" ഞെട്ടരുത്-ഇതെന്റെ വാര്‍ഷിക പോസ്റ്റ്!!"

(ചിത്രത്തില്‍ ക്ലിക്കിയാല്‍ വലുതായി കാണാം)

---------------

പ്രിയപ്പെട്ട വായനക്കാരേ,

---------------

മലയാള ബ്ലോഗ്ഗ് ലോകത്ത് ഒരു കൊടുങ്കാറ്റ് പോലെ ആഞ്ഞടിക്കുമെന്ന് ഞാന്‍ വെറുതെ വ്യാമോഹിക്കുകയും എന്നാല്‍ ഒരു കൊടുങ്കാറ്റ് പോയിട്ട് ഒരു കുളിര്‍ക്കാറ്റ് പോലുമാവാതെ പോയ "എന്റെ വര" എന്ന ഈ ബ്ലോഗ്ഗ് തട്ടിമുട്ടി ഏന്തിവലിഞ്ഞ് മുന്നോട്ട് നീങ്ങി നിങ്ങളെയൊക്കെ ഞെട്ടിച്ചു കൊണ്ട് അതിന്റെ ഒന്നാം വര്‍ഷം പൂര്‍ത്തിയാക്കിയിരിക്കുന്നു എന്ന വാര്‍ത്ത (നിങ്ങള്‍ക്ക് ഇഷ്ടമായാലും ഇല്ലെങ്കിലും) ഞാനിതാ ഇവിടെ അലമുറയിട്ടലറിവിളിച്ചറിയിച്ചുകൊള്ളുന്നു.

---------------

ജോലികഴിഞ്ഞെത്തി ഉള്ള അല്പ ഒഴിവ് നേരം അടുക്കളയിലോ കുട്ടികളുടെ പഠന കാര്യത്തിലോ ശ്രദ്ധിക്കുന്നതിനു പകരം കമ്പ്യൂട്ടറിന്റെ മുന്‍പിലേക്കോടി പുതിയ കമന്റ് വല്ലതും വന്നോ എന്ന് ആര്‍ത്തി പിടിച്ച് നോക്കി തഞ്ചവും തരവും നോക്കി അല്പം കിഞ്ചന വര്‍ത്തമാനം പറയേണ്ട നേരത്ത് കുത്തിയിരുന്ന് മംഗ്ലീഷില്‍ വല്ലതും അടിച്ചു കൂട്ടുമ്പോള്‍ ആയിരിക്കും ഭദ്രകാളി കണക്കെ പെണ്‍പിറന്നോള്‍ തൊട്ടു പിന്നില്‍ !

---------------

"ഹോ എന്റെ മനുഷ്യനേ നിങ്ങടെ ഒരു കാര്യം!

ഞാനും പിള്ളാരുമേ ഒരു വഴിക്കായി..

ഇനി ഈ കുന്തത്തിലോരോന്ന് എഴുതിപ്പിടിപ്പിച്ച് എന്തിനാ മനുഷ്യാ

വായനക്കാരുടെ ശാപം കൂടി തലയില്‍ വെക്കുന്നത്!

---------------

കുട്ടികളുടെ ചില്ലറ കളിതമാശകളില്‍ പോലും ചിരിക്കാത്ത ഞാന്‍

ഒരു പുകഴ്ത്തല്‍ കമന്റ് കണ്ടാല്‍ ആര്‍ത്തു വിളിച്ച് അട്ടഹസിച്ച് ചിരിക്കുന്നതും

---------------

അണിഞ്ഞൊരുങ്ങി നില്‍ക്കുന്ന നല്ലപാതിയെ പേരിനെങ്കിലും ഒന്നു പൊക്കിപ്പറയാത്ത ഞാന്‍ ഏതു പോസ്റ്റുകണ്ടാലും കിടിലന്‍! സൂപ്പര്‍ !! എന്നൊക്കെ പ്രശം‌സ വാരിക്കോരി ചൊരിയുന്നത് കാണുമ്പോള്‍ അവള്‍ ചൊറിഞ്ഞ് കയറും..

