!എന്‍റെ വര

അങ്ങനെ"എന്റെ വര"യും വരയില്‍ വീണു!

2012-02-16T12:16:00.001+03:00

ആര്‍ട്ടിസ്റ്റ് ഇസ്‌ഹാഖ് നിലമ്പൂര്‍ വരച്ചത്

----
അല്ലെങ്കിലും അതങ്ങനെയേ വരൂ..
ഇങ്ങനൊയൊരു മഹാദൗത്യമേറ്റെടുക്കാന്‍ എന്റെ നാട്ടുകാരന്‍ തന്നെ വേണ്ടി വന്നില്ലേ..
അല്ലെങ്കില്‍ നിങ്ങള്‍ തന്നെ പറയൂ...
ബൂലോകം വാഴും ബെര്‍ളി തോമസ് മുതല്‍ വള്ളിക്കുന്ന് ബഷീര്‍,ബിലാത്തിപ്പട്ടണം മുരളിമുകുന്ദന്‍ തുടങ്ങി സാക്ഷാല്‍ ഷൈഖുനായെയടക്കം എത്ര പേരെ ഞാന്‍ വരച്ചു..
അതിലേറെ പേരെ ഞാന്‍ ബൂലോകത്തും ഭൂലോകത്തുമായി യഥാ വിധി വരച്ച് കാരിക്കേച്ചറാക്കിയും കാര്‍ട്ടൂണാക്കിയും ഒക്കെ പോസ്റ്റുകയും ചെയ്തു..
ഇത്രേം സാഹസങ്ങളൊക്കെ ചെയ്തിട്ടും ഈ എന്നെ
ആരെങ്കിലും ഒരു പേനാ കൊണ്ടോ പെന്‍സിലുകൊണ്ടോ ഒന്നു കോറിയിട്ടോ?
----
ഇല്ല!
----
അണ്ഡകടാഹം മുഴുവന്‍ നിറഞ്ഞു നില്‍ക്കുന്ന ഈ ബൂലോകത്ത് എത്ര വരക്കാരുണ്ട്.
അങ്ങ് സജ്ജീവേട്ടനും മുഖ്താര്‍ ഉദരം പൊയിലും തൊട്ട് പുതിയ തലമുറയിലെരാജേഷ് പള്ളത്ത് വരെ എത്ര പേര്‍ ...
ആര്‍ക്കെങ്കിലും അങ്ങനൊരബദ്ധം സോറി സല്‍ബുദ്ധി തോന്നിയോ? ഇല്ല!.
----
തുടക്കക്കാരനായ ഞാന്‍ അന്ന് ബെര്‍ളിയെ വരച്ചപ്പോള്‍ ബൂലോകം മുഴുവന്‍ സാക്ഷി നിര്‍ത്തി ബെര്‍ളി അനുഗ്രഹിച്ചു വിട്ടു.
ഇനി ഈ മുടിഞ്ഞ വരക്കാരനു വെച്ചടി വെച്ചടി കയറ്റമായിരിക്കുമെന്ന്...
ആ വാക്ക് ഫലിച്ചു! പിന്നേ ഇന്നേ വരെ എന്റെ ബ്ലോഗ്ഗില്‍ "കച്ചവടം" മോശമായിട്ടില്ലല്ലോ!
ആരൊക്കെ എതിരു പറഞ്ഞാലും ഞാന്‍ പറയും ഇച്ചായന്റെ നാക്ക് തങ്കമാ..തനിത്തങ്കം!!
----
ഇവിടെ എന്റെ ജ്യേഷ്ഠ സഹോദരനെപ്പോലെയുള്ള
ഇസ്‌ഹാഖ് ഭായി എന്ന ചിത്രകാരന്റെ സമ്മാനമാണ് ഈ ചിത്രം. (അദ്ദേഹത്തിന്റെ ബ്ലോഗ്ഗ്)
ഇതിനു കളറിംഗ് ചെയ്തത് അദ്ദേഹത്തിന്റെ ചിത്രകാരികളായ മക്കള്‍ ആരിഫ,ജുമാന
എന്നിവരാണ്. രണ്ടു പേരും ചില്ലറക്കാരല്ല. വര വൈഭവത്തിന്റെ പ്രത്യക്ഷ ഉദാഹരണമാണ്...ക
ണ്ണഞ്ചിപ്പിക്കുന്ന കലാവിരുതാ രണ്ടു പേര്‍ക്കും.
ഇതാ ഇവിടെ രണ്ടു പേരുടേയും ബ്ലോഗ്ഗ്.: ആരിഫ, ജുമാന
മലയാള ബ്ലോഗ്ഗര്‍മാരിലെ ഈ കൊച്ചുകലാകാരികളുടെ സര്‍ഗ്ഗശേഷികണ്ടാല്‍ അഭിനന്ദിക്കാതെ
പോരില്ല എന്നെനിക്കറിയാം.
----
ഇനി ഒരു സ്വകാര്യം
:കാര്‍ട്ടൂണിസ്റ്റുകളുടെ ശ്രദ്ധക്ക്.
ഹും..ഒരു ഒന്നാന്തരം ചാന്‍സാ ഗമണ്ടന്‍ കാര്‍ട്ടൂണിസ്റ്റുകളേ നിങ്ങള്‍ക്ക് നഷ്ടമായത്!
ഇതൊക്കെ തോന്നേണ്ടപ്പം തോന്നണം...
ബ്ലോഗ്ഗിലേക്ക് ചുളുവില്‍ നാലാളു കേറാനുള്ള ഒന്നാന്തരം ചാന്‍സല്ലേ പോയ്കിട്ടിയത്?
ങാ...സാരമില്ല..
എന്നെ വരക്കാന്‍ ഇനിയും ഒരു പാട് സ്കോപ്പുകള്‍ ഉണ്ട്.
ബൂലോകത്തുള്ള ഇപ്പോഴത്തെ സംഭവവികാസങ്ങളൊക്കെ അറിയാലോ...
അതിന്റെ റിസള്‍ട്ട് എങ്ങനെ വന്നാലും നിങ്ങള്‍ക്ക് നല്ല കോളാ...
അറിഞ്ഞു പെരുമാറിക്കൊള്ളൂ...
അസുലഭ സുന്ദര സൗഭാഗ്യം കൊണ്ടുവരാനുള്ള അപൂ‌ര്‍‌വ്വ അവസരമാണ് മുന്നില്‍ ...
അതും കളഞ്ഞു കുളിച്ച് കമന്റില്ലാത്ത പോസ്റ്റിനു മുന്നില്‍ ബ്ലോഗ്ഗര്‍ നിക്കുന്ന കണക്ക്
അയ്യടാ എന്ന് പിന്നെ പറഞ്ഞിട്ട് കാര്യമില്ല.
----
കണ്ടറിഞ്ഞ് പോസ്റ്റിട്ടാല്‍ അവനവന്റെ ബ്ലോഗ്ഗിനു കൊള്ളാം!.
:-)

----

"ഫേസ്ബുക്കിലെ ഫേയ്ക്കുകള്‍ അഥവാ ഫ്രോഡുകള്‍ !!"

2012-02-13T16:46:00.001+03:00

ഈ ബ്ലോഗ്ഗ് പോസ്റ്റിനു ഫേസ്ബുക്കില്‍ നിന്നും കിട്ടിയ ഒരു കമന്റ് ആമുഖമായി കൊടുക്കുന്നു
"അതെ..ഇതാപ്പണി തന്നെ..എന്നെ ചൂണ്ടി നിന്നെ പറഞ്ഞ് അവനിട്ട് കൊള്ളിക്കുന്ന ശ്രീനിവാസ തന്ത്രം!"

