും നേടിയതും

എന്തിനായിരുന്നു എന്ന തിരിച്ചരിവിലാണല്ലോ

നിന്‍റെ മനമുണരുന്നത്..

-----------

വിശുദ്ധമായതൊന്നിനെ തഴുകി വന്ന ഇളം കാറ്റ്

ഇപ്പോഴുമിവിടെയുണ്ട്...

-----------

അവനെന്റെ കാതിലോതുന്നുമുണ്ട് ..

-----------

നിനക്കായി ചെലോട്ടുമില്ലാത്ത പഴയൊരു പാത്രത്തില്‍

ഇത്തിരി കാരക്കയും വെള്ളവുമുണ്ട് ...

-----------

ഈ സമൃദ്ധിയിലേക്ക് നീ വരുന്നോ..നീ വരുന്നോ..?

-----------