" ഹും! കമന്റും ഫോള്ളോവേഴ്സിനേം കിട്ടാന്‍

നിങ്ങളീ കാട്ടിക്കൂട്ടണ വക്രബുദ്ധിയുടെ പകുതി

നാലുകാശുണ്ടാക്കാന്‍ നിങ്ങളു കാണിച്ചിരുന്നേ

ഞാനും എന്റെ പിള്ളാരും എന്നേ രക്ഷപ്പെട്ടേനേ ! "

(അടുക്കളയില്‍ നിന്നും ഗ്ലാസ്സ്,പ്ലേറ്റ് തുടങ്ങിയവ പൊട്ടിച്ചിതറുന്ന ശബ്ദം പശ്ചാത്തലത്തില്‍ ..)

------------------------------

ഇങ്ങനെ നല്ല പാതിയുടെ പതിവായുള്ള അനുഗ്രഹാശംസകളോടെ അവളുടെ കണ്ണൂ വെട്ടിച്ചും

അവളുറങ്ങി എന്ന് ഉറപ്പ് വരുത്തി

പാതിരാക്കെണീറ്റ് ലൈറ്റിടാതെ മൊബൈല്‍ ഫോണിന്റെ വെട്ടത്തില്‍

കള്ളനെ പ്പോലെ പതുങ്ങി ചെന്ന് ടൈപ്പ് ചെയ്തും

ഒക്കെ തട്ടിക്കൂട്ടി പോസ്റ്റ് കേറ്റിയാണു ഈ ബ്ലോഗ്ഗ് ഉന്തിയും തള്ളിയും

ഞാന്‍ മുന്നോട്ട് കൊണ്ട് പോവുന്നതെന്ന യാഥാര്‍ത്ഥ്യം

നിങ്ങള്‍ അറിയാതിരിക്കട്ടെ എന്ന് ഞാനീ അവസരത്തില്‍

ആത്മാര്‍ത്ഥമായി ആഗ്രഹിക്കുന്നു.

---------------

എങ്കിലും ഇത്രയും കാലം ഞാനെഴുതിയത് വായിക്കുവാനുള്ള മനക്കരുത്തും അതിലെ പരിധിവിട്ട മണ്ടത്തരങ്ങളെ എഡിറ്റ് ചെയ്യ്ത് നോര്‍മലീകരിക്കാനുള്ള ഉള്‍ക്കരുത്തും കാണിച്ച എന്റെ പ്രിയപ്പെട്ട നല്ല പാതിക്ക് തന്നെ ഞാനാദ്യം നന്ദി പറയാതിരിക്കുന്നത് തികഞ്ഞ അവഗണനയാവും!

---------------

ഇത്രയുംകാലം എന്റെ എഴുത്തും വരയും സഹിച്ച് എന്നെ കമന്റുകള്‍ (കോരിച്ചൊരിഞ്ഞ് ആനന്ദ സാഗരത്തിലാറാടിച്ച)തന്ന് എന്നെ പ്രോല്‍സാഹിപ്പിച്ച പ്രിയപ്പെട്ട സഹ ബ്ലോഗ്ഗര്‍മാര്‍ക്കും ഫോള്ളോവേഴ്സിനും വായനക്കാര്‍ക്കും എന്റെ ഹൃദയപൂര്‍‌വ്വമായ നന്ദി രേഖപ്പെടുത്തുവാന്‍ ഞാനീ അവസരം ഉപയോഗപ്പെടുത്തുകയാണു.

------------------------------

മദീനയില്‍ വന്ന കാലം തൊട്ട് എന്നെ അലട്ടിയിരുന്ന ഏറ്റവും വലിയ ഒരു പ്രശ്നം എന്നത്

സഹൃദയരായ സുഹൃത്തുക്കളുടെ അഭാവമായിരുന്നു.

( അതോ അവരൊക്കെ എന്നെകാണുമ്പോള്‍ ഓടി രക്ഷപ്പെട്ടതാണോ ? സംശയിക്കണം! )

കലാ സാംസ്ക്കാരിക രംഗങ്ങളിലെ ഒട്ടേറെ നല്ല സുഹൃത്തുക്കളെ ഇട്ടെറിഞ്ഞ് ഗള്‍ഫിലേക്ക് വണ്ടി കയറിയഞാന്‍ വിഷമിച്ച് പോയത് ഇക്കാരണത്താലായിരുന്നു എന്ന് പറഞ്ഞാല്‍ തെറ്റില്ല.

---------------

" എടാ കമലാദാസ് ഇസ്ലാം മതം സ്വീകരിച്ചു !"