----------------------------
ഹായ് ഫ്രെണ്ട്സ്....സുപ്രഭാതം നേരുന്നു!
8.15 am ·
-----------------
ഹായ് സ്വീറ്റീ.. എവിടേയായിരുന്നു..കുറച്ച് ദിവസമായല്ലോ കണ്ടിട്ട്.. :-))
8.17 am ·
------------------
ഓഹ് മൈ ഗോഡ്! ഈ ചിത്രം എന്റെ കണ്ണു നനയിക്കുന്നു.
പട്ടിണിക്കോലങ്ങളായ ഈ ആഫ്രിക്കന്‍ കുട്ടികളുടെ ചിത്രം ഇനി ഒരു പാട് നാളത്തേക്ക്
എന്റെ മനസ്സില്‍ തികട്ടി വരും.........റിയലി അയാം സോ സാഡ്.....
8.21 am ·
---------
എന്റെ വിശ്വാസത്തെ ഞാന്‍ നിങ്ങളുടെ മേല്‍ അടിച്ചേല്പ്പിക്കുന്നില്ല എന്നതു പോലെ
നിങ്ങള്‍ നിങ്ങളുടെ വിശ്വാസത്തെ മറ്റൊരാളുടെ മേല്‍ അടിച്ചേപ്പിക്കാന്‍ ശ്രമിക്കുകയും ചെയ്യരുത് സുഹൃത്തേ.സ്വന്തം ഇച്ഛകള്‍ക്കനുസരിച്ച് അപരന്‍ ചലിക്കണം എന്ന് ശഠിക്കാന്‍ നമുക്കവകാശമില്ല അതുപോലെ അവന്റെ നാശത്തിനു വേണ്ടി പ്രാര്‍ത്ഥിക്കാനും.
നിങ്ങള്‍ എന്നെ എത്ര വിമര്‍ശിച്ചാലും ഞാന്‍ എന്റെ എതിരാളികള്‍ക്ക് പോലും നന്മ വരട്ടെ അവര്‍ക്ക് നല്ല മനസ്സുണ്ടാവട്ടെ എന്നേ പ്രാര്‍ത്ഥിക്കൂ.
8.25 am ·
----------------
ഈ വിഭവ സമൃദ്ധമായ ഭക്ഷണത്തിന്റെ ചിത്രം കാണുമ്പോള്‍ നാവില്‍ ആര്‍ക്കും വെള്ളമൂറും.
ലോകത്ത് എന്തെന്തു വിഭവങ്ങളാണ് മനുഷ്യനു കഴിക്കാന്‍!
എത്രയെത്ര തരം പാചകരീതികളാണ്!
ഒന്നോര്‍ത്തു നോക്കിക്കേ..
ഈ രുചികളെല്ലാം ഒന്നാസ്വദിക്കാനായെങ്കില്‍
! ഹൊ!
8.28 am ·
----------------
ഡേയ്.. നീ എന്റെ വാളില്‍ കയറി എന്നെ ഒരു മാതിരി ഹരാസ് ചെയ്യുന്നത് ഇത് രണ്ടാം തവണയാ കെട്ടോ... നീ പണി വാങ്ങിക്കുമേ..
നിനക്കെന്റെ തനിക്കൊണം അറിയില്ലാ കെട്ടോ..
പറഞ്ഞില്ലാന്ന് വേണ്ടാ...
8.30 am ·
----------------
അയ്യോ..വളരെ വിഷമം തോന്നുന്നു ഡിയര്‍.....
കുടുംബ ജീവിതം എന്നൊക്കെ പറയുന്നത് പരസ്പരം അഡ്ജസ്റ്റ് ചെയ്ത് മുന്നോട്ട് കൊണ്ടു
പോവേണ്ടതു തന്നെയാണ്..ഏഴും എട്ടും മണിക്കൂര്‍ നിങ്ങള്‍ ചാറ്റിംഗിനിരിക്കുന്നതും പിള്ളാരെ സ്കൂളിലെ പഠിപ്പ് ശ്രദ്ധിക്കാന്‍ പോലും സമയമില്ല എന്നൊക്കെ പരാതി പറഞ്ഞ് ഭര്‍ത്താവ് കണ്ണുരുട്ടുന്നുണ്ടെങ്കില്‍ അത് അദ്ദേഹത്തിന്റെ കറുത്ത് ഇടുങ്ങിയ മനസ്സിനെ തന്നെയാണ്
കാണിക്കുന്നത്..ഇക്കാലത്തും ഇങ്ങനെത്തെ മനുഷ്യര്‍ ഉണ്ടല്ലോ എന്ന് ഞാന്‍ അല്‍ഭുതപ്പെടുന്നു.
സഹോദരി ധൈര്യമായി മുന്നോട്ട് പോവണം എന്നാണ് എനിക്ക് പറയാനുള്ളത്.
8.34 am ·
----------------
അളിയാ...
യെസ്..
ദാ ഇപ്പം ഇങ്ങ് ചാറ്റിക്കഴിഞ്ഞതേ ഉള്ളൂ!
ഓ..ഹ ഹ ഹ ..
അതൊക്കെ അടിപൊളിയായ് പോകുന്നുണ്ട്..
ഹും..
മിക്കവാറും അടുത്ത് തന്നെ അത് തുറന്ന് പറയുമെടാ....
പിന്നെ..
അപാര ചരക്ക് തന്നെ! ഹൊ!!
പിന്നെ മറ്റവള് ലൈനില്‍ വരുന്നുണ്ട്..
ഞാന്‍ ഒന്നു കൊത്തിനോക്കട്ടെ
ഞാന്‍ പിന്നെ കാണാവേ...
8.37 am ·
----------------
ഈ സിനിമ മലയാളിയുടെ മൂല്യച്യുതിയുടെ ബാക്കി പത്രമാണ്.
വിഷയാസക്തിയുള്ള നായകനെ അനുകരിക്കുന്ന ഒരു യുവ സമൂഹം തുറന്ന് വെക്കുന്നത്
സദാചാര വിരുദ്ധതയുടെ ചീഞ്ഞളിഞ്ഞ അരാജകത്വം നിറഞ്ഞ ഒരു മുഖം തന്നെയാണ്.
നമ്മുടെ യുവ സമൂഹത്തെ വഴിതെറ്റിക്കുന്ന ഇത്തരം സിനിമകള്‍ക്ക് നേരേയും അതിലെ നായകനെ ഊറ്റത്തോടെ ഉള്‍ക്കൊള്ളുന്ന സൂപ്പര്‍ താരങ്ങളേയും നാം മനസ്സ്കൊണ്ടെങ്കിലും വിലക്കിയേ പറ്റൂ.
കിന്നാരത്തുമ്പികള്‍ പോലുള്ള സിനിമകള്‍ എങ്ങനെ യുവമനസ്സുകളില്‍ എങ്ങനെ അഗമ്യ ഗമനത്തിന്റെ വിഷം കുത്തിവെച്ചുവോ
അതിന്റെ മുന്തിയ ഇനം വിഷമാണ് ഈ സിനിമ യുവതലമുറക്ക് പ്രദാനം ചെയ്യാന്‍ പോകുന്നത്!.
8.44 am ·
----------------
ഡേയ്...നീയാ സിനിമേടെ ടോറന്റ് ലിങ്ക് അയക്കാമെന്ന് പറഞ്ഞിട്ട് കിട്ടിയില്ല കെട്ടോ..
ഇവിടെല്ലാം ബ്ലോക്കിയിരിക്കുന്നെടാ ഉവ്വേ...
ഇവമ്മാര് നല്ല നാല് പീസുകാണാനും സമ്മതിക്കില്ലാന്ന് വെച്ചാ!
8.50 am ·
----------------
സുഹൃത്തേ ..
താങ്കളുടെ കഥ വായിച്ചു.
മരവിച്ചു പോകുന്ന യാഥാര്‍ത്ഥ്യ സത്യങ്ങള്‍ക്കിടയിലും
വരണ്ടുണങ്ങിയ സ്വപ്ന സങ്കല്പ്പങ്ങള്‍ക്കിടയിലും
മരിക്കാത്ത സചേതനായ പ്രതികരണത്തിന്റെ
ജ്വലിക്കുന്ന തീ നാളങ്ങളെ ആത്മാവില്‍ പ്രതിഷ്ഠിച്ച
താങ്കളുടെ വരികള്‍ ഇപ്പോള്‍ എന്റെ ഹൃദയത്തെ കഴുകനെപ്പോലെ
കൊത്തിവലിക്കുന്നു....
കൊഴുന്നനെയുള്ള ചലം നിറഞ്ഞ് ദ്രവം വന്ന രക്തചാലുകളില്‍ മുങ്ങിയ
ആത്മനിന്ദയുടെ പാപക്കറ എന്റെ പുരണ്‍ട കൈകളെ നോക്കി ഞാന്‍ വിലപിക്കുന്നു!.
ഈകഥ സമകാലികതയുടെ സമൂഹ പരിച്ഛേദമാണെന്ന് ഞാന്‍ ഉറക്കെ ഉറക്കെ വിളിച്ചു പറയാന്‍ ആഗ്രഹിക്കുകയാണ്..
8.58 am ·
----------------
യെസ്..അവന്റെ പുതിയ കഥ ഞാന്‍ വായിച്ചു..
എവടെ ഭായ്..എനിക്കത് മുഴുവനാക്കാനേ കഴിഞ്ഞില്ല.. ഹെന്തൊരു ബോറ്!
ഒടുക്കത്തെ കത്തിയെന്ന് പറഞ്ഞാ മതിയല്ലോ!
അല്ലാ അവനിതെന്തിന്റെ സൂക്കേടാ...?
മനുഷ്യനു മനസ്സിലാവുന്ന ഭാഷയിലെഴുതരുതോ..
എന്തായാലും ഞാന്‍ എന്തൊക്കെയോ കമന്റിട്ട് ഇങ്ങ് പോന്നു..
എനിക്കു തന്നെ പിടികിട്ടിയിട്ടില്ല ഞാനെന്താ എഴുതിയതെന്ന്!!
അല്ല പിന്നെ!
(നീ അനോണിയായ് അവിടെ ചെന്ന് വേണ്ട രീതിയില്‍ കൊടുക്കുമെന്നെനിക്കറിയാം ..കള്ളാ! ഹ ഹ ഹ)
9.05 am ·
----------------
ഭയങ്കര വര്‍ക്കിലാ മാഷേ
നിന്നു തിരിയാന്‍ സമയമില്ല..:-(
നമുക്ക് പിന്നെ ചാറ്റ് ചെയ്യാം..
റിയലി സോറി കെട്ടോ മാഷേ..
9.09 am ·
----------------
കഷ്ടം തന്നെ..ഇത്തരം പാവപ്പെട്ടവരുടെ ഉന്നമനത്തിനും സഹായത്തിനുമായി
എല്ലാവരുംമുന്നിട്ടിറങ്ങണം. നമ്മള്‍ ഒത്തൊരുമിച്ച് പ്രവര്‍ത്തിച്ചാല്‍ നടക്കാത്ത കാര്യമുണ്ടോ?
എന്നാല്‍ കഴിയുന്നത് ഞാന്‍ ചെയ്യാം. ജോലിയില്‍ സം പ്രോബ്ലെംസ് ഉള്ളതിനാല്‍ എന്റെ ഷെയര്‍ കുറഞ്ഞാലും ഒന്നും തോന്നരുത് കെട്ടോ..
ഞാനും ഈ വാര്‍ത്ത പരമാവധി ആളുകളിലേക്കിത് എത്തിക്കാം..
നിങ്ങള്‍ കവറിംഗ് ആരംഭിച്ചോളൂ.നമ്മില്‍ നഷ്ടപ്പെട്ട് പോവാത്ത കാരുണ്യം , ദയ തുടങ്ങിയവയാണ് നമ്മളെ മനുഷ്യന്‍ എന്ന പദത്തിനര്‍ഹമാക്കുന്നത്....
9.12 am ·
----------------
ഇല്ല. എടേയ് നമുക്കത് അടുത്ത ആഴ്ചയിലേക്ക് മാറ്റാം.മനു ഗള്‍ഫീന്ന് വരുന്നുണ്ട്.
അവന്‍ നല്ല ഒന്നാന്തരം ഫോറിന്‍ ഓഫര്‍ ചെയ്തിട്ടുണ്ട്.
അതെ ഡോണ്ട് വെറി..ചെലവെല്ലാം എന്റേ വക തന്നെ..ഐ ഹാവ് ഇനഫ് മണി മാന്‍!
9.15 am ·
----------------
റിയലി ഷോക്കിംഗ്!
ഈ വാര്‍ത്ത എന്നെ വല്ലാതെ നൊമ്പരപ്പെടുത്തുന്നു.
ഇന്നലെ വരെ നമുക്കിടയില്‍ കമന്റ് കോളങ്ങളില്‍ നിറഞ്ഞു നിന്ന ഒരാള്‍...
പരസ്പരം കണ്ടിട്ടില്ലാ എങ്കിലും തമാശകളും പൊട്ടിച്ചിരികളുമായി വന്ന് നമ്മെ വല്ലാതെ കരയിച്ച് ഈ കമന്റ് കോളത്തെ ശൂന്യമാക്കി വിടപറയുമ്പോള്‍..
സുഹൃത്തേ നിനക്ക് വിട!
നിനക്ക് വിട!!
നിനക്ക് വിട!!
9.18 am ·
----------------
ഹോ ! എന്നാ കിടിലന്‍ പടമാണെടേയ്!
എന്നാ ഒരു ഷേയ്പ്പ്!!
കണ്ടിട്ടങ്ങ് കൊതിയാവുന്നു..
അല്ല ഇവളുമാരൊക്കെ എങ്ങനെ സഹിച്ചോണ്ടു നിക്കണ്..
ഒരൊന്നന്നര സാധനം തന്നെയാണെടേയ്!!!!
ഉം.......മ്മ...
9.19 am ·
----------------
പറയൂ..എന്തുപകാരമാണ് വേണ്ടത്?
അടുത്ത കഥക്ക് ഒരു
കാര്‍ട്ടൂണ്‍ വരച്ച് തരണമെന്നോ?
----------------
.അയ്യോ മൈ ബോസ് കമിംഗ്!!.........!!
ക്ണിം!!
9.22 am ·
---------------
(ഓഫ് ലൈന്‍!))!!

" ഇത് ചതിയാണ് !!!"

2012-02-08T10:59:00.002+03:00

പതിനാലു വര്‍ഷം മുത്ത് റസൂലിന്റെ (സ) പുണ്യഭൂമിയില്‍

മദീനാ ചരിത്രം പഠനവിഷയമാക്കിയവന്റെ വേദനയോടെയുള്ള പ്രതികരണം!

--------

ഗള്‍ഫ്കാരന്‍ - വരുമ്പോഴും പോകുമ്പോഴും!

2012-02-07T09:22:00.002+03:00

ഫേസ്ബുക്കില്‍ മൂന്നു ദിവസം കൊണ്ട് 2200+ ഷയര്‍ ചെയ്ത് ഹിറ്റാക്കിയത്.

അതിലുള്ള അമ്പരപ്പും അതിമോഹവും കൊണ്ട് ഇപ്പോള്‍

ബ്ലോഗ്ഗില്‍ കൂടി പോസ്റ്റ് ചെയ്യുന്നു.

(ബ്ലോഗ്ഗിനും ഇല്ലേ അതിന്റേതായ മോഹവികാരങ്ങള്‍!! )

ഇത് ഒറിജിനല്‍ കളര്‍ വേര്‍ഷന്‍.

--------

പ്രിയപ്പെട്ടവരേ അഭിപ്രായം കുറിക്കുമല്ലോ.

--------

"വരഫലം" (1) "ബിലാത്തിയിലെ മാന്ത്രികന്‍!""

2012-02-03T03:25:00.000+03:00

"അകത്തൊന്നുമില്ല ,പുറത്തൊന്നുമില്ല ,
അകത്തെല്ലാം കാലി,അകലുമോയെന്‍ -
പുകള്‍ പെട്ട പുറംവേദനയെങ്കിലും
പുകഴെത്തെല്ലേയെന്നെ,ഇക്ഴെത്തെല്ലെയെന്നെ,
മകനരികിലില്ല -മകളുമില്ല കൂട്ടിന്‌ ,
മകരമാഞ്ഞിനെ വെല്ലും തണുപ്പിനെ
അകറ്റുവാന്‍ നീയുമില്ലല്ലോ കൂട്ടിന്‌
അകന്നിരുന്നു പാടാം ഈണ്ത്തിലീ ഗാനം !"
----

