ഗായിക കെ.എസ്‌ ചിത്രയുടെ മകള്‍ മുങ്ങിമരിച്ചു!

കൊച്ചി: പിന്നണി ഗായിക കെ.എസ്‌ ചിത്രയുടെ ഏകമകള്‍ നന്ദന (8) മുങ്ങിമരിച്ചു. ദുബായിലെ എമിറേറ്റ്‌ ഹില്‍സിലുള്ള വസതിയിലെ നീന്തല്‍കുളത്തില്‍ വീണാണ്‌ മരണം സംഭവിച്ചത്‌. രാവിലെ എട്ടരയോടെ അപകടം നടന്നതെങ്കിലും ജുബൈദ് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. ദുബായില്‍ നടക്കുന്ന എ.ആര്‍ റഹ്മാന്‍ സ്റ്റേജ് ഷോയില്‍ പങ്കെടുക്കാനാണ്‌ കുടുംബം ഇവിടെയെത്തിയത്‌. വിവാഹശേഷം പതിനഞ്ചുവര്‍ഷത്തോളം നീണ്ട കാത്തിരിപ്പു ശേഷമാണ്‌ ചിത്രയ്‌ക്ക് മകള്‍ ജനിച്ചത്‌. വിജയകൃഷ്ണനാണ് ചിത്രയുടെ ഭര്‍ത്താവ്.

ഒന്നാംക്ലാസ് വിദ്യാര്‍ഥിനിയായ നന്ദന രാവിലെ കുളത്തില്‍ കുളിക്കുന്നതിനിടെയാണ് അപകടമുണ്ടായെന്ന് റിപ്പോര്‍ട്ടില്‍ പറയുന്നു. ആശുപത്രിയില്‍ സൂക്ഷിച്ചിരിക്കുന്ന മൃതദ്ദേഹം നടപടിക്രമങ്ങക്കായി ദുബായ് പോലീസ് ഫോറന്‍സിക് ലാബിലേക്ക് മാറ്റി. നടപടികള്‍‍ പൂര്‍ത്തിയാക്കിയശേഷം രാത്രി 9 മണിയോടെ ചെന്നൈയിലെത്തിക്കും.

(വാര്‍ത്ത -മംഗളം)

ചിത്രേച്ചിക്ക് മലയാളി മനസ്സിന്റെ സാന്ത്വനം മുഴുവനും ഈ അവസരത്തിലുണ്ടെന്ന് ഹൃദയപൂ‌ര്‍‌വ്വം കുറിക്കട്ടെ!

അനുശോചനത്തിനു പോലും വാക്കുകള്‍ ദുര്‍ലഭമാവുന്ന ഈ അവസരത്തില്‍ കണ്ണുനീരിനോടൊപ്പം ചിത്രേച്ചിക്ക് ഏറ്റവും പ്രിയതരമായ ഒരു ഗാനം ഇവിടെ ചേര്‍ക്കുന്നു.

http://youtu.be/Rk_YGN6bBc8