എന്ന് അത്യാഹ്ളാദത്തോടെ വാര്‍ത്ത കൈ മാറുമ്പോള്‍

കമലാദാസോ..? അതാരാ നമ്മടെ യേശുദാസിന്റെ ആരെങ്കിലും....?? എന്ന് നിസ്സംഗതയോടെ തിരിച്ച് ചോദിക്കുന്ന തികച്ചും നിഷ്ക്കളങ്കരായ സാഹിത്യ ഇതര പിരാന്തുകള്‍ ഒട്ടുമേ തൊട്ടു തീണ്ടാത്ത കൂട്ടുകാരായിരുന്നു എന്നുള്ളതിനാല്‍ എഴുത്ത്,വര,സിനിമ , സാഹിത്യ സംബന്ധിയായ ചര്‍ച്ച..ഇവയൊക്കെ എനിക്ക് ഒരു പാടു ദൂരത്തേക്ക് മാഞ്ഞു പോവുന്നത് ഒരു ഉള്‍നൊമ്പരം പോലെ ഞാന്‍ കൊണ്ടു നടന്നിരുന്നു.

---------------

(ആ ഒരു വല്ലാത്ത വീര്‍പ്പുമുട്ടലില്‍ നിന്നും എന്നെ രക്ഷപ്പെടുത്തി മദീനയിലെ മലയാളി രാജപാതകളിലേക്ക് നടത്തിച്ച സഹൃദയനും ഗായകനുമായ ശ്രീ.ഹുസൈന്‍ ചോലക്കുഴി,ഫോട്ടോഗ്രാഫര്‍ നവാസ് കൊച്ചുണ്ണി,പീ.ടി.മൂസക്കോയ, ഉമ്മര്‍ക്ക എന്നിവരെ ഈ അവസരത്തില്‍ ഞാന്‍ പ്രത്യേകം ഓര്‍മ്മിക്കട്ടെ..)

---------------

ആ വിരസത നല്‍കിയ നാളുകളൊന്നിലാണു ഞാനെന്റെ ഫ്ലിക്കര്‍ ആല്‍ബത്തിനു തുടക്കമിടുന്നത്.

ഫോട്ടോഗ്രാഫിയിലെ കമ്പം മൂത്ത് ഞാനെടുത്ത മദീനയുടെ ചിത്രങ്ങളില്‍

ചിലത് ഫ്ളിക്കര്‍ .കോമില്‍ ഒരു ഫ്രീ അക്കൗണ്ട് തുടങ്ങി അപ്‌ലോഡ് ചെയ്തായിരുന്നു തുടക്കം.

അതുവഴി പ്രൊഫഷണല്‍ ഫോട്ടോഗ്രാഫര്‍മാരുടെ കിടിലന്‍ ചിത്രങ്ങള്‍ കാണുവാനും അവരില്‍ ചിലരുമായി ബന്ധം സ്ഥാപിക്കാന്‍ കഴിഞ്ഞതോടും കൂടെ ഫോട്ടോഗ്രാഫിയെക്കുറിച്ച് കൂടുതല്‍ പഠിക്കാന്‍ സാഹചര്യമൊരുങ്ങി.

ഒപ്പം ഫ്ളിക്കറിലെ മലയാളി ഫോട്റ്റോഗ്രാഫേഴ്സ് ഗ്രൂപ്പ് ആയ "മലയാളിക്കൂട്ട"ത്തിലും അംഗമാകുകയും ചര്‍ച്ചകളിലും മറ്റും പങ്കെടുത്ത് സജീവമാകുകയും ചെയ്തതോടെ വിരസതയുടെ ദിനങ്ങള്‍ക്ക് മെല്ലെ അറുതി വരാന്‍ തുടങ്ങി..

---------------

എന്നാല്‍ ഫ്ളിക്കറിലെ ചിത്രങ്ങള്‍ക്ക് പരസ്പരം ഇടുന്ന കമന്റ്

എക്സെല്ലെന്റ്! ,മാര്‍‌വെലസ്!!,

വൊവ്!!!, ഐ കാചിംഗ്!

ഫന്റാസ്റ്റിക്!!!

തുടങ്ങിയ വാക്കുകള്‍ ആയിരുന്നു. ഇത് അങ്ങോട്ടുമിങ്ങോട്ടും എഴുതി മടുത്തപ്പോള്‍ കൂടുതല്‍ പുകഴ്ത്തല്‍ കേള്‍ക്കാന്‍ ആക്രാന്തം ജനിക്കുകയും അതിനു പറ്റിയ മേഖല ബൂലോകമാണെന്ന് മനസ്സിലാക്കുകയും ചെയ്തു.