----
ലണ്ടന്‍ നഗരത്തിന്റെ കൊടുംതണുപ്പിലിരുന്നു തൃശൂര്‍ക്കാരന്‍ ശ്രീ. മുരളീ മുകുന്ദന്‍ അഞ്ചാണ്ടുകള്‍ക്കുമുമ്പ് പറയാന്‍ തുടങ്ങിയതാണ് ബിലാത്തിയിലെ കൊച്ചു കൊച്ചു വിശേഷങ്ങള്‍...
ഇന്ന് ബൂലോകം കാതോര്‍ത്തിരിക്കുന്ന വിസ്മയകരമായ വിശേഷങ്ങളില്‍ ഒന്ന്...
സരസമായും നര്‍മ്മ മധുരമായും മുരളീ മുകുന്ദന്‍ ഓരോ സം‌ഭവങ്ങളും വിവരിക്കുമ്പോള്‍ അത് വായനാ സുഖത്തിനൊപ്പം വായനക്കാരനെ ലണ്ടന്‍ തെരുവീഥികളിലൂടെ കൈപിടിച്ച് നടത്തിക്കുന്ന അനുഭവം പ്രദാനം ചെയ്യുന്നുണ്ട്.
തികച്ചും വ്യത്യസ്ഥമായ സംസ്കാരമുള്ള ഒരു രാഷ്ട്രത്തില്‍ കുടിയേറിപ്പാര്‍ത്ത മലയാളി സമൂഹത്തിന്റെ സന്തോഷവും നൊമ്പരവും ഗൃഹാദുരത്വവും തൊഴില്‍ പ്രശ്നങ്ങളും ആഘോഷങ്ങളും യാത്രകളും വിനോദങ്ങളുമൊക്കെ ശ്രീ.മുരളീമുകുന്ദന്റെ ശൈലിയിലൂടെ വായിക്കപ്പെടുമ്പോള്‍
അതിനു വല്ലാത്ത ചാതുര്യവും വശ്യതയുമുണ്ട് എന്ന് സമ്മതിക്കാതെ വയ്യ.
യാത്രവേളകളോ സുഹൃദ് സന്ദര്‍ശനമോ ആവട്ടെ..പ്രത്യേകിച്ച് വിഷയമില്ലെങ്കില്‍ പോലും അവ നല്‍കുന്ന പാരായണ സുഖം തന്നെയാണ് വായനക്കാരനെ പിന്നേയും ഈ ബ്ലോഗ്ഗിലേക്ക് ആകര്‍ഷിക്കുന്നത്.
----
സൗഹൃദം,യാത്ര,ഇഷ്ടവിനോദമായ മാജിക്ക്, തുടങ്ങിയ വിഷയങ്ങള്‍ സ്വതസിദ്ധമായ നര്‍മ്മവൈഭവത്തോടെ എഴുതപ്പെട്ട ഈ ബ്ലോഗ്ഗിലൂടെ ഒരു വായനാസഞ്ചാരം നടത്തുമ്പോള്‍ അറിയാതെ നാമെപ്പോഴോ അദ്ദേഹത്തിന്റെ കൂട്ടുകെട്ടില്‍ ഒരുവനായി മാറും...ആഘോഷത്തിമര്‍പ്പിന്റെ ഏതോ സമയങ്ങളില്‍ ആ ബിലാത്തിപ്പട്ടണത്തിലെ
തണുപ്പുള്ള രാത്രിയില്‍ കല്ലുപാകിയ റോഡിലെ വിളക്കുമരത്തിനു ചോട്ടിലൂടെ എവിടേക്കോ നമ്മള്‍ അദ്ദേഹവുമായി കൈകോര്‍ത്ത് നടക്കുന്ന പോലെ തോന്നും......
----
അദ്ദേഹത്തെക്കുറിച്ച് കൂടുതലറിയാന്‍ അദ്ദേഹത്തിന്റെ ശൈലിയില്‍ തന്നെ ഇനി ബാക്കി ഭാഗം വായിക്കൂ....
----
എന്റെ ലിങ്കം :‌- http://bilattipattanam.blogspot.com/
----
ശീലം :- തലയിൽ മുണ്ടിട്ട് ഒന്നും ചെയ്യാറില്ല .
കണ്ടതും ,കേട്ടതും ,സത്യങ്ങളും ആരേയും പേടിക്കാതെ
വിളിച്ചുപറയും ,മറ്റുള്ളവർക്ക് പരസഹായവും , പ്രോത്സാഹനവും
നൽകാൻ എന്നും മുമ്പിൽ നിൽക്കും
തിരിച്ചറിവ് :- ലണ്ടനില്‍ ഒരു മണ്ടൻ !
ഡെഫിനിഷൻ - ഗൃഹാതുരത്വം തേടിയലയും കേവലം ബഹുമലയാളികളില്‍ ഒരുവന്‍ ഞാൻ !
വിദ്യാഭ്യാസം :- പ്രണയത്തിലും ആയതിന്റെ ലീലകളിലും മാസ്റ്റർ ഡിഗ്രി
ആക്ഷേപഹാസ്യത്തിൽ ഡിപ്ലോമ.
വളിപ്പിൽ എസ്.എസ്.എൽ.സി
സാഹിത്യത്തിൽ വെറും നാലാം ക്ലാസ്സ്
----
ലഘു വിവരണം :- നാട്ടിലെ സാംസ്കാരികപട്ടണത്തിൽ പെട്ട കണിമംഗലത്ത് സാമൂഹ്യപ്രവർത്തകനും കച്ചവടക്കാരനുമായ മുകുന്ദനായിരുന്നു താതൻ, അമ്മ പാവം ഒരു ടീച്ചർ, കടിഞ്ഞൂല്‍ പുത്രനെ ഡിഗ്രി എഞ്ചിനീയറാക്കുവാൻ മോഹിച്ച അവരുടെ മോഹം...
മോൻ തനി ഒഴപ്പനായതുകൊണ്ട് പൂവ്വണിയിച്ചില്ല ,പകരം മെക്കാനിക്കലിൽ ഡിപ്ലോമ എഞ്ചിനീയറായി , അച്ചന്റെ ഗെഡി അന്നത്തെ ഗതാഗത മന്ത്രി നീട്ടിതന്ന അസി.വെഹി.ഇൻസ്പ്പെക്ട്ടർ ഉദ്യോഗം തട്ടിതെറിപ്പിച്ച് പരിഷത്തിന്റൊപ്പം കേരളം മുഴുവൻ പാട്ട് പാടി തെരുവുനാടകം കളിച്ച്,ചാത്തനേയും(ഒപ്പം പെടകളേയും) പ്രേതത്തേയുമൊക്കെ പിടിച്ച് മാജിക്കും, ഹിപ്നോട്ടിടസവും അഭ്യസിച്ച് നടക്കുന്ന സമയത്ത്,കയ്യിലിരുപ്പിന്റെ ഗുണം കൊണ്ട് എന്നെ പിടിച്ച് പെണ്ണുകെട്ടിപ്പിച്ചു...
എന്നിട്ടും നാട് കുട്ടിച്ചോറാക്കുന്നത് കണ്ട് ബന്ധുമിത്രാധികൾ മുഖാന്തിരം ലണ്ടനിലേക്ക് എന്നെ പായ്ക്ക് ചെയ്തു...
ഇവിടെ വന്നിട്ടും തഥൈവ മുതല കുട്ടി എവിടെപ്പോയാലും നീന്തല് മറക്കില്ലാല്ലോ.അല്ലേ
ഭാഷാ സ്നേഹം കാരണം ഇവിടങ്ങളിലുള്ള പല പ്രസിദ്ധീകരണളിലും,സംഘടനകളിലും ആക്റ്റീവായി.കുരങ്ങന്റെ കയ്യിലെ പൊളിയാതേങ്ങപോലെ കമ്പ്യൂട്ടർ പൊളിച്ച് പതുക്കനെ മൂന്ന് കൊല്ലം മുമ്പ് ബൂലോഗത്തേക്ക് വന്നൂ,അതും ബിലാത്തിയിൽ വന്നിട്ട് പോയ പല ബൂലോഗർ വഴി(ജെ.പി, മനോജ് രവീന്ദ്രൻ,വിഷ്ണു,സമദ് വക്കീൽ,പ്രദീപ് ജെയിംസ്,..)
മാജീഷ്യൻ,സെക്യൂരിറ്റി ഓഫീസർ,ചാരൻ(ജാരൻ),സബ്ബ് എഡിറ്റർ,ബ്ലോഗ്ഗർ,..,..അങ്ങിനെ പല വഞ്ചിയിലും കാലിട്ട് നിൽക്കുന്ന കാരണം കവ വല്ലാതെ പൊളിഞ്ഞു പോയ ഒരു തനി മലയാളി..!
----
ഇനി കുറച്ചിഷ്ട്ടപ്പെട്ട എന്റെ ബ്ലോഗെഴുത്തിന്റെ ലിങ്കുകൾ..
വിരഹത്തിൻ താരാട്ടുകൾ...! / Virahatthin Thaaraattuk..
യാത്രാവശേഷങ്ങൾ ..... / Yathraavasheshanga
വേലാണ്ടി ദിനം അഥവാ വാലന്റിയൻസ് ഡേയ് ...! / Veland...
http://bilattipattanam.blogspot.com/2011/01/chila-london-puthu-valsara-chinthakal.html
http://bilattipattanam.blogspot.com/2011/01/chila-london-puthu-valsara-chinthakal.html
ഒരു കടിഞ്ഞൂൽ പ്രണയത്തിൻ പുതുപുത്തൻ പഴങ്കഥ ...
രാജകീയം അഥവാ റോയൽ ... ! Rajakeeyam athhava Royal ....
ദി സ്പൈസ് ട്രെയിൽ ...! / The Spice Trail ...!...
അവതാരം ! / AVATAR
മലയാളം ബ്ലോഗ് അഥവാ ബൂലോഗവും ,പിന്നെ കുറച്ചു പിന്
ജ്വാലി അഥവാ പണികള്‍ ( ഭാഗം : 3, ലണ്ടന്മാര്‍ മണ്ടന...
ബിലാത്തി പട്ടണം ഒരു മായക്കാഴ്ച്ച / Bilatthipattan.. (ആദ്യത്തെ പോസ്റ്റ്)
----

************************************************************
----
"വരഫലം"
----
വലുപ്പചെറുപ്പമില്ലാതെ എല്ലാ ബ്ലോഗ്ഗര്‍മാരുമായും നല്ല സൗഹാര്‍ദ്ദം കാത്തു സൂക്ഷിക്കുന്ന ശ്രീ.മുരളീമുകുന്ദന്‍ എന്ന മുരളിയേട്ടനുമായ് നേരത്തെ മുതലേ ഈ മെയില്‍ വഴി ബന്ധമുണ്ടായിരുന്നു.
കഴിഞ്ഞ കണ്ണൂര്‍ മീറ്റില്‍ അദ്ദേഹവും എത്തുന്നുണ്ട് എന്നറിഞ്ഞപ്പോള്‍ ആ യാത്രക്ക് പിന്നേയും ഉല്‍സാഹം കൂടി.ആദ്യമായി കണ്ടപ്പോഴും എത്രയോ കാലമായി പരിചയമുള്ള പോലെത്തന്നെയാണ്
ഞങ്ങള്‍ വിശേഷങ്ങള്‍ പങ്കുവെച്ചത്.ലണ്ടനില്‍ നിന്നും ഈ മീറ്റില്‍ പങ്കെടുക്കാനായ് മാത്രം അദ്ദേഹത്തോടൊപ്പം അവിടെ എത്തിയ ശ്രീ. അഡ്വ.സമദ് ഭായിയേയും അദ്ദേഹം പരിചയപ്പെടുത്തി.
വാക്കിലും പെരുമാറ്റത്തിലും പ്രകടനത്തിലും അതിശയിപ്പിക്കുന്ന വ്യക്തിത്വമായി തോന്നി അടുത്ത് കണ്ടപ്പോള്‍. ഒപ്പം ചെപ്പടിവിദ്യയുടെ നുറുങ്ങുകളുമായി കണ്ണൂര്‍മീറ്റില്‍ സദസ്സിനെകയ്യിലെടുത്തപ്പോഴേ ഉറപ്പിച്ചിരുന്നു..ഈ മാന്ത്രികനെ "എന്റെ വര" കൊണ്ട് ഒന്നു പൂട്ടണമെന്ന്...

പറഞ്ഞാല്‍ തീരാത്ത വിശേഷങ്ങളും കേട്ടാല്‍ മതിവരാത്ത ബിലാത്തികഥകളുമായും മാജിക്ക് എന്ന കലയോട് അടങ്ങാത്ത ആവേശവുമുള്ള ഈ ബഹുമുഖപ്രതിഭ തന്റെ ജൈത്രയാത്ര തുടരട്ടെ എന്നാശംസിക്കുന്നു.

----
നന്ദി,നമസ്കാരം!
----
******

ബ്ലോഗ്ഗര്‍ ഓഫ് ദ വീക്ക് : ബ്ലോഗ്ഗേഴ്സ് "വര"ഫലം!"

2012-01-20T21:36:00.002+03:00

പ്രിയപ്പെട്ട ബ്ലോഗ്ഗര്‍മാരേ,
-----
ഞാന്‍ നിങ്ങളുടെ കാര്‍ട്ടൂണ്‍ /കാരിക്കേച്ചര്‍ വരക്കാന്‍ തുടങ്ങുകയാണ്‍...
-----
നഴ്സറി/ സ്കൂള്‍-/ - കോളേജ് /ഓക്സ്ഫോര്‍ഡ് യൂണിവേഴ്സിറ്റി പഠനകാലത്തും പിന്നീട് നാട്ടില്‍ ജോലി ചെയ്ത സ്ഥാപനങ്ങളിലും ഇവിടെ സൗദി അറേബ്യയിലും എനിക്കുള്ള ശീലവും ദുശ്ശീലവും എന്ന് പറയാനുള്ളത് അടുത്തിരിക്കുന്നവന്റെ / അടുത്ത് കാണുന്നവന്റെ ഒരു ചിത്രം കോറിയിടുക എന്നതായിരുന്നു. അത് മൂലം ഒരു പാട് പ്രശംസകളും ഒപ്പം അതിലേറെ പൊല്ലാപ്പുകളും എനിക്കുണ്ടായിട്ടുണ്ട്.......(അത് വേറെ കഥ, പിന്നെപ്പറയാം!)
-----

((ചിത്രത്തില്‍ ക്ലിക്കിയാല്‍ വലുതായും വ്യക്തമായും കാണാം!))
-----
ഇപ്പോള്‍ പറഞ്ഞു വരുന്നത് മറ്റൊന്നാണ്..
ശ്ര-ദ്ധി-ച്ചു കേക്കണം!
-----
ഈ ബ്ലോഗ്ഗില്‍ ബെര്‍ളി തോമസ്,ബഷീര്‍ വള്ളിക്കുന്നു, തുടങ്ങിയ പ്രശസ്തരുടെ കാര്‍ട്ടൂണൂകളും
മലയാളം ബ്ലോഗ്ഗേഴ്സ് ഗ്രൂപ്പിനെക്കുറിച്ചും സാഹചര്യങ്ങള്‍ക്കനുസരിച്ച് പലപ്പോഴും പല രീതിയിലും എനിക്ക് കാര്‍ട്ടൂണ്‍ വരക്കേണ്ടി വന്നിട്ടുണ്ട്.അതിനൊക്കെ വായനക്കാര്‍ നല്ല സ്വീകരണവും നല്‍കിയിട്ടുണ്ട്.
-----
എന്റെ ബ്ലോഗ്ഗിലെ കാര്‍ട്ടൂണുകള്‍ കണ്ട് സഹൃദയരായ പല ബ്ലോഗ്ഗര്‍മാരും അവരുടെ കാര്‍ട്ടൂണ്‍ വരച്ച് നല്‍കാന്‍ അഭ്യര്‍ത്ഥിക്കാറുണ്ട്. ഇത് പലരില്‍ നിന്നും ശക്തമായ രീതിയില്‍ ആയിത്തുടങ്ങിയപ്പോള്‍ പുതിയ ഒരു രൂപഭാവത്തില്‍ എങ്ങനെ അത് ബ്ലോഗ്ഗിനും ബ്ലോഗ്ഗര്‍ക്കും ഉ പകാരവും ഉപയുക്തമാവുന്ന രീതിയില്‍ അവതരിപ്പിക്കാം എന്ന എന്റെ ചിന്തയുടെ പരിണിതഫലമാണീ ആശയവും അതിന്റെ സാക്ഷാല്‍ക്കാരവും.
-----
മലയാളത്തിലെ പ്രശസ്തരും അപ്രശസ്തരും ആയ ബ്ലോഗ്ഗര്‍മാരുടെ ഒരു കാര്‍ട്ടൂണ്‍ - ബ്ലോഗ്ഗ് - പഠന ചാര്‍ട്ട് ആയാണിത് ഉദ്ദേശിക്കുന്നത്.
ബ്ലോഗ്ഗറുടെ ഒരു കാര്‍ട്ടൂണ്‍ / കാരിക്കെച്ചറിനോടൊപ്പം അവരുടെ ലഘു ജീവിത ചിത്രവും "എന്റെ വര"യുടെ ബ്ലോഗ്ഗ് വായനയിലെ ഇഷ്ടാനിഷ്ടങ്ങള്‍ ഉള്‍പ്പെടുത്തിയ കാപ്സ്യൂള്‍ ബ്ലോഗ്ഗ് പഠനവുമാണ് ഉദ്ദേശിക്കുന്നത്.ഒപ്പം മികച്ച അവരുടെ സൃഷ്ടികളിലേക്കുള്ള ലിങ്കുകള്‍,
ചെറിയ ഒരഭിമുഖം തുടങ്ങിയവ കൂടി ചേര്‍ത്ത് ആകര്‍ഷകമാക്കാന്‍ ഉദ്ദേശിക്കുന്നുണ്ട്.
-----

