മാഷേ.. അങ്ങേക്ക് പ്രണാമം......!!

എനിക്കിപ്പോഴും വിശ്വസിക്കാനാവുന്നില്ല..

പൊടുന്നനവേ എന്നിലെന്തോ ഒന്ന് നഷ്ടമായ പോലെ..

----------

ഇതിപ്പോള്‍ ഒരിക്കലും കാണാത്ത...

ഒരു ഓണ്‍ലൈന്‍ സൗഹൃദത്തിനപ്പുറത്തേക്ക്

എങ്ങിനേയോ വര്‍ദ്ധിച്ചു പോയ ഒരാദരവ്..

ജ്യേഷ്ഠസ്നേഹം ഒളിപ്പിച്ച അക്ഷരങ്ങള്‍ ..

അദ്ധ്യാപകന്റെ പക്വപൂര്‍‌ണ്ണമായ ആശയങ്ങള്‍... നിദ്ദേശങ്ങള്‍ ..

----------

ഒരു ബ്ലോഗ്ഗ് സൗഹൃദത്തിനു എത്ര മേല്‍ ഹൃദയത്തെ വാരിപ്പുണരുവാനും

വേര്‍പാടില്‍ നെഞ്ചു പൊട്ടിക്കരയുവാനുമാകുമെന്ന് ഞാനിപ്പോള്‍ അറിയുന്നു...

----------

പലപ്പോഴും പ്രവാസം മരണ വാര്‍ത്തകളെ ഒരു ഫോണ്‍ വിളിയിലും

ഒരു പത്രവാര്‍ത്തയിലും ചിലപ്പോഴൊക്കെ ഒരു മയ്യിത്ത് നമസ്ക്കാരത്തിലുമായി കഴിഞ്ഞ്

ഗള്‍ഫ് ദിനരാത്രങ്ങള്‍ക്കൊപ്പം മറയുമ്പോള്‍

ചെറുപ്പത്തില്‍ കണ്‍ട പഴയ മുഖങ്ങളില്‍

പലതും വെക്കേഷന്‍ നാളുകളിലായിരിക്കും പെറുക്കിയെടുക്കാന്‍ ശ്രമിക്കുക..

എന്നാല്‍ ഇതിപ്പോള്‍ ...

----------

ആദ്യ ചാറ്റില്‍ തന്നെ മാഷ് പറഞ്ഞു..

സാറെന്ന് വിളിക്കണ്ട..മാഷുമതി അതാണെനിക്കിഷ്ടം..

----------

മാഷ് നമ്മുടെ ഗ്രൂപ്പില്‍ സജീവമാകുന്നതിലുള്ള സന്തോഷവും ഒപ്പം മുതിര്‍ന്ന അങ്ങയെപ്പോലുള്ള

ആളുകള്‍ ഈ ഗ്രൂപ്പിന്റെ ഗൗരവം വര്‍ദ്ധിപ്പിക്കുമെന്ന് ഞാനെഴുതിയപ്പോള്‍ അദ്ദേഹം മെല്ല ചിരിച്ചു..ആ ചിരി

ഇവിടെ രാത്രി രണ്ടു മണി പുര്‍ച്ചയിലാണു ഞാന്‍ കേട്ടത്...

----------

ഗ്രൂപ്പില്‍ പോസ്റ്റായി ഇടാന്‍ രണ്ടു മൂന്നു തവണ ഒരോ വിഷയങ്ങള്‍ അവതരിപ്പിച്ചു..

ഇത് എങ്ങനെയുണ്ട് നൗഷാദ് ?..പോസ്റ്റാമോ..എന്ന് ചോദിച്ചപ്പോള്‍

തീര്‍ച്ചയായും പോസ്റ്റൂ മാഷേ..നല്ല കാലിക പ്രസക്തിയുള്ള വിഷയമാണല്ലോ..

എന്ന് തിരികെഴുതി..

----------

ഒടുവിലെ ഗ്രൂപ്പ് പോസ്റ്റ് ബ്ലോഗ്ഗെഴുത്തിന്റെ പരിമിതികളെക്കുറിച്ച് ചര്‍ച്ച ചെയ്യാനായിരുന്നു..

അദ്ദേഹം ക്ഷണിച്ചിട്ടും ഫേസ്ബുക്കിലെ ചില തകരാറുകള്‍ മൂലം എനിക്ക്

(പലര്‍ക്കും ഈയ്യിടെ ഈ അനുഭവം ഉണ്ടായി എന്നറിഞ്ഞു)

കമന്റാനോ ചര്‍ച്ചയില്‍ പങ്കെടുക്കാനോ കഴിഞ്ഞില്ല..

----------

ചില നഷ്ടങ്ങള്‍ അവ നമ്മില്‍ വല്ലാത്ത വേദനയുളവാക്കും..

ചിലത് നാമറിയാതെ നമുക്ക്

എന്തോ നഷ്ടമായെന്ന് നമ്മെ ഓര്‍മ്മപ്പെടുത്തും..