എന്റെ "ഗംഭീര സാഹിത്യം" എന്ന് ഞാനും "ഇങ്ങേര്ടെ ഓരോ കിറുക്കുകള്‍" എന്ന് നല്ല പാതിയും വിശേഷിപ്പിക്കുന്ന എന്റെ സൃഷ്ടികളുമായി അങ്ങനെ ഈ ബ്ലോഗ്ഗിനു തുടക്കമായി.

---------------

മുന്‍പ് അധികം ബ്ലോഗ്ഗുകള്‍ വായിച്ചിട്ടില്ലാത്തതിനാല്‍ അധികം പേരെ അറിയില്ലാത്തതും മെയില്‍ ഫോര്‍‌വേഡ്, കമന്റുകള്‍ , ലിങ്കുകള്‍ , ബ്ളോഗ്ഗ് അഗ്രിഗേറ്ററില്‍ രജിസ്റ്റര്‍ ചെയ്യുക എന്നിത്യാദി ചെപ്പടിവിദ്യകള്‍ അറിയാത്തതിനാലും കളത്തിലിറങ്ങിയപ്പോള്‍ ഒരമ്പരപ്പായിരുന്നു ആദ്യ അനുഭവം..

---------------

അങ്ങിനെ കന്നി പോസ്റ്റുമിട്ട് എല്‍ .സി.ഡി.സ്ക്രീനിന്റെ ശുഭ്രതയിലേക്ക് കണ്ണും മിഴിച്ച് നിന്ന് മണിക്കൂറുകള്‍ തള്ളിനീക്കിയ ആദ്യ ദിനത്തിനൊടുവില്‍ അതാ വരുന്നു ആദ്യകമന്റ്!

---------------

പ്രണയിനിയുടെ ആദ്യ മധുരചുംബനത്തിനും

ബ്ലോഗിലെ ആദ്യ കമന്റിനും മാധുര്യമേറെ

എന്ന ചൊല്ല് എത്ര ശരിയാണു!.....

---------------

എന്റെ ബ്ളോഗ്ഗിലേക്ക് മിഴിതുറന്നെത്തിയ ആദ്യകമന്റ് ശ്രീ.ബഷീര്‍ പി.ബി.വെള്ളറക്കാട്

ന്റേതായിരുന്നു.

---------------

മുഖദാവിലെ അഭിനന്ദനത്തേക്കാളും അറിയാത്ത ഏതോകോണിലിരുന്നു അറിയാത്ത ഏതോ ഒരാള്‍

നമ്മെ വായിക്കുന്നതും അതിലഭിപ്രായം കുറിക്കുന്നതും വല്ലാത്ത ഒരനുഭൂതിയുണര്‍ത്തി എന്നു പറഞ്ഞാല്‍ തെറ്റില്ല.

പിന്നെ പിന്നെ പലരായി മെല്ലെ വന്നണയാന്‍ തുടങ്ങി..

---------------

മലയാളം കമ്പോസിങ് നിര്‍ദ്ദേശങ്ങള്‍ തന്ന് സഹായിച്ച നസീഫ് .യു. അരീക്കോട് ,

കാര്‍ട്ടൂണിസ്റ്റും ഇല്ലസ്റ്റ്രേറ്ററും ആയ ആര്‍ട്ടിസ്റ്റ് അബ്ദുള്‍ സലീം ,

കര്‍ണ്ണനു ദ്രോണാചാര്യ എന്ന പോലെ എന്റെ ഗുരുവായ കേരളത്തിലെ പ്രശസ്ത ആര്‍ട്ടിസ്റ്റ് ശ്രീ.ശിവകൃഷ്ണന്‍ മാസ്റ്റര്‍ക്ക് ഒപ്പം വര്‍ക്ക് ചെയ്ത് എന്നില്‍ അസൂയ ഉളവാക്കിയ

ആര്‍ട്ടിസ്റ്റ് ഇസ്‌ഹാക്ക്,

എന്റെ ആദ്യ ഫോളോവറും എന്റെ ഫോണ്‍ നമ്പര്‍ സമ്പാദിച്ച് എന്നെ വിളിച്ച് പരിചയപ്പെട്ട ബ്ലോഗ്ഗര്‍ ഹംസ, തുടങ്ങി ഒട്ടേറെ പേരുകള്‍ അങ്ങിനെ പരിചിതമായി.