കുറിപ്പുകള്‍ :
ഇതില്‍ പ്രശസ്തരും അപ്രശസ്തരും തുടങ്ങി എല്ലാവരേയും ഉള്‍പ്പെടുത്താന്‍ ഉദ്ദേശിക്കുന്നു.എന്നാല്‍ ഇതിലെ വരയും ആശയവും ബ്ലോഗ്ഗ് പഠനവും അതിലെ രുചി ഭേദങ്ങളോടെ ഉള്‍ക്കൊള്ളുന്നവരെ മാത്രമേ ഇതിലേക്ക് "എന്റെ വര" ക്ഷണിക്കുന്നുള്ളൂ.
അതായത് കാര്‍ട്ടൂണ്‍ ആസ്വാദന സഹൃദയത്ത്വമുള്ളവരെ മാത്രമേ ഉള്‍ക്കൊള്ളിക്കാന്‍ ഉദ്ദേശിക്കുന്നുള്ളൂ എന്നര്‍ത്ഥം. പിന്നീടുള്ള പരാതികള്‍ അനുവദിക്കുന്നതല്ല.
-----
പ്രസക്തവും പൂര്‍ണ്ണവുമായ ഡാറ്റകള്‍ ഊഴമനുസരിച്ച് ഓരോ ആഴ്ച വീതം പോസ്റ്റുചെയ്യാനാണുദ്ദേശിക്കുന്നത്.
-----
മുന്‍‌ഗണനാക്രമം ഉണ്ടായിരിക്കുന്നതല്ല.
-----
ഈ കാര്‍ട്ടൂണ്‍ അവലോകനത്തിലൂടേയുള്ള ബ്ലോഗ്ഗര്‍ ചാര്‍ട്ടിന്റെ കണ്‍സെപ്റ്റില്‍ ബൂലോകത്തെ പ്രശസ്തമായ ഒരു പ്രസിദ്ധീകരണം താല്പര്യം പ്രകടിപ്പിച്ചിട്ടുണ്ട് എന്ന കാര്യം ആദ്യമേ ഉണര്‍ത്തുന്നു. ഈ കാര്‍ട്ടൂണ്‍ പംക്തി പ്രതീക്ഷിച്ച പോലെ വിജയിക്കുകയാണെങ്കില്‍ ഇത് ഒരു പുസ്തകരൂപത്തില്‍ ഭാവിയില്‍ പ്രതീക്ഷിക്കാം എന്നര്‍ത്ഥം.
-----
ബ്ലോഗ്ഗര്‍മാരുടെ താല്പര്യം കണക്കിലെടുത്തും നല്‍കപ്പെടുന്ന ഡാറ്റ/അഭിമുഖം
സത്യസന്ധവും കാര്യമാത്രവും ഗൗരവപൂര്‍ണ്ണവുമായിരിക്കാനാണ് ഇത് ഇപ്പോള്‍ വെളിപ്പെടുത്തിയത്
എന്ന് കൂടി അറിയിക്കട്ടെ.
-----
നല്ലവരായ എല്ലാ വായനക്കാരും തങ്ങളുടെ അഭിപ്രായ നിര്‍ദ്ദേശങ്ങള്‍
രേഖപ്പെടുത്തണമെന്നും ഒപ്പം ഈ പംക്തിയില്‍ ഉള്‍പ്പെടുവാന്‍ താല്പര്യമുള്ളവര്‍ തങ്ങളുടെ ഈ മെയില്‍ വിലാസം സഹിതം ബന്ധപ്പെടണമെന്നും വിനയപൂര്‍‌വ്വം അഭ്യര്‍ത്ഥിക്കുന്നു.

ഈ മെയില്‍ : noushadart@yahoo.com
-----
(ഇതിലെ ആശയങ്ങള്‍ അന്തിമമല്ല.അവ ലേഖകന്റെ സൗകര്യാര്‍ത്ഥം രൂപാന്തരങ്ങള്‍ക്ക് വിധേയമാണ്.)

"ഈ കൊലവെറി എല്ലാ ബ്ലോഗ്ഗര്‍മാര്‍ക്കും വേണ്ടിയുള്ളതാണ്!!"

2012-01-08T12:39:00.021+03:00

((ചിത്രത്തില്‍ ക്ലിക്കിയാല്‍ വലുതായും വ്യക്തമായും കാണാം!))

------------

പ്രിയപ്പെട്ട വായനക്കാരെ,

എന്റെ കഴിഞ്ഞ രണ്ടു പോസ്റ്റുകളിലായി "കലാകൗമുദി,കേരളാ കൗമുദി, മംഗളം പത്ര മാധ്യമങ്ങളുടെ നിലപാടിനെതിരെ ഞാന്‍ എഴുതിയ പോസ്റ്റും അതിലെ ആശയവും തികച്ചും വ്യത്യസ്ഥമായ ഒരു കാഴ്ചപ്പാടിലൂടെ വിശകലനം ചെയ്ത പത്രപ്രവര്‍ത്തകനും ബ്ലോഗ്ഗറുമായ ശ്രീ.നജിം കൊച്ചുകലുങ്കിന്റെ ഒരു കമന്റ് ആണ് ഈ കുറിപ്പിന്നാധാരം.

------------

തുറന്ന് പറയട്ടെ..

ഇങ്ങനെ ഒരു പോസ്റ്റ് എഴുതാതിരിക്കാന്‍ പരമാവധി ശ്രമിച്ചതാണ്..

എന്നാല്‍ "കരച്ചിലും പിഴിച്ചിലും"എന്ന പ്രയോഗം തന്നെ പെട്ടന്നൊരു മറുപടിക്ക് എന്റെ മനസ്സിനെ തുടിപ്പിച്ചതാണ്..എന്നാല്‍ ആ ആവേശത്തിനു കേറി വല്ലാതെ എഴുതിപ്പോകുമെന്നതിനാല്‍ പരമാവധി എന്റെ മറുപടി ഒഴിവാക്കാന്‍ ശ്രമിച്ചു..

എന്നാലിപ്പോള്‍ മനസ്സ് ശാന്തമായും വീണ്ടും ഇത് വായിക്കുമ്പോള്‍ എന്റെ "കരച്ചിലിന്റെ"

അര്‍ത്ഥ തലങ്ങളെ ഞാന്‍ വ്യാഖ്യാനിക്കേണ്ടതുണ്ട് അല്ലെങ്കിലവ പിന്‍വായനയെ തെറ്റായ രീതിയില്‍ വിലയിരുത്തപ്പെടും എന്ന തിരിച്ചറിവിലാണ് ഈ എഴുത്ത്.

------------

ശ്രീ.നജിം കൊച്ചുകലുങ്ക് "ഓ..മംഗളം പത്രമേ..നീയും??" എന്ന പോസ്റ്റിനു കമന്റ് ആയി ഇങ്ങനെ എഴുതി :

------------

"നൌഷാദ്, താങ്കളുടെ നിരന്തരമായ കരച്ചില്‍ കണ്ടപ്പോഴുണ്ടായ സങ്കടത്തോടെയാണ് ഇതെഴുതുന്നത്. പകര്‍പ്പവകാശ നിബന്ധനകളൊന്നുമില്ലാതെ സോഷ്യല്‍ മീഡിയയില്‍ താങ്കള്‍ പ്രസിദ്ധീകരിക്കുന്നവ മോഷ്ടിക്കുകയല്ല, താങ്കളുടെ ക്രെഡിറ്റ് നിലനിറുത്തിക്കൊണ്ടുതന്നെ പകര്‍ത്തുകയാണ് ഈ പറഞ്ഞ പ്രസിദ്ധീകരണങ്ങള്‍ ചെയ്തിരിക്കുന്നത്. സോഷ്യല്‍

മീഡയയിലല്ലാതെ മറ്റൊരു രൂപത്തില്‍ പ്രസിദ്ധീകരിക്കാന്‍ പാടില്ലെന്ന് താങ്കളുടെ രചനകളോടൊപ്പം നിബന്ധനയായി ചേര്‍ത്തിരുന്നതായി കണ്ട ഓര്‍മയില്ല. (എന്റെ ഓര്‍മപിശകാണെങ്കില്‍ ക്ഷമിക്കുക). അതുകൊണ്ടുതന്നെ അവര്‍ അങ്ങിനെയെടുത്തു പ്രസിദ്ധീകരിക്കുന്നതില്‍ നിയമപരമായി എന്തെങ്കിലും പിശകുണ്ടെന്നും തോന്നുന്നില്ല. പിന്നെ, ധാര്‍മികപരമായി നോക്കുമ്പോള്‍ കടപ്പാട് എന്നൊരു ടിപ്പണിയില്‍ ആ അസ്ക്യത പ്രസിദ്ധീകരണങ്ങള്‍ മാറ്റേണ്ടതായിരുന്നു. ഇവിടെ മംഗളം പ്ലസ് ആകട്ടെ, ഫേസ്ബുക്കില്‍ പ്രചരിക്കുന്ന തമാശകളിലൊന്ന് എന്ന ബ്ലര്‍ബോടെ താങ്കളുടെ ക്രെഡിറ്റ് സഹിതമാണ് പ്രസിദ്ധീകരിച്ചിരിക്കുന്നത്. കലാകൌമുദിയും അങ്ങിനെ തന്നെയാണ് ചെയ്തിരിക്കുന്നത്. പിന്നെയെന്താണ് ഇത്രമാത്രം കണ്ണീരൊഴുക്കാനും മൂക്ക് പിഴിയാനും കാരണമെന്നാണ് മനസിലാകാത്തത്? (ഓണ്‍ലുക്കേഴ്സ് മീഡിയ പോലുള്ള സൈബര്‍ സ്പേസിലെ ക്ഷണപ്രഭാ ചഞ്ചലങ്ങളെ കുറിച്ചല്ല ഞാന്‍ പറയുന്നത്, അതിനെയൊക്കെ ആര് മൈന്റ് ചെയ്യാന്‍?). യഥാര്‍ഥത്തില്‍ താങ്കള്‍ അഭിമാനിക്കുകയാണ് വേണ്ടത്, താങ്കളുടെ സൃഷ്ടികള്‍ ഇങ്ങിനെ പരക്കെ സ്വീകാര്യക്കപ്പെടുന്നതില്‍. ഇത് താങ്കളിലെ കഴിവിന്റെ അംഗീകാരമാണ്. ഇവ്വിഷയകമായി എന്തെല്ലാം കുറിപ്പുകളും കാര്‍ട്ടൂണുകളും മറ്റ് രൂപങ്ങളും സോഷ്യല്‍ മീഡിയയില്‍ അനുദിനം പിറവിയെടുക്കുന്നുണ്ട്. എന്നിട്ടും ഇത്രയേറെ പ്രസിദ്ധീകരണങ്ങള്‍ താങ്കളുടെ സൃഷ്ടികള്‍ മാത്രമാണല്ലോ തപ്പിയെടുക്കുന്നത്. സൃഷ്ടികള്‍ മേലില്‍ ഇങ്ങിനെ ഓഹരിവക്കപ്പെടുന്നത് ആഗ്രഹിക്കുന്നില്ലെങ്കില്‍ അക്കാര്യത്തില്‍ ലഭ്യമായ സുരക്ഷിതമാര്‍ഗങ്ങള്‍ സ്വീകരിക്കുന്നതല്ലേ ഉചിതം. പകര്‍പ്പവകാശ നിബന്ധന ചേര്‍ക്കുക. മറ്റ് രൂപങ്ങളില്‍ പ്രസിദ്ധീകരിക്കുന്നത് ഇഷ്ടപ്പെടുന്നില്ലെന്ന സൂചന നല്‍കുക. പണ്ട് നാടകകൃതികള്‍ പബ്ലിഷ് ചെയ്യുമ്പോള്‍ പുസ്തകത്തില്‍ പ്രത്യേകം ചേര്‍ക്കുന്ന ഒരു വാചകം ഓര്‍മ വരുന്നു, ഈ നാടകം വേദിയില്‍ അവതരിപ്പിക്കാന്‍ ആഗ്രഹിക്കുന്നവര്‍ നാടകകൃത്തില്‍നിന്ന് മുന്‍കൂട്ടി അനുവാദം വാങ്ങണമെന്ന്. അങ്ങിനെയൊന്ന് ചേര്‍ത്തുനോക്കു. ചിലപ്പോള്‍ പരിഹാരമുണ്ടായേക്കും. അല്ലാതെ വരയില്‍ മിടുക്കനായ താങ്കള്‍ വരിയില്‍ നിന്ന് ഇങ്ങിനെ കരയരുത്."