----------

അവ ഒരിക്കലും ശമനം നല്‍കുന്നില്ല

കാണാതെ പോയ ഒരുമനുഷ്യന്റെ ഓര്‍മ്മകളെ

അക്ഷരങ്ങളില്‍ പാകപ്പെടുത്താനാവാത്ത മനസ്സിന്റെ ആകുലതകള്‍ക്ക് !

----------

ഇനി ഒരു ജ്യേഷ്ഠ സഹൊദരനായി എന്റെ ചാറ്റ് ബോക്സില്‍ ആ അക്ഷരങ്ങളും

ഗൗരവം മുറ്റിയ കണ്ണട വെച്ച മുഖവും തെളിഞ്ഞ് വരില്ല..

തിരക്കിലാണോ..ഇതൊന്നു വായിക്കൂ എന്ന് പറഞ്ഞ് എന്റെ ചാറ്റ് ബോക്സ് ചുമന്ന ഐകണോടെ

എന്റെ ശ്രദ്ധ പിടിച്ചു വെക്കില്ല..

രാവേറെ ചെന്നും കമ്പ്യൂട്ടറില്‍ ജോലി ചെയ്തിരിക്കുമ്പോള്‍ ഉറങ്ങിയില്ലേ എന്ന ചോദ്യവുമായി മാഷിനി വരില്ല..

----------

ശരിയാണു മാഷേ..

അങ്ങ് ഗ്രൂപ്പില്‍ അവസാനമിട്ട ചര്‍ച്ച 'ഒരു ആശയം ബ്ലോഗിങ്ങിലൂടെ അവതരിപ്പിക്കുമ്പോള്‍ അനുഭവപ്പെടുന്ന പരിമിതികള്‍

എന്തൊക്കെയാണ്?' എന്നതായിരുന്നു..

----------

അങ്ങയോട് പറയണമെന്ന് കരുതി പറയാതെ പോയ വാക്കുകള്‍

ഇനി അല്പം മാറ്റത്തോടെ ഇവിടെ കുറിക്കാം..

----------

ഞാനിപ്പോള്‍ അറിയുന്നു..

ഏതൊന്നും ഹൃദയം തുറന്ന് എഴുതേണ്ടി വരുമ്പോള്‍

അവ കണ്ണീരു വീണു നനയുന്നുണ്ടെന്ന്..

അക്ഷരങ്ങള്‍ക്കിടയില്‍ ഗദ്ഗദം കൊണ്ട്

ഇടര്‍ച്ചകള്‍ ഉണ്ടാവുന്നുണ്ടെന്ന്..

വരികള്‍ക്കിടയില്‍ നീണ്ട മൗനത്തിന്റെ

തേങ്ങലുകള്‍ അലയുന്നുണ്‍ടെന്ന്..

കണ്ണീരു പൊടിഞ്ഞ് തടയാനാകാതെ

എഴുതിയ അക്ഷരങ്ങള്‍ എങ്ങോ നഷ്ടമാവുന്നുണ്‍ടെന്ന്...

----------

പരിമിതികള്‍ ആശയത്തിനും ബ്ലോഗ്ഗിനുമല്ല...

മറിച്ച്..

ഉള്ള് വിങ്ങി വിങ്ങി..

ഹൃദയപാളികകളിലെവിടെയോ പൊള്ളല്‍ വീഴ്ത്തുന്ന നീറുന്ന വേദന..

അതൊരിത്തിരി പോലും

അക്ഷരങ്ങളിലേക്കൊന്ന് പകര്‍ന്നു നല്‍കാനാകാതെ

പരിതപിച്ചു പോവുന്ന നിസ്സഹായത നോറ്റ

എന്റെ മനസ്സിനു തന്നെയാണു...!

----------

ഞാനിപ്പോള്‍ അതില്‍ തിരിച്ചറിവിന്‍ നോവറിയുന്നു....

----------

----------

----------

----------

മാഷേ..

അങ്ങേക്ക് പ്രണാമം......!

----------

----------

----------

----------

മലയാളം ബ്ലോഗ്ഗേഴ്സ് ഗ്രൂപ്പിലെ ചാറ്റ് ഷോക്കു വേണ്ടി മാഷ്

സ്വയം പരിചയപ്പെടുത്തിക്കൊണ്ടെഴുതിയ വാക്കുകള്‍ ...