---------------

ബ്ലോഗ്ഗിലെ തുടക്കക്കാരനായ 'എന്റെ വര'യെ അഭിനന്ദിച്ച് കമന്റ് എഴുതി പ്രോല്‍സാഹിപ്പിച്ച ശ്രീ.വിശാലമനസ്കന്‍ (അതി പ്രശസ്തനായ അദ്ദേഹത്തിനത് വെറുമൊരു രണ്ടു വാക്ക് മാത്രമായിരുന്നിരിക്കാം..

എന്നാല്‍ തുടക്കക്കാരനായ എനിക്ക് അത് ഒരപ്രതീക്ഷിത അവാര്‍ഡ് പോലെ ലഹരിയുളവാക്കി എന്നു പറഞ്ഞാല്‍ മതിയല്ലോ!)

ഞാന്‍ വരച്ച കാര്‍ട്ടൂണ്‍ കണ്ട് അത് പോസ്റ്റില്‍ ഇടുകയും ഒപ്പം ലിങ്ക് സഹിതം എന്നെക്കുറിച്ച് പരാമര്‍ശിക്കുകയും കാര്‍ട്ടൂണ്‍ പ്രൊഫൈല്‍ പേജില്‍ ചേര്‍ക്കുകയും ചെയ്ത് കൊണ്ട് ഒറ്റ ദിവസം ആയിരത്തിലധികം വിസിറ്റേഴ്സിനെ സമ്പാദിച്ചു തന്ന ശ്രീ.ബെര്‍ളി തോമസ് ഈ മെയില്‍ വഴി എനിക്ക് അഭിനന്ദനവും പ്രോല്‍സാഹനവും നല്‍കിയതും മറക്കാനാവാത്ത ഓര്‍മ്മകളാണു.

---------------

ആദ്യം പുണരാന്‍ അല്പമൊന്നു മടിച്ചെങ്കിലും പുണര്‍ന്നപ്പോള്‍ ഹൃദയം തൊട്ട വാരിപ്പുണരല്‍ ആയെന്നപോലെ ശ്രീ. ബഷീര്‍ വള്ളിക്കുന്ന്.

അദ്ദേഹം എന്റെ പേരുതന്നെ ടൈറ്റിലാക്കി ഒരു പോസ്റ്റിറക്കിയതും മറക്കാനാവില്ല തന്നെ.

എന്റെ കഥ നോമിനേറ്റ് ചെയ്ത ശ്രീ.ബിലാത്തിപ്പട്ടണം അത് പ്രസിദ്ധീകരിച്ച ബിലാത്തി മലയാളി മാഗസിന്‍ , എന്റെ ബ്ലോഗ്ഗിനെ പാര്‍ട്ടണറാക്കി എനിക്ക് കൂടുതല്‍ വായനക്കാരെ തന്നു സഹായിച്ചുകൊണ്ടിരിക്കുന്ന മലയാളം ബ്ലോഗ്ഗ് ഡയറക്ടറി അഡ്മിനിസ്റ്റ്റേറ്റര്‍ ലണ്ടനിലെ സോഫ്റ്റ് വേര്‍ എഞ്ചിനീയര്‍ ശ്രീ. ജിജൊ, ഒരു എഴുത്ത്കാരനു വേണ്‍ട എല്ലാ പ്രോല്‍സാഹനവും നല്‍കുന്ന സുഹൃത്തും കവിയുമായ ബ്ലോഗ്ഗര്‍ നൗഷാദ് കൂടരഞ്ഞി ,ജാഫര്‍ പുലാപ്പറ്റ എന്നിവരേയും ഇത്തരുണത്തില്‍ ഓര്‍ക്കാതിരിക്കാന്‍ കഴിയില്ല.

---------------

ബ്ലോഗ്ഗിലൂടെ തന്നെയാവണം ജിദ്ദയില്‍ നിന്നും പ്രസിദ്ധീകരിക്കുന്ന "മലയാളം ന്യൂസ്" പത്രത്തിന്റെ മദീന റിപ്പോര്‍ട്ടര്‍ ആകുവാനുള്ള അവസരം കൈവന്നതും. ( ജോലിസമയത്തിന്റെ പ്രശ്നം മൂലം പിന്നീട് സ്വയം ഒഴിവാകുകയാരുന്നു).എന്റെ ആദ്യ ഫോട്ടോ പ്രദര്‍ശനത്തിനു മദീനയില്‍ വേദിയൊരുങ്ങുന്നതും.

---------------

അതോടൊപ്പം എനിക്ക് ഒരിക്കലും മറക്കാനാവാത്ത മറ്റൊരു ബ്ലോഗ്ഗറാണു അചാര്യന്‍ ഇംതിയാസ്.

സമീപകാലത്ത് ഏറെ ചര്‍ച്ചാവിഷയമായി ബൂലോകത്ത് പുതിയ തരം‌ഗം സൃഷ്ടിച്ച മലയാളം ബ്ലോഗ്ഗേഴ്സ് ഗ്രൂപ്പിന്റെ അഡ്മിനിസ്റ്റ്രേറ്ററായ ഇംതി ഗ്രൂപ്പ് രംഗപ്രവേശനം ചെയ്യുമ്പോള്‍ തന്നെ

എന്നെ ആഡ്ചെയ്യുകയും താമസിയാതെ അതിന്റെ സഹ അഡ്മിനിസ്റ്ററേറ്റര്‍ പദവി നല്‍കാനുള്ള വിശാലമനസ്കത കാണിക്കുകയുംചെയ്തത് ഇവിടെ എടുത്ത് പറയാതിരിക്കാന്‍ വയ്യ. അദ്ദേഹത്തോടും ഹൃദയപുരസ്കരം നന്ദി പറയാന്‍ ഈ അവസരം വിനിയോഗിക്കട്ടെ.

സുഖിപ്പിക്കലും മുഖസ്തുതിയുമില്ലാതെ വസ്തുനിഷ്ഠമായി രചനയെ നിരൂപിക്കുന്ന

സുരേഷമാഷ്,

ഇഷ്ടമായാലും ഇല്ലെങ്കിലും അത് തുറന്ന് പറയുന്ന കൂതറHashim,

ഇടക്ക് ഫോണ്‍ ചെയ്തും ചാറ്റിലൂടേയും ബന്ധപ്പെടുന്ന (ഒരൊറ്റ കമന്റിലൂടെ എന്റെ ഹൃദയം കവര്‍ന്ന) അക്ബര്‍ സാഹിബ് , സാജിദ് കെ.എ,പരസഹായം സ്പെഷലിസ്റ്റ് & കോ അഡ്മി. നൗഷാദ് വടക്കേല്‍ , ശില്പ്പിയുടെ കയ്യിലെ കളിമണ്ണു പോലെ അക്ഷരങ്ങളില്‍ വിസ്മയം തീര്‍ക്കുന്ന ഉസ്മാന്‍ ഇരിങ്ങാട്ടിരി, സാബി ബാവ, ഉമ്മുഅമ്മാർ , കൊംബന്‍ മൂസ , ഇസ്മായീല്‍ ചെമ്മാട്, സലീം ഈ.പി. ,തുടങ്ങി ഇങ്ങേ അറ്റം നാമൂസും കണ്ണനും വരേ പ്രിയപ്പെട്ട ഒരു പാടുപേര്‍. ഒപ്പം എന്താ പുതിയ പോസ്റ്റൊന്നുമില്ലേ എന്ന് ഇടക്കു വിളിച്ച് ചോദിക്കുന്ന നിരവധി വായനക്കാരായ സുഹൃത്തുക്കള്‍,ഗള്‍ഫ് മാധ്യമത്തില്‍ എന്റെ ബ്ലോഗ്ഗിനെ പരിചയപ്പെടുത്തിയ ശ്രീ.വി.കെ.അബ്ദു വരെ ഒട്ടനധി പേരുകള്‍ ഇനിയുമുണ്ട്.

---------------

എല്ലാവരുടേയും പേരുകളും മറ്റും പരാമര്‍ശിക്കുക പ്രായോഗികമല്ലാത്തതിനാല്‍ എന്റെ സുഹൃത്തുക്കള്‍ ക്ഷമിക്കുക. തീര്‍ച്ചയായും നിങ്ങളുടെ സ്നേഹവും സഹകരണവും എന്നും ഞാന്‍ നന്ദിയോടെ സ്മരിക്കുന്നുണ്ട്.

ഒപ്പം ഞാനെഴുതിയ കമന്റുകളിലോ പരാമര്‍ശങ്ങളിലോ വല്ല പാകപ്പിഴകളും വന്ന് വല്ലവര്‍ക്കും അത് മനോവേദനയുളവാക്കിയിട്ടുണ്ടെങ്കില്‍ നിര്‍‌വ്യാജം ഞാന്‍ ക്ഷമ ചോദിക്കുന്നു.

---------------

കമന്റ് എഴുതിയപരമാവധി ആളുകളുടെ പേരും ലിങ്കും താഴെ ചേര്‍ത്തിരിക്കുന്നു.

---------------

വഴിത്തോണി

Kaippally കൈപ്പള്ളി,

കിച്ചു & ചിന്നു

ഒഴാക്കന്‍

കൊട്ടോട്ടിക്കാരന്‍...

മുഹമ്മദ് കുട്ടി

ബാവ താനൂര്‍

ചിത്രകാരന്‍

Hari | (Maths)

ബിനോയ്//HariNav

സുശീല്‍ കുമാര്‍ പി പി

രെഞ്ജിഷ്.സി.എസ്

Shaivyam...being nostalgic

INTIMATE STRANGER

മുഹമ്മദ് ഷാന്‍

ഇസ്മായില്‍ കുറുമ്പടി ( തണല്‍)

ഷാ

ഭായി

sPidEy™

നന്ദന

തിരൂര്‍ക്കാടന്‍

krishnakumar513

OAB/ഒഎബി

നീലത്താമര | neelathaamara

ഒരു നുറുങ്ങ്

തറവാടി

വിനുവേട്ടന്‍|vinuvettan

വഴിപോക്കന്‍[Vazhipokkan] | സി.പി.ദിനേശ്

jayarajmurukkumpuzha

»¦ മുഖ്‌താര്‍ ¦ udarampoyil ¦«

പാലക്കുഴി

തെച്ചിക്കോടന്‍

Thanal

poor-me/പാവം-ഞാന്‍

അലി

എറക്കാടൻ / Erakkadan

സലാഹ്

പട്ടേപ്പാടം റാംജി

കൊലുസ്

Rinoj

ഹരിപ്രിയ

Rakesh

അപ്പു

സുമേഷ് | Sumesh Menon

റ്റോംസ് കോനുമഠം

വഴിപോക്കന്‍

b Studio

ശ്രീക്കുട്ടന്‍

ചെലക്കാണ്ട് പോടാ

CKLatheef

Manoraj

കാക്കര - kaakkara

സിദ്ധീക്ക് തൊഴിയൂര്‍

ശ്രീ

സ്മിത മീനാക്ഷി

Echmukutty

Jishad Cronic™

ഭാനു കളരിക്കല്‍

ആയിരത്തിയൊന്നാംരാവ്

വഷളന്‍ | Vashalan

ഉമേഷ്‌ പിലിക്കൊട്

സിനു

വരയും വരിയും : സിബു നൂറനാട്

Vayady

Vishnu H

കുമാരന്‍ | kumaran

മഹേഷ്‌ വിജയന്‍

Captain Haddock

mini//മിനി

Renjith

മാണിക്യം

ഉപാസന || Upasana

കല്‍ക്കി

പള്ളിക്കരയില്‍

രാജന്‍ വെങ്ങര

നിരാശകാമുകന്‍

Naushu

നട്ടപിരാന്തന്‍

സുനിൽ പണിക്കർ

Readers Dais

sm sadique

നിരക്ഷരന്‍

MT Manaf

jayarajmurukkumpuzha

റിയാസ് (മിഴിനീര്‍ത്തുള്ളി),

കണ്ണൂരാന്‍ / Kannooraan

noonus

കാന്താരി

faisu madeena

കെ.പി.സുകുമാരന്‍ അഞ്ചരക്കണ്ടി

ജുവൈരിയ സലാം

hafeez

Sulfi Manalvayal

പാവപ്പെട്ടവന്‍

ഒരു യാത്രികന്‍

Thommy

ആളവന്‍താന്‍

രാമചന്ദ്രന്‍ വെട്ടിക്കാട്ട്.

Mohamedkutty മുഹമ്മദുകുട്ടി

Mohamed Rafeeque

ജിപ്പൂസ്

shabeerm.co.cc

സന്തോഷ്‌ പല്ലശ്ശന

( O M R )

ശ്രദ്ധേയന്‍ | shradheyan

ജാ‍ഫർ

ശാന്ത കാവുമ്പായി

അമീന്‍ വി ചൂനുര്‍

NIYAS BIN MOHAMMED

ANWAR SADATH KT

(റെഫി: ReffY

യൂസുഫ്പ

kuttoori

islamikam

Geetha

Shukoor Cheruvadi

ജാസി ഗിഫ്റ്റ്

SHABEERALI. പെരിന്താറ്റിരി

MyDreams

Sarin

ചെറുവാടി

Sreejith kondottY

അന്വേഷി

A.FAISAL

asrus..ഇരുമ്പുഴി

vavvakkavu

Rasheed Punnassery

ശ്രീനാഥന്‍

ആദില

ദീപുപ്രദീപ്‌

അക്ഷരം

രവി

Nasar Mahin

വി.എ || V.A

കുര്യച്ചന്‍

mayflowers

CMT

jayaraj

റഈസ്‌

Kalavallabhan

സുഫ് സിൽ

അനില്‍കുമാര്‍. സി.പി.

the man to walk with

Vishnupriya.A.R

താന്തോന്നി/Thanthonni

ജ്വാല

perooran

lekshmi. lachu

ഗന്ധർവൻ

zayed

അസീസ്ഷറഫ്,പൊന്നാനി

അന്വേഷകന്‍

ente lokam

അസീസ്‌

Pony Boy

Villagemaan

jamal|ജമാൽ

Malayalam Songs

nomad I നാടോടി

hope

നീര്‍വിളാകന്‍

ജിക്കുമോന്‍ | നല്ല തങ്കപെട്ട മോനാ

അജേഷ് ചന്ദ്രന്‍ ബി സി

ദീര്‍ഘദര്‍ശി

junaith

ഹനീഫ വരിക്കോടൻ.

ManzoorAluvila

Noushad Kuniyil

Sneha

കുഞ്ഞൂസ് (Kunjuss)

ജീവി കരിവെള്ളൂര്‍

Sureshkumar Punjhayil

shonu

Anees Hassan

അരവിന്ദന്‍

സുറുമി

ചാണ്ടിക്കുഞ്ഞ്

sherriff kottarakara

ഷിമി

rafeeQ നടുവട്ടം

Anju Aneesh

ABHI

റാണിപ്രിയ

യുവ ശബ്ദം

Sameer

jazmikkutty

HIFSUL

Areekkodan | അരീക്കോടന്‍

baiju

ഇസ്ഹാഖ് കുന്നക്കാവ്‌

Sabu M H

കിരണ്‍

ബിജുക്കുട്ടന്‍

jayanEvoor

elayoden

കുസുമം ആര്‍ പുന്നപ്ര

salam pottengal

pushpamgad

നേന സിദ്ധീഖ്

മുല്ല

A Point Of Thoughts

ഡി.പി.കെ

Sameer Thikkodi

മായ

Aneesa

hafeez

moideen angadimugar

Muneer N.P

IndianSatan.com

ജയലക്ഷ്മി

ayyopavam

ശിരോമണി

ajith

വിരല്‍ത്തുമ്പ്

mottamanoj

Ashraf Unneen

അനസ് വി എം

---------------

കൂടുതല്‍ ലിങ്ക് ചേര്‍ക്കുന്നത് ബ്ലോഗ്ഗര്‍ .കോമില്‍ സാധ്യമാകുന്നില്ല എന്നതിനാല്‍ പേര്‍ ഉള്‍പ്പെടാതെ പോയവര്‍ ക്ഷമിക്കുക.

ഒപ്പം ഇത്രയും പേരുകള്‍ കുത്തിയിരുന്ന് ഒപ്പിച്ചെടുത്ത എന്റെ ശ്രീമതിക്ക് ആ പേരിലും ഒരു ടാങ്ക്സ് കൊടുക്കട്ടെ!

---------------

തുടര്‍ന്നും എല്ലാവരുടേയും സഹകരണമുണ്ടാവുമെന്ന പ്രതീക്ഷയോടെ രണ്ടാം വയസ്സിലേക്ക് കടക്കുന്ന എന്റെ വരയെ അനുഗ്രഹിച്ചാശീര്‍‌വദിക്കാന്‍ വിനീതമായി അപേക്ഷിക്കുന്നു!.

---------------

---------------

നന്ദി,നമസ്ക്കാരം.!