------------

പ്രിയ നജീം ഭായ്,

താങ്കളുടെ വിശദമായ ഈ കമന്റിനു നന്ദി.

പത്രപ്രവര്‍ത്തന രംഗത്ത് വര്‍ഷങ്ങളായി സജീവമായി പ്രവര്‍ത്തിക്കുന്ന

താങ്കളെപ്പോലെപ്പോലെയുള്ള കൃതഹസ്തരായ എഴുത്തുകാരുടെ അഭിപ്രായങ്ങളും നിലപാടുകളും

ഈ വിഷയത്തില്‍ കൂടുതല്‍ പ്രാധാന്യം അര്‍ഹിക്കുന്നു എന്ന കാര്യത്തില്‍ സംശയമില്ല.

അതുകൊണ്ട് തന്നെ താങ്കളുടെ അഭിപ്രായത്തെ അതര്‍ഹിക്കുന്ന ഗൗരവത്തോടേയും സ്വീകാര്യതയോടേയും ഉള്‍ക്കൊള്ളുന്നതോടൊപ്പം ചില കാര്യങ്ങള്‍ കൂടി സൂചിപ്പിക്കുകയോ വ്യക്തമാക്കുകയോ ചെയ്യേണ്ടതുണ്ട് എന്നതിനാലാണ് ഈ കുറിപ്പ്.

------------

താങ്കളുടെ കമന്റിന്റെ തുടക്കം തന്നെ കാണുന്നു:---

------------

"നൌഷാദ്, താങ്കളുടെ നിരന്തരമായ കരച്ചില്‍ കണ്ടപ്പോഴുണ്ടായ സങ്കടത്തോടെയാണ് ഇതെഴുതുന്നത്."

------------

താങ്കള്‍ക്ക് തെറ്റി.

ആറാം വയസ്സില്‍ "ലാലുലീല"യിലും

എട്ടാം ക്ലാസ്സില്‍ പഠിക്കുമ്പോള്‍ "ജനനി"യിലും

പത്താം ക്ലാസില്‍ "ദേശാഭിമാനി വാരിക" കഥാമല്‍സര വിജയിയായും

പ്രസിദ്ധീകരിച്ചു തുടങ്ങിയ എന്റെ എഴുത്തിനും വരക്കും

പതിനെട്ടാം വയസ്സില്‍ ബാലകൗതുകത്തിന്റെ ആര്‍ട്ട് എഡിറ്ററായ് കയറും വരേക്കുമോ അതിനു ശേഷമോ ഇന്നേ വരേ അച്ചടിച്ചു വരിക എന്നത് ഒരു "മോഹ വല്ലിയായ്" എന്നെ പിടികൂടിയിട്ടില്ല.

ഒരു കലാകുടുംബത്തില്‍ പിറന്ന എനിക്ക് കല എന്റെ ജീവ രക്തം തന്നെയാണ്.

സമകാലിക ചിത്രകാരന്മാരില്‍ എന്റെ വരക്ക് എവിടെ സ്ഥാനം എന്നുള്ളതും എനിക്കറിയാം.

നിലവിലുള്ള ചിത്രകാരന്മാരുടെ ഒരു വര കണ്ട് കൊണ്ട് കലയിലെ ആഴവും പരപ്പും ഊഹിക്കാനുമാകും.

------------

എനിക്ക് പത്രക്കാരോട് പ്രത്യേകിച്ച് താല്പര്യമോ സൃഷ്ടികള്‍ പ്രസിദ്ധീകരിച്ച് വരണമെന്നോ യാതൊരു വിധ മോഹങ്ങളുമില്ല..അതെന്നെ അത്ര കണ്ട് സന്തോഷിപ്പിക്കുന്നുമില്ല.

പത്രത്തിന്റെ മേല്‍‌വിലാസം ചൂടാനുള്ള അവസരം ഈ ഗള്‍ഫില്‍ വെച്ചുണ്ടായിട്ടും രണ്ടിലധികം പത്രക്കാര്‍ എന്നെ സമീപിച്ചിട്ടും ഞാന്‍ അവഗണിച്ചതും ഞാന്‍ അതിന്റെ പിന്നാലെ പോകാതിരുന്നതും

വരക്കുക എന്ന എന്റെ ക്രിയക്കപ്പുറം മറ്റൊന്നും എന്നെ പ്രലോഭിപ്പിക്കുന്നില്ല എന്നുള്ളതിനാലാണ്.

------------

ഒരു സുഹൃത്തിന്റെ നിര്‍ദ്ദേശപ്രകാരമാണ് ആ വിഷയം പോസ്റ്റ് ആക്കി എഴുതിയത് തന്നെ..

പിന്നെ എനിക്കറിയാവുന്ന എന്റെ കലയില്‍ ആരുടേയും പിന്നിലാവരുത് എന്ന് എനിക്ക് നിര്‍ബന്ധമുണ്ട്. ബ്ലോഗ്ഗിലും എന്റെ എഴുത്തിനും വരക്കും ഫോട്ടോസിനും മികച്ച അഭിപ്രായം സ്വരൂപിക്കാന്‍ കഴിഞ്ഞതും എന്റെ ബ്ലോഗ്ഗ് മുമ്പന്തിയിലേക്കെത്തിയതും അറിയുന്ന കലയില്‍ തോറ്റു പോവരുത് എന്ന വാശിയുള്ളതിനാല്‍ തന്നെയാണ്.

------------

പിന്നെന്തിനു ഈ രണ്‍ട് പോസ്റ്റുകളില്‍ ഞാന്‍ (കരയും മൂക്കു പിഴിയുകയും) ചെയ്തു എന്ന താങ്കളുടെ സന്ദേഹത്തിനുള്ള മറുപടി അത് ഞാന്‍ എന്റെ ബ്ലോഗ്ഗര്‍ സുഹൃത്തുക്കള്‍ക്ക് വേണ്ടി കൂടിയുള്ള ഒരു പോരാട്ടമാക്കി മാറ്റുന്നതിനാലാണ് എന്നാണ് എന്റെ ഉത്തരം.

------------

നിരവധി പത്ര സ്ഥാപനങ്ങളുമായി എളിയ രീതിയില്‍ ബന്ധമുണ്ടായിരുന്ന ഒരു പ്രൊഫഷന്‍ ഒഴിവാക്കിയാണ് ഞാനിവിടെ വന്നത് എന്ന് പറഞ്ഞുവല്ലോ. എന്നാല്‍ മിക്ക ബ്ലോഗ്ഗര്‍മാരും അങ്ങനെയൊരു സാഹചര്യത്തെ പരിചയമുള്ളവരോ എഴുത്തിന്റെ മേഖല തൊട്ടനുഭവമുള്ളവരോ ആയിരിക്കില്ല.

പ്രത്യേകിച്ചും പ്രവാസി ബ്ലോഗ്ഗര്‍മാര്‍ക്കിത് ഒട്ടേറെ കുറവുകളും ന്യൂനതകളും ചൂണ്ടിക്കാണിക്കാനുണ്ടെ ങ്കില്‍ കൂടിയും പണ്ട് ഒരു സ്നേഹിതനോ അല്ലെങ്കില്‍ ഭാര്യക്കോ മാത്രം വീര്‍പ്പുമുട്ടലുകളും ആകുലതകളും എഴുതി നെടുവീര്‍പ്പിട്ട അവന്‍ ഇന്ന് ഈ ടെക്നോളജിയില്‍ പരിചയ സമ്പന്നനാവുന്നു എന്ന് മാത്രമല്ല അവന്റെയുള്ളിലെ നിസ്സഹായതയും നര്‍മ്മവും രോഷവും പ്രകടിപ്പിക്കാനും പ്രതിഷേധം ഉറക്കെ വിളിച്ച് പറയാനും ഉള്ള ഒരു അമൂല്യ വേദി കൂടെ ഇവിടെ സംജാതമാകുന്നു..സമാന മനസ്കരായ ഒട്ടനേകം പേരെ സുഹൃത്തുക്കളായി കിട്ടുന്നു..

അക്ഷരത്തിന്റെ രുചി അവനറിയുന്നു..

അതിന്റെ ശക്തിയും പ്രാധാന്യവും അവന്‍ മുമ്പത്തേക്കാളേറെ അവനു ബോധ്യം വരുന്നു....

ജോലി കഴിഞ്ഞെത്തുന്ന ഇത്തിരി ഒഴിവ് നേരങ്ങളില്‍ അവന്റെ മനോമുകുരം വിരിയിക്കുന്ന സ്വപ്നങ്ങ ളാണവന്റെ വിരല്‍ത്തുമ്പിലൂടെ ഊര്‍ന്നിറങ്ങുന്ന പോസ്റ്റുകള്‍....

ആ പോസ്റ്റുകള്‍ അച്ചടി മഷി പുരളുക എന്നത് അവന് ആഹ്ലാദം നല്‍കുന്ന കാര്യം തന്നെയാണ്.

അത് ബ്ലോഗ്ഗില്‍ പ്രസിദ്ധീകരിക്കുമ്പോള്‍ അവനതിന്റെ കോപ്പി റൈറ്റ് നിയമങ്ങളെ ക്കുറിച്ച് പലപ്പോഴും ബോധവാനാകാറില്ല. അതു കൊണ്ട് തന്നെ സ്വന്തം വീട്ടിലെ കോഴിക്കൂട്ടിനോ പശുത്തൊഴുത്തിനോ ആരും സ്വന്തം വീട്ടുപേര്‍ ചാര്‍ത്തി "ഇത് എന്റേതാണ്..ഇവറ്റകളെ ആരും അനുവാദമില്ലാതെ കൊണ്ട് പോവരുത് "എന്ന് എഴുതിവെക്കാറില്ലാത്തതു പോലെ

സ്വന്തം ബ്ലോഗ്ഗില്‍ കോപ്പിറൈറ്റ് അടയാളം അവരില്‍ മിക്കവരും വെക്കാത്തത്.

------------

എന്നാല്‍ രചനകള്‍ക്കും വായനക്കാര്‍ക്കും മേല്‍ അദൃശ്യ അധികാരം കയ്യാളുന്ന പ്രിന്റഡ് മീഡിയ

കോപ്പി റൈറ്റ് നിയമങ്ങള്‍ അത് ഏത് മീഡിയയെ ഉപജീവിച്ചായാലും അണുകിട പാലിക്കേണ്ടതുണ്ട്.

കാരണം അവരുടെ ശക്തി വലുതാണ്.ഒപ്പം ബാധ്യതയും ഉത്തരവാദിത്വവും വലുതാണ്.

------------

പ്രിയപ്പെട്ട നജീം ഭായ്,

താങ്കള്‍ക്ക് എന്റെ രണ്ടു പോസ്റ്റുകളിലേയും എന്റെ പരാമര്‍ശനങ്ങളും കാഴ്ച്ചപ്പാടുകളും എന്റെ കരിച്ചിലോ കണ്ണീരൊഴുക്കലോ മൂക്കു പിഴിയലോ ഒക്കെയായുള്ള പരിഹാസ്യത ജനിപ്പിച്ചെങ്കില്‍

കലാകൗമുദിയിലെ ഉത്തരവാദിത്വപ്പെട്ടവര്‍ക്ക് തങ്ങളുടെ വീഴ്ച ബോധ്യമായത് തീര്‍ത്തും ആശ്വാസജനകമാണ്..പ്രത്യാശപരവുമാണ്.

------------

അവര്‍ ഇതിനെ നിസ്സാര വല്‍ക്കരിച്ചില്ല എന്നിടത്ത് എന്റെ "കരച്ചിലിനു" ഫലമുണ്ടായി എന്ന് ഞാന്‍ വിശ്വസിക്കുന്നു. ആ ഫലം ബൂലോകത്തെ ഒരോ ബ്ലോഗ്ഗര്‍ക്കും തങ്ങളുടെ സൃഷ്ടിയെക്കുറിച്ചുള്ള അവകാശ ബോധം വര്‍ദ്ധിക്കാന്‍ കാരണമായിട്ടുണ്ടാവും എന്നും ഞാന്‍ വിശ്വസിക്കുന്നു.

------------

സ്വന്തം സൃഷ്ടികള്‍ക്ക് മേല്‍ കയ്യൊപ്പ് ചാര്‍ത്തുക എന്നത് " ഇതെന്റേതാണ്" ഉറക്കെ പ്രഖ്യാപിക്കല്‍ തന്നെയാണ്. അഥവാ ഇതാര്‍ക്ക് വേണമെങ്കിലും ഉപയോഗിക്കാം എന്നിടത്ത് മാത്രമേ " ഈ രചനയുടെ കോപ്പി പുന:പ്രസിദ്ധീകരിക്കുന്നതിനോ പകര്‍പ്പെടുക്കുന്നതിനോ വിതരണം ചെയ്യുന്നതിനോ യാതൊരു വിലക്കുമില്ല"

എന്ന് എഴുതിവെക്കേണ്ട കാര്യമുള്ളൂ. കാലം മാറിയില്ലേ.നിയമങ്ങളും പുതിയ സൈബര്‍ വ്യവസ്ഥകളും നടപ്പുശീലങ്ങളും പുതിയ രൂപങ്ങളിലേക്ക് നിവര്‍ത്തിക്കപ്പെട്ടുകൊണ്ടിരിക്കുന്നു.

------------

സി.രാധാകൃഷ്ണന്‍ ആണെന്ന് തോന്നുന്നു കമ്പ്യൂട്ടര്‍ ഉപയോഗിച്ച് നോവല്‍ രചനക്കു തുനിഞ്ഞ മലയാളത്തിലെ ആദ്യ എഴുത്ത്കാരന്‍. ഒപ്പം ടൈപ്പ് ചെയ്യുന്ന എഴുത്തിന്റെ സമീപ ഭാവി അന്ന് അദ്ദേഹം എടുത്ത് പറയുകയും ചെയ്തു.

അപ്പോഴും ഉണ്ടായി വിമര്‍ശനങ്ങള്‍. ..കമ്പ്യൂട്ടര്‍ പരിജ്ഞാനമില്ലാത്ത സവര്‍ണ്ണ എഴുത്ത്കാരുടെ പരിഹാസം വായിക്കപ്പെടാതെ അലമാരികളില്‍ പൊടിതട്ടിയ പുസ്തകങ്ങളുടെ നെടുവീര്‍പ്പുകളായി പരിണാമപ്രക്രിയക്ക് വിധേയമാവുമ്പോള്‍ ഇവിടെ ബൂലോകം എഴുത്ത് ആഘോഷിക്കുകയാണ്..

നിന്ദിതനും പീഡിതനും വായ്മൂടപ്പെട്ടവനും ബൂലോകത്തെ സജീവമാകുമ്പോള്‍ പോരായ്മകള്‍ക്കപ്പുറം

അവനുറക്കെ വിളിച്ചുപറയാനുള്ള സ്വാതന്ത്ര്യം..വായനയിലേക്ക് ..അക്ഷരങ്ങളിലേക്ക് ഉള്ള തിരിച്ചു പോക്കിന്റെ പുതിയ വസന്തം എല്ലാം അവന്‍ അറിഞ്ഞ് ആസ്വദിക്കുന്നുണ്ട്.

വേദനയുടെ അക്ഷരങ്ങളെ നവ രൂപമാക്കി മാറ്റുമ്പോള്‍ സവര്‍ണ്ണ മീഡിയ അവന്റെ ബ്ലോഗ്ഗ് കുടിലിലേക്ക് ഒളിഞ്ഞും മറഞ്ഞും നോക്കേണ്ടതില്ല..

അവന്റെ കൈമുതല്‍ അറിയാതെ കൈവശപ്പെടുത്തേണ്ട കാര്യവും ഇല്ല.. ലേഖനങ്ങള്‍ക്കിടയിലും നിരൂപണങ്ങള്‍ക്കിടയിലും ഒരു ഉദ്ധരണിക്ക് പോലും എഴുത്ത്കാരന്റെ നാമം തുന്നിച്ചേര്‍ക്കുന്ന മുഖ്യധാരക്ക് ബൂലോക സൃഷ്ടികളെ രണ്ടാം പന്തിക്കാരന്റെ ബാക്കി വിഭവങ്ങളാക്കേണ്ട ആവശ്യമുണ്ടോ.

അവയും യഥാവിധി പരിചരണവും പരിഗണനയും അര്‍ഹിക്കുന്നു.

------------

താങ്കള്‍ക്കുള്ള മറുപടി തയ്യാറാക്കാന്‍ താങ്കളുടെ ബ്ലോഗ്ഗിലെത്തിയ ഞാന്‍ സുപ്രധാനമെന്ന് തോന്നിയ രണ്ടു വാര്‍ത്തകളെ ലിങ്ക് സഹിതം മലയാളം ബ്ലോഗ്ഗേഴ്സ് ഗ്രൂപ്പില്‍"" " അവതരിപ്പിച്ചു. ഈ എഴുത്തില്‍ അത് സൂചിപ്പിക്കാനോ മറ്റോ അന്നേരം അങ്ങനെയൊരുദ്ദേശം പോലുമുണ്ടായിരുന്നില്ല.

ഇത് എഴുത്തുകാര്‍ തമ്മിലുള്ള പരസ്പര സഹകരണമാണ്..വായനക്കാരിലേക്ക് ആ എഴുത്ത് എത്തിച്ചേരട്ടെ എന്നുള്ള സദുദ്ദേശ്യമാണ്..

വലിയ വലിയ എഴുത്തുകാരെന്ന് നടിക്കുന്നവര്‍ക്ക് പലപ്പോഴും രോഗ ശയ്യയിലേ തിരിച്ചറിവും പരസ്പര സൗഹൃദവും പുനര്‍‌വിചിന്തനം നടത്തൂ എന്നുള്ളിടത്ത് ബൂലോകത്ത് മാത്രം കാണപ്പെടുന്ന തെളിനീരുപോലെ ശുദ്ധമായ സൗഹൃദത്തിനു ഒരെളിയ നിര്‍‌വചനമാണ്.

------------

ഒരിക്കല്‍ കൂടി ഞാന്‍ തെര്യപ്പെടുത്തട്ടെ..

എന്റെ "കരച്ചില്‍""" "താങ്കളെ സങ്കടപ്പെടുത്തിയതില്‍ ഖേദിക്കുന്നു.

പക്ഷേ തിരിച്ചറിയുക.

ആ നിലവിളി ഈ ബൂലോകത്തുള്ള ഓരോ ബ്ലോഗ്ഗര്‍മാര്‍ക്കു വേണ്ടിയും ഞാന്‍ നടത്തിയ പോരാട്ടമായിരുന്നു എന്ന്..ബൂലോകം മൊത്തം ഐക്യവും ജാഗ്രതയും കാണിച്ച സമരവുമായിരുന്നു അതെന്ന്..

ഒരു ക്ഷമാപണത്തിലും ഉടമസ്ഥാവകാശ കുറിപ്പ് പ്രസിദ്ധീകരണത്തിലും അത് ഒത്തു തീര്‍ന്നുവെങ്കില്‍ ആ സമരം വിജയിച്ചു എന്ന് തന്നെ കരുതാമല്ലോ..

തീര്‍ച്ചയായും അത് ഓരോ ബ്ലോഗ്ഗറുടേയും വിജയമാണ്..

അത്മവിശ്വാസത്തിന്റെ ആളലാണ്!.

------------

ഒരു പത്രവും ഒരു പ്രസിദ്ധീകരണവും എന്നെ ഇന്ന് പ്രലോഭിപ്പിക്കുന്നില്ല..

ഒരു അച്ചടി മാധ്യമത്തിന്റെ തണലും തണുപ്പും ഞാന്‍ കൊതിക്കുന്നുമില്ല..

ബ്ലോഗ്ഗിലേക്ക് വരും മുമ്പും ഞാന്‍ ഇങ്ങനെയായിരുന്നു..

ഇനി ബ്ലോഗ്ഗില്ലെങ്കിലും ഞാന്‍ ഇങ്ങനെയൊക്കെതന്നെയായിരിക്കും..

ആര് പ്രസിദ്ധീകരിച്ചാലും ഇല്ലെങ്കിലും അഭിനന്ദിച്ചാലും കമന്റിട്ടാലും ഇല്ലെങ്കിലുമൊക്കെ ഞാന്‍ വരച്ചു കൊണ്ടിരിക്കും.

------------

കാരണം ഓര്‍മ്മവെച്ച നാള്‍മുതല്‍

ഞാന്‍ വരക്കാതെ പോയ ഒരു ദിനവുമെനിക്കുണ്ടായിട്ടില്ലല്ലോ....

------------

നല്ല വാക്കുകള്‍ക്ക് നന്ദി..

നമസ്കാരം!.

------------

"ഓ..മംഗളം പത്രമേ..നീയും???"

2012-01-04T08:48:00.021+03:00

മംഗളം പ്രസിദ്ധീകരിച്ചത്

"എന്റെ വര" ബ്ലോഗ്ഗിന്റെ പേരിനു മുകളില്‍ മറ്റൊരു ലിങ്ക് പതിച്ചിരിക്കുന്നു.

ഒറിജിനല്‍ പോസ്റ്റ്

-----------------------

((ചിത്രത്തില്‍ ക്ലിക്കിയാല്‍ വലുതായും വ്യക്തമായും കാണാം!))

------------------------------

പ്രിയപ്പെട്ട വായനക്കാരേ,

കലാകൗമുദി ആഴ്ചപ്പതിപ്പും കേരളാ കൗമുദി ദിനപത്രവും മുല്ലപ്പെരിയാര്‍ വിഷയമാക്കി ഞാന്‍ വരച്ച കാര്‍ട്ടൂണുകള്‍ എന്റെ സമ്മതമില്ലാതെ പുന:പ്രസിദ്ധീകരിക്കുക വഴി ബൂലോകത്തിന്റെയും

ഫേസ്ബുക്ക് അംഗങ്ങളുടേയും മൊത്തം എതിര്‍പ്പും വിമര്‍ശനവും ഏറ്റുവാങ്ങിയതും ഒപ്പം

ഈ വിഷയത്തെ കേവലം ഒരു ബ്ലോഗ്ഗറുടെ മാത്രം പ്രശ്നമാക്കാതെ ബൂലോകം അതിന്റെ ഒരുമയും ജാഗ്രതയും കാണിച്ച് ശക്തമായി പ്രതികരിച്ച് സജീവ ചര്‍ച്ചാവിഷയമാക്കുകയും ചെയ്തതാണല്ലോ.ഞാനവര്‍ക്കയച്ച ഈ മെയില്‍ സ്വീകരിക്കാതെ തിരിച്ചു വന്ന സാഹചര്യത്തിലാണ് ഈ പ്രശ്നത്തില്‍ ഇടപെട്ടുകൊണ്ട് പ്രശസ്ത ബ്ലോഗ്ഗര്‍ ശ്രീ.സാബു കൊട്ടോടി കലാകൗമുദിയുമായ് സംസാരിക്കുകയും അവര്‍ ഇങ്ങനെ ഒരു വീഴ്ച വന്നതില്‍ ഖേദം പ്രകടിപ്പിക്കുകയും അടുത്ത വാരം ഇറങ്ങുന്ന ലക്കത്തില്‍ തന്നെ ഒരു കുറിപ്പായ് ഈ വിഷയം

നല്‍കാമെന്നും അറിയിച്ചത്.

----------------------------------

ഈ വിഷയവുമായി ബന്ധപ്പെട്ട് ഒരു പാട് പേര്‍ എനിക്ക് സഹകരണം വാഗ്ദാനം ചെയ്ത് മെയിലയക്കുകയും ഫോണ്‍ വഴി ബന്ധപ്പെടുകയും ചെയ്തു.അവര്‍ക്കെല്ലാം എന്റെ അകൈതവമായ നന്ദി രേഖപ്പെടുത്താന്‍ ഈ സന്ദര്‍ഭം ഉപയോഗപ്പെടുത്തട്ടെ..

എന്റെ ബ്ലോഗ്ഗ് പോസ്റ്റിലൂടെ കമന്റ് നല്‍കി പ്രതിഷേധം അറിയിച്ചവര്‍ക്കും സഹായ സഹകരണങ്ങള്‍ വാഗ്ദാനം ചെയ്തവര്‍ക്കും ഫേസ്ബുക്കിലൂടെ ഈ പോസ്റ്റ് ഷെയര്‍ ചെയ്ത്

കൂടുതല്‍ ആളുകളിലേക്കെത്തിച്ചവര്‍ക്കും ഒപ്പം ഈ വിഷയത്തില്‍ തന്റെ ബ്ലോഗ്ഗില്‍ ഒരു പോസ്റ്റ് തന്നെ ഇട്ട് പ്രതിഷേധത്തിനു മൂര്‍ച്ചകൂട്ടിയ പ്രശസ്ത ബ്ലോഗ്ഗര്‍ ചിത്രകാരനും

ഒട്ടനേകം ഗ്രൂപ്പുകളിലേക്ക് ഈ വിഷയം പോസ്റ്റ് ചെയ്ത് ചര്‍ച്ചകള്‍ സജീവമാക്കിയ ശ്രീ.സന്ദീപ് പാമ്പള്ളിയെപ്പോലുള്ളവരേയും ഞാനിവിടെ സ്മരിക്കുന്നു.

ഒപ്പം ഈ വിഷയം കലാകൗമുദിയിലെ പത്ര പ്രവര്‍ത്തക സുഹൃത്തുക്കളെ അറിയിച്ച് സജീവമായി ഇടപെട്ട ശ്രീ.രമേഷ് അരൂര്‍ മാഷിനും എന്റെ ഹൃദയപൂ‌വ്വമുള്ള നന്ദി അറിയിക്കട്ടെ!

പ്രസ്തുത പോസ്റ്റ് ഫോര്‍‌വേഡ് മേയിലായി കൂടുതല്‍ ആളുകളിലേക്കെത്തിച്ചവര്‍ക്കും ഈ വിഷയത്തില്‍ സഗൗരവം ഇടപെട്ട് എന്നോടൊപ്പം നിന്ന മലയാളം ബ്ലോഗ്ഗേഴ്സ് ഫേസ്ബുക്ക് ഗ്രൂപ്പിനും അതിന്റെ അഡ്മിന്‍സ്/മെമ്പര്‍മാര്‍ക്കും ഞാന്‍ പ്രത്യേകം നന്ദി അറിയിക്കുന്നു.

----------------------------------

ഈ ഫേസ്ബുക്ക് / ബൂലോകം വലയം നല്‍കുന്ന പിന്തുണയും ശക്തിയും വളരെ വലുതെന്ന് ഞാനിപ്പോള്‍ സത്യമായും രുചിച്ചറിയുന്നു.ഈ കൂട്ടായ്മയില്‍ ഒരു ചെറുഭാഗമാവാന്‍ കഴിഞ്ഞതില്‍ ഞാന്‍ അഭിമാനിക്കുകയും ചെയ്യുന്നു.ടോയ്‌ലറ്റ് സാഹിത്യം എന്ന് പരിഹസിച്ച "സവര്‍ണ്ണ" എഴുത്തുകാര്‍ക്ക് ബൂലോകത്തേക്ക് ഒന്ന് കണ്ണുതുറന്ന് നോക്കുവാനും ബൂലോകം/ ഫേസ്ബുക്കിടങ്ങളിലെ ഐക്യവും ജാഗ്രതയും അവരെ അറിയിക്കാനും ഇനി ഇത് പോലെ ഒന്നാവര്‍ത്തിക്കരുത് എന്നുള്ളതിന് ഇത് മൂലം ചെറിയ തോതിലെങ്കിലും സഹായകരമായിട്ടുണ്ടാവും എന്ന് ഞാന്‍ ആത്മാര്‍ത്ഥമായ് ആശിക്കുകയാണ്.

----------------------------------

എന്നാല്‍ ഇന്ന് ആ ആശ ആശങ്കയിലേക്ക് വഴിമാറിയോ എന്ന് ഞാന്‍ ഭയപ്പെടുന്നു..

ഒപ്പം ചില ഫേസ്ബുക്ക് ഗ്രൂപ്പുകളില്‍ കാണിക്കുന്ന നെറികെട്ട പ്രവര്‍ത്തനങ്ങള്‍ ഫേസ്ബുക്ക് സദാചാരത്തിന്റെ വ്യക്തമായ ലംഘനം കൂടിയാണെന്ന് കുറിക്കുന്നു.

----------------------------------

ഖേദത്തോടെ പറയട്ടെ..

ഇപ്പോള്‍ ഇതാ മംഗളം ദിനപത്രവും അതേ മാര്‍ഗ്ഗം തന്നെ സ്വീകരിച്ചിരിക്കുന്നു.

ഇന്ന് രാവിലെ (ജനുവരി4നു) എന്റെ പ്രിയ സുഹൃത്തും ബൂലോകം ഫേസ്ബുക്ക് കൂട്ടായ്മകളിലെ സുപരിചിതനുമായ ശ്രീ.നൗഷാദ് വടക്കേല്‍ ആണ് പ്രസ്തുത മാറ്റര്‍ ചൂടാറും മുമ്പേ എനിക്ക് എത്തിച്ച് തന്നിരിക്കുന്നത്. (നന്ദി പ്രിയ കൂട്ടുകാരാ....)

----------------------------------

ഫേസ്ബുക്ക് / ബ്ലോഗ്ഗ് സൃഷ്ടികളുടെ മേലുള്ള മുന്‍ നിര പത്ര മീഡിയകളുടെ കടന്നു കയറ്റവും സൃഷ്ടി ചോരണവും വിഷയമാക്കി ഞാന്‍ മുമ്പ് എഴുതിയതിനാല്‍ വീണ്ടും അത് വിശദീകരിക്കുന്നില്ല.പകരം ഇപ്പോള്‍ പരിഭവത്തോടെ അറിയിക്കുന്നത് മുല്ലപ്പെരിയാര്‍ ഓണ്‍ലൈന്‍ പ്രതിഷേധ സമര സമിതി പോലെ പ്രവര്‍ത്തിക്കുന്ന ഫേസ് ബുക്ക് ഗ്രൂപ്പുകള്‍ക്ക്

ഈ വിഷയത്തിലുള്ള കാര്‍ട്ടൂണുകളും സൃഷ്ടികളും അവരുടെ ഗ്രൂപ്പില്‍ കര്‍ത്താക്കളുടെ സമ്മതമില്ലാതെ ഉപയോഗിക്കുന്നത് മനസ്സിലാക്കാം.(ഈ വിഷയത്തിലുള്ള പ്രതിഷേധം ജനങ്ങളിലേക്കെത്തിക്കുക എന്നത് തന്നെയാണല്ലോ രചയിതാക്കളുടെയും ലക്ഷ്യം..)

എന്നാല്‍ മുന്‍ ചൊന്നപോലെ ഏതു സൃഷ്ടിക്കും അതിന്റെ സൃഷ്ടാവിന്റെ മേലുള്ള അധികാരത്തെ പരിഹസിക്കുന്ന പോലെ രചയിതാവിന്റെ നാമം മാറ്റി തങ്ങളുടെ നാമം എഴുതി ചേര്‍ക്കുമ്പോള്‍ ഇവരുടെ ലക്ഷ്യം എന്തായി മാറുകയാണ്?

(മുകള്‍ ഭാഗത്തായി ഓറഞ്ച് മാട്രിമോണിയല്‍ എന്ന ഗ്രൂപ്പിന്റെ ലിങ്ക് ഒരു സര്‍പ്രൈസ് ഗിഫ്റ്റുമായി നിങ്ങളെ കാത്തിരിക്കുന്നു എന്ന ഒരു ലിങ്ക് പരസ്യവും ഇട്ടിട്ടുണ്ട്..)

ഇത്തരം ഒട്ടനവധി കാര്‍ട്ടൂണുകള്‍ ഫേസ്ബുക്ക് സുഹൃത്തുക്കള്‍ എനിക്ക് എത്തിച്ചു തന്നിട്ടുണ്ട്.

അവ ഞാന്‍ ഗൗരവമായി എടുക്കാതെ അവഗണിച്ചിരുന്നു എന്നതാണ് സത്യം.

എന്നാല്‍ ഇപ്പോള്‍ മാധ്യമങ്ങളിലൂടെ അവ പ്രസിദ്ധീകരിച്ച് വരുമ്പോള്‍ കഥ മാറുകയാണ്..

----------------------------------

മുല്ലപ്പെരിയാര്‍ എന്ന ഗ്രൂപ്പ് എന്റെ ബ്ലോഗ്ഗ് ലിങ്ക് മായ്ച്ച് അവിടെ സ്വന്തം ഗ്രൂപ്പ് ലിങ്ക് നല്‍കിയിരിക്കുന്നു..ഇതിനെ തെമ്മാടിത്തരം എന്നോ അതില്‍കൂടുതല്‍ വരുന്ന ഭാഷയോ ആണ് പ്രയോഗിക്കേണ്ടത്?

----------------------------------

ഒരാളുടെ രചനയില്‍ നിന്നും അയാളുടെ നാമം ഒഴിവാക്കി സ്വന്തം പേര്‍ തിലകക്കുറിയായ് ചാര്‍ത്തുമ്പോള്‍ എത്ര പിതൃശൂന്യമായ പ്രവര്‍ത്തിയായ് അത് മാറുന്നു എന്ന് ഇവര്‍ ചിന്തിക്കാത്തതെന്തുകൊണ്ടാണ്?

----------------------------------

അത്ര നിര്‍ബന്ധമാണെങ്കില്‍ അവര്‍ക്ക് ആ കാര്‍ട്ടൂണിന്റെ മറ്റേതെങ്കിലും ഭാഗത്ത് അവരുടെ പേര്‍ ചേര്‍ക്കമായിരുന്നില്ലേ?

അല്ലാതെ അത് വരച്ചുണ്ടാക്കിയവന്റെ തിരു നെഞ്ചത്ത് ആഴത്തില്‍ പാരയിറക്കി തന്നെ വേണമായിരുന്നോ അവന്റെ മുതല്‍ അടിച്ചെടുക്കല്‍?

----------------------------------

ഒരു കലാകാരന്റെ അന്നം നിങ്ങള്‍ തട്ടിപ്പറിച്ചോ..ഒരു പക്ഷേ അതയാള്‍ ക്ഷമിച്ചേക്കും..

എന്നാല്‍ അയാളുടെ കയ്യൊപ്പ് മാറ്റി അവിടെ പകരമൊന്ന് എഴുതിച്ചേര്‍ത്താല്‍

ഓര്‍ക്കുക....

അയാളെന്നല്ല ഒരാളും നിങ്ങളോടൊരിക്കലും ക്ഷമിക്കാന്‍ പോകുന്നില്ല!

--------

"കലാകൗമുദീ..ഒരു വാക്ക് ചോദിക്കാമായിരുന്നില്ലേ എന്നോട്? "

2011-12-24T22:57:00.000+03:00

ഫേസ്ബുക്ക് ഗൂഗിള്‍ പ്ലസ്, ഓര്‍ക്കൂട്ട് തുടങ്ങിയ സോഷ്യല്‍ നെറ്റ് വര്‍ക്കുകളിലെ
രചനകള്‍ വേലി കെട്ടാത്ത വിളവ് പോലെയാണ്...
ആര്‍ക്കും ഒരു റൈറ്റ് ക്ലിക്കിലൂടേയോ കോപ്പി ആന്റ് പേസ്റ്റിലൂടേയോ അത് കൈക്കുള്ളിലാക്കാം..
പലപ്പോഴും ആശംസാകാര്‍ഡുകളും ജിഫ് ആനിമേറ്റഡ് ക്ലിപ്പുകളും ബാനറുകളും പോസ്റ്ററുകളും എല്ലാം ഈ തരത്തില്‍ കൈമാറ്റം ചെയ്യപ്പെടുന്നുണ്ട്.
അറിഞ്ഞും അറിയാതേയും ഇത് പലരും അവരുടെ വാളില്‍ പതിക്കാറുമുണ്ട്
അത് കൊണ്ട് തന്നെ കോപ്പി റൈറ്റ് നിയമങ്ങള്‍ പലപ്പോഴും നോക്കുകുത്തികളാവും.
എന്നാല്‍ ചിലപ്പോഴെങ്കിലും നിയമത്തിന്റെ പരിരക്ഷ പ്രഹസനമാവുന്നിടത്ത് സാമാന്യ മര്യാദ എന്നത് ഒരു ഔചിത്യ ബോധം ഔദാര്യമായെങ്കിലും പലപ്പോഴും പ്രത്യക്ഷപ്പെടാറുണ്ട്.
-------
ഇത് എന്റെ തറവാട്ട് സ്വത്ത് എന്ന അഹങ്കാരത്തോടെ
കടപ്പാടും ലിങ്കും വന്ന വഴിയൊന്നും കൊടുക്കാതെ ഇത് ഷയര്‍ ചെയ്യുമ്പോള്‍ ഓര്‍ക്കുക..
ഇതിനു പിന്നിലുള്ള ഒരു വ്യക്തിയുടെ അദ്ധ്വാനത്തെയാണ് നാം ചവിട്ടിമെതിച്ചു കടന്നു പോവുന്നത്..
അയാളുടെ കലാപരമായ കഴിവിനേയാണ് നാം അവഗണിക്കുന്നത്..
ശരി..നമുക്ക് തര്‍ക്കിക്കാം..ഒരു ഇമേജ് ഷയര്‍ ചെയ്യുമ്പോള്‍ നമ്മില്‍ മിക്ക പേരും അതൊന്നും
ഓര്‍ക്കുന്നില്ല തന്നെ..ശരിയാണ്...
ഒരു ഷയര്‍ ക്ലിക്കിനപ്പുറം ആരപ്പാ അതൊക്കെ ഓര്‍ക്കാന്‍..!!!
-------
സമ്മതിച്ചു..പക്ഷേ ആരാന്റെ കുട്ടിയെ സ്വന്തം വീട്ടില്‍ പിടിച്ചു വെക്കുന്നതോ പോട്ടെ
പക്ഷേ അവനെ സ്വന്തം മോനാണെന്ന് പറഞ്ഞു കുപ്പായമിടീച്ച് അങ്ങാടീക്കിറക്കിയാല്‍ എന്തു പറയണം?
-------
അപ്പൊ ഞാനാരായി??
------------------------
സൗദി അറേബ്യയില്‍ ഏതൊരുവനേയും പോലെ അറബി മുതലാളി കനിഞ്ഞരുളി തരുന്ന ഏതാനും റിയാലിനു വേണ്ടി രാപ്പകള്‍ അധ്വാനിക്കുന്ന "പെണ്ണു-കുട്ടി പരാധീന"ങ്ങളൊക്കെയുള്ള ഒരു സാദാ ഗള്‍ഫുകാരന്‍ തന്നെയാണ് ഞാനും...
ഇവിടന്ന് അപ്പഴും ഇപ്പഴും കിട്ടുന്ന അല്പം ഒഴിവ് സമയത്ത്, പലപ്പോഴും വര പകുതിയായാല്‍ ഉറക്കമൊഴിച്ച് പൂര്‍ത്തിയാക്കുന്നതാണ് (അതെ നിങ്ങളില്‍ പലരേയും പോലെത്തന്നെ) എന്റെ പോസ്റ്റുകളും കാര്‍ട്ടൂണുകളും...ചെറുപ്പത്തിലേ അല്ലറചില്ലറ കഥകളും കാര്‍ട്ടൂണുകളും ആവശ്യത്തിനു പ്രസിദ്ധീകരിച്ച് വന്നതിനാലും പത്രമാപ്പീസില്‍ ജീവിതത്തിന്റെ ഒരു ഖാണ്ഡം നേരെത്തേ കഴിഞ്ഞതിനാലും "അച്ചടിച്ച് വരിക"എന്നതിന്റെ ത്രില്ലും രോമാഞ്ചവുമൊക്കെ അതിന്റെ വഴിക്ക് പറഞ്ഞിട്ട് വിട്ടിട്ട് നാളു കുറേയായി..
അതു കൊണ്ട് തന്നെയാവണം സാഹചര്യം ഒത്തുവന്നിട്ടും പലതും പ്രസിദ്ധീകരിക്കാന്‍ വഴി തുറന്നിട്ടും എന്റെ അവകാശങ്ങള്‍ അനുവദിച്ചു തരാത്ത ഗള്‍ഫിലെ ഒരു പത്ര സ്ഥാപനത്തിനോട് എനിക്ക് നോ എന്ന് പറയാന്‍ രണ്ടാമതൊന്നാലോചിക്കേണ്ടി വരാഞ്ഞത്.
-------
പേടിക്കേണ്ട..
ഞാന്‍ വിഷയത്തിലേക്ക് വരുന്നു.
-------
ഇതിപ്പോ ആരോപറഞ്ഞ കൂട്ട് "ഫേസ്ബുക്കിലെ പോസ്റ്റ്, പൊക്കെടാ പൊക്ക്" എന്ന് പറഞ്ഞ പോലെയായിട്ട് കാലം കുറേയായി...ബ്ലോഗ്ഗര്‍മാരുടെ പോസ്റ്റുകള്‍ മോഷ്ടിച്ച് സ്വന്തം പേരില്‍ ഇറക്കുന്ന വിരുതന്മാരായിരുന്നു കുറച്ച് മുമ്പ് വരെ..ആരാന്റെ സൃഷ്ടി ഫോര്‍‌വേഡ് മെയിലാക്കി ഞെളിയുന്നവരും അതിനു പുറമേ..
(എന്റെ "കൈവെട്ടിയനു ഒരവാര്‍ഡ്" എന്ന കവിത(?) മറ്റുള്ളവരുടെ പേരില്‍ എനിക്ക് തന്നെ അഞ്ചിലധികം തവണ ഫോര്‍‌വേഡ് മെയിലായി കിട്ടി.ചേട്ടന്മാരേ സന്തോഷം!)
-------
ചോദിക്കാനും പറയാനും ആരുമില്ലെടാ..നീ പൊക്കിക്കോ..ഞാനും പൊക്കാം ..ഉണ്ടാക്കിയവനോട് പോവാന്‍ പറ എന്ന ലൈനിലാണ് ഇപ്പോള്‍ കുറച്ചായി വീണ്ടും കാര്യങ്ങളുടെ കിടപ്പ്..
കലാ കൗമുദി വാരികയും സണ്ഡേ സപ്ലിമെന്റും രണ്ടു ലക്കങ്ങളിലായി പേരും ഊരും വെക്കാതെ
കളര്‍ പേജില്‍ പ്രസിദ്ധീകരിച്ചത് എന്റെ രണ്ടു കാര്‍ട്ടൂണ്‍സ്.
ആഡ്യത്വവും പത്ര പാരമ്പര്യവും ഒക്കെ അവകാശപ്പെടുന്ന ഇവര്‍ എന്തുകൊണ്ടാണ് അന്യന്റെ മുതല്‍ അനുവാദമില്ലാതെ എടുത്ത് കാച്ചുമ്പോള്‍ പേരിനെങ്കിലും ഒരു നന്ദി..ഒരു കടപ്പാട്..അത് വെക്കാന്‍ മറന്ന് പോവുന്നത്?
-------

കലാ കൗമുദിയില്‍ പ്രസിദ്ധീകരിച്ചത്

-------

ഒറിജിനല്‍ പോസ്റ്റ്

-------

അവര്‍ കോപ്പിറൈറ്റും വിവരാവകാശനിയമങ്ങളുമൊന്നും ആരും പഠിപ്പിച്ച് കൊടുക്കേണ്ട ആവശ്യമുണ്ടെന്ന് തോന്നുന്നില്ല.പിന്നെ എന്തുകൊണ്ടാണ് കേവലം ഒരു ലൈന്‍ കമ്പോസ് ചെയ്തുവെക്കാന്‍ മാത്രം അവരുടെ മനസ്സിനു വലിപ്പമില്ലാതെ പോവുന്നു?

-------

കേരളാ കൗമുദിയില്‍ സണ്ഡേ പതിപ്പില്‍ വന്നത്.

-------

ഒറിജിനല്‍ പോസ്റ്റ്

-------

നമ്മുടെ സൃഷ്ടികള്‍ / കാര്‍ട്ടൂണുകള്‍ ഷയര്‍ ചെയ്യുന്നതും കോപ്പി ചെയ്യുന്നതും ഒക്കെ മനസ്സിലാക്കാം..
അതൊക്കെ വിട്ട് കാര്‍ട്ടൂണില്‍ കൊടുത്തിരിക്കുന്ന കലാകാരന്റെ പേര്‍ മാറ്റി അവിടെ ഈ കട്ടവന്റെ പേര്‍ പതിക്കുന്നവനെ എന്തു വിളിക്കണം...??? എന്തു ചേര്‍ത്ത് വിളിക്കണം???
ഇതാ ഇവിടെ അതിനൊരു ചെറിയ ഉദാഹരണം.
ഓണ്‍ലുക്കേഴ്സ് മീഡിയ എന്ന ഫേസ്ബുക്ക് പേജ് കാണിച്ചിരിക്കുന്ന ഈ തെമ്മാടിത്തരത്തിനു
ഞാനെന്ത് പറയും??

------

ഓണ്‍ലുക്കേഴ്സ് മീഡിയ ഫേസ്ബുക്ക് പേജ്

-------

ഒറിജിനല്‍ പോസ്റ്റ്

-------

കലാകാരനെ അംഗീകരിച്ച് എഴുന്നള്ളിക്കണം എന്നല്ല പറഞ്ഞത്..ഒരു കടപ്പാടോ കലാകാരന്റെ പേരോ ചേര്‍ക്കാം..അത് ചെയ്യുന്നില്ല എന്നത് പോട്ടെ..
അവന്റെമുഖത്ത് കാര്‍ക്കിച്ചു തുപ്പാതിരുന്നാല്‍ മതി...
മറ്റുള്ളവരൂരിയിട്ട ഷെഡിയിട്ട് ഞെളിഞ്ഞു നടക്കുമ്പോള്‍ കുറച്ചെങ്കിലും ചാണകം ചവിട്ടിയ ഫീലിംഗില്ലാത്ത ഇവരോട് ഞാനെന്ത് ഭാഷയില്‍ സം‌സാരിക്കും?

-------

കേരള കാര്‍ട്ടൂണ്‍ അക്കാഡമി കൊല്ലത്ത് മുല്ലപ്പെരിയാര്‍ ഐക്യ ദാര്‍ഢ്യ കൂട്ടായ്മ സംഘടിപ്പിച്ച
കാര്‍ട്ടൂണ്‍ പ്രദര്‍ശനത്തിന്റെ ഇന്ത്യാവിഷന്‍ ചാനലിലെ വാര്‍ത്താ വീഡിയോ ക്ലിപ്പ് ലിങ്ക് ഒരു ഫേസ്ബുക്ക് സ്നെഹിതന്‍ അയച്ചു തന്നപ്പോഴാണു ഞാനും കാണുന്നത്.
അതിലുമുണ്ട് ഈയുള്ളവന്റെ ഒരു കാര്‍ട്ടൂണ്‍ (ഒന്നാണ് ക്ലിപ്പില്‍ കണ്ടത്.വേറേയുണ്ടോ എന്നറിയില്ല)

-------

ഇന്ത്യാ വിഷന്‍ വാര്‍ത്താ വീഡിയോ ക്ലിപ്പ്

http://www.malayalamclips.com/current-affairs/news-current-affairs/indiavision-news/cartoon-mullaperiyar/

-------

ഒറിജിനല്‍ പോസ്റ്റ്

-------

തീര്‍ച്ചയായും ഇത്തരമൊരു സം‌രം‌ഭത്തിനു അവര്‍ ആ കാര്‍ട്ടൂണ്‍ ഉപയോഗിച്ചതില്‍ എനിക്ക് സന്തോഷമുണ്ട്..മറ്റുള്ളവര്‍ക്കൊപ്പം ജനപക്ഷത്തു നിന്ന് സംസാരിക്കാന്‍ കഴിഞ്ഞതില്‍ ഞാനും അഭിമാനിക്കുന്നു..
എന്നാലും ഒരു സംശയം..
കേരളാ കാര്‍ട്ടൂണ്‍ അക്കാഡമി പോലെ കാര്‍ട്ടൂണിസ്റ്റുകള്‍ക്കു വേണ്ടി മാത്രം നിലകൊള്ളുന്ന ഒരു സ്ഥാപനം ഇങ്ങനെയൊന്ന് സം‌ഘടിപ്പിക്കുമ്പോള്‍ അവര്‍ പ്രദര്‍ശനത്തിനു തെരെഞ്ഞെടുക്കുന്ന
കാര്‍ട്ടൂണുകളുടെയെങ്കിലും ഉടമകളെ മെയില്‍ വഴിയോ ബ്ലോഗ്ഗിലെ കമന്റ് വഴിയോ ഒക്കെ ഒരു അറിയിപ്പ് കൊടുത്തിരുന്നെങ്കില്‍ എത്ര നന്നായിരുന്നു...
തന്റെ പ്രതിഷേധ സ്വരം നാലു പേര്‍ കൂടുതല്‍ കേള്‍ക്കുന്നു..
തന്റെ കലയിലൂടെ ഒരു ജനത പ്രതിഷേധ സ്വരമുയര്‍ത്തുന്നു എന്നതൊക്കെ അവന്റെ രചനക്ക് ഊര്‍ജ്ജം പകരും എന്നതില്‍ സംശയമില്ല..
അതു കൊണ്ട് തന്നെ അക്കാഡമീ..നന്ദിയോടൊപ്പം അങ്ങനെ ഒരു പരാതി കൂടെ എനിക്കുണ്ടെന്ന് സവിനയം അറിയിക്കുന്നു.
-------
ഇന്നലെ നാട്ടില്‍ നിന്നും "കൈരളി നെറ്റ്" മാഗസിന്റെ പത്രാധിപര്‍ ബന്ധപ്പെട്ടു.
എന്റെ സൃഷ്ടികള്‍ എടുക്കാന്‍ അനുവാദം ചോദിച്ചു കൊണ്ട്.
എന്റെ പേരും ബ്ലോഗ് ലിങ്കും അവര്‍ കൂടെ നല്‍കുമെന്നറിയിക്കുകയും ചെയ്തു.
ഈ ചെറുപത്രം കാണിച്ച മര്യാദയെങ്കിലും മുത്തശ്ശിപത്രങ്ങളേ നിങ്ങള്‍ക്ക് കാണിക്കരുതോ?
-------
എന്റെ ചിത്രങ്ങള്‍ക്കും കാര്‍ട്ടൂണുകള്‍ക്കും ഫേസ്ബുക്കിലൂടെയും ഗൂഗിള്‍പ്ലസിലൂടേയും കമന്റ് ചെയ്യുന്നവരോടും ഷയര്‍ ചെയ്യുന്നവരോടും എനിക്കുള്ള അഗാധമായ നന്ദിയും കടപ്പാടും രേഖപ്പെടുത്താന്‍ ഞാനീ സന്ദര്‍ഭം ഉപയോഗിക്കുന്നു.
എല്ലാ മാന്യ വായനക്കാരുടേയും പിന്തുണ എനിക്കുണ്ടാവുമെന്നും ഞാന്‍ വിശ്വസിക്കുന്നു.അതിനായ് അഭ്യര്‍ത്ഥിക്കുന്നു.
-------

എന്നാല്‍ അവ കോപ്പിയടിച്ച് സ്വന്തം പേരിലാക്കി ഞെളിയുന്നവരോട് എനിക്കുള്ള മറുപടി താഴെ കൊടുക്കുന്നു.

-------

"നിങ്ങള്‍ എ...ടു..ത്തോ....എ...ടു..ത്തോ.....പക്ഷേ..* "
-------
*വാല്‍‌മുറി:
----------
കല്ല്യാണ പന്തലില്‍ സദ്യ വിളമ്പുന്നു.
ഒരു മേശക്കിരുപുറവുമായി ഒരു ചെറുപ്പക്കാരനും മധ്യ വയസ്കനും.
സദ്യ എല്ലാം തന്നെ മുന്നില്‍ നിരത്തിയിരിക്കുന്നു.
ചെറുപ്പക്കാരന്‍ മുന്നില്‍ രണ്‍ടു പേര്‍ക്കുമായി വിളമ്പി വെച്ചിരിക്കുന്ന ചിക്കന്‍ പൊരിച്ചത് ഒന്നോടെ അവന്റെ പ്ലേറ്റിലേക്ക് തട്ടി കോഴി കടിച്ചു വലിച്ച് ആര്‍ത്തിയോടെ കഴിക്കാന്‍ തുടങ്ങി.
മധ്യ വയസ്കന്‍ ദയനീയമായി ഒന്നു നോക്കുന്നു.ഉള്ളത് വെച്ച് കഴിക്കാന്‍ തുടങ്ങുന്നു..
-------
അല്പസമയം കഴിഞ്ഞപ്പോള്‍ എക്സ്റ്റ്രാ വിളമ്പലുകാരന്‍ ഒഴിഞ്ഞ പാത്രങ്ങളിലേക്ക് ചിക്കന്‍ നിറച്ച്
കൊണ്ട് ആ വഴി വന്നു..മധ്യ വയസ്കന്‍ പ്രതീക്ഷയോടെ അയാള്‍ വിളമ്