----------

(( ഞാന്‍ സുന്ദര്‍ രാജ് ... അധ്യാപക ദമ്പതികളുടെ മകനായി 1961 ല്‍ ജനനം പുസ്തകങ്ങള്‍ മാത്രമായിരുന്നു ചെറുപ്പത്തില്‍ കൂട്ടുകാര്‍ . പുറമേരി കടത്തനാട് രാജാസ് , ഗുരുവായൂരപ്പന്‍ കോളേജ് , വെങ്കിടേഷ് കോളേജ് ( ബാംഗ്ലൂര്‍ ) എന്നിവിടങ്ങളില്‍

വിദ്യാഭ്യാസം.. അടിയന്തരാവസ്ഥക്കാലത്തെ കോളേജ് ജീവിതം എന്‍റെ ജീവിതം മാറ്റി മറിച്ചു. ചെറുത്തു നില്പ്പിന്‍റെ ദുര്‍ബലമായ ശബ്ദങ്ങളോടൊപ്പം ഞാനും കൂടി ..അന്നത്തെ സിനിമ, കല , സാഹിത്യം എല്ലാം അതിനു പ്രേരണയായി. എന്‍റെ നാട്ടില്‍ ( പുറമേരി) സമാന മനസ്കരായ ഞങ്ങള്‍ ഏഴു പേര്‍ അടിയന്താരവസ്തക്കെതിരെ ഒരു വൈകുന്നേരം ജാഥ നടത്തി. ടൌണ്‍ ചുറ്റി തുടങ്ങിയേടത്തു ജാഥ എത്തും മുന്‍പ് പോലീസെത്തി. ( കോണ്‍ ഗ്രസ്സുകാര്‍ക്ക് സ്തുതി.) . അന്ന് രാത്രി ലോക്കപ്പില്‍ കിടന്നു. കമ്മുനിസ്റ്റ്‌ കുടുംബമായിരുന്നിട്ടും വീട്ടുകാര്‍ ഞാന്‍ നന്നാവില്ലെന്നു കണ്ടു ബാംഗ്ലൂറിലേക്ക് നാട് കടത്തി. തിരിച്ചെത്തിയ എന്നെ എതിരേറ്റത് ചിതറി പ്പോയ വിപ്ലവ സ്വപ്നങ്ങളും ചീറ്റി പ്പോയ വസന്തത്തിന്‍റെ ഇടി മുഴക്കങ്ങളും മാത്രം. ..

കുടുംബ പശ്ചാത്തലവും വെറുതെയിരിക്കാന്‍ കഴിയാത്ത എന്‍റെ പ്രകൃതവും എന്നെ സി പി ഐ എമ്മില്‍ എത്തിച്ചു. 81 മുതല്‍ 89 വരെ ഞാന്‍ പാര്‍ടി അംഗ മായിരുന്നു 81 ല്‍ കേരളത്തിലെ ഏറ്റവും പ്രായം കുറഞ്ഞ 'സഹകാരി ' യായി തിരഞ്ഞെടുക്കപ്പെട്ടു.1980 മുതല്‍ അധ്യാപകന്‍.തൊഴിലിനോട് കഴിയാവുന്നത്ര കൂറ് പുലര്‍ത്താന്‍ ശ്രമിച്ചിട്ടിട്ടുണ്ട്‌. പുതിയ സങ്കേതങ്ങള്‍ കണ്ടെത്താനും പ്രയോഗിക്കാനും

ഉള്ള ശ്രമം തുടരുന്നു. ദേശീയ തലത്തില്‍ നിരവധി സെമിനാറുകള്‍ , ചര്‍ച്ചകള്‍ എന്നിവയില്‍ പങ്കെടുക്കാന്‍ അവസരം ലഭിച്ചു.

2006 ല്‍ NATIONAL INNOVATIVE TEACHER AWARD നു അര്‍ഹത നേടി വിവാഹ ജീവിതം മറ്റൊരു വഴിത്തിരിവായി. പൊതു രംഗം

എനിക്ക് ഉപേക്ഷിക്കേണ്ടി വന്നു. തുടക്കം മുതലേയുള്ള വൈരുധ്യം മൂര്‍ച്ചിച്ചു ഞങ്ങള്‍ക്ക്ഒടുവില്‍ വഴി പിരിയേണ്ടി വന്നു. ഇപ്പോള്‍ പ്രതീക്ഷിക്കാനോ കാത്തിരിക്കാനോ ഒന്നുമില്ലെങ്കിലും സംതൃപ്തന്‍ .... ഒരു മകള്‍..ബി ടെകിന് വായിക്കുന്നു.))

************

----------

അദ്ദേഹത്തിന്റെ ബ്ലോഗിലേക്കുള്ള ലിങ്ക് : http://viewsinnet.blogspot.com

----------

അദ്ദേഹത്തിന്റെ ചാറ്റിലേക്കുള്ള ലിങ്ക് :

----------

http://www.facebook.com/home.php?sk=group_183734611637044&view=doc&id=208476409162864

----------

----------

അനുബന്ധ പോസ്റ്റുകള്‍ -

ബഷീര്‍ വള്ളിക്കുന്ന് :

http://www.vallikkunnu.com/2011/03/blog-post_27.html#more

----------

ആചാര്യന്‍ :

http://aacharyan-imthi.blogspot.com/2011/03/blog-post_27.html?showComment=1301216786548#c4243380919307323670

----------

നൗഷാദ് വടക്കേല്‍ :

http://mbloggerschat.blogspot.com/2011/03/sundar-raj-sundar.html

കണ്ണന്‍

: http://loverofevening.blogspot.com/2011/03/blog-post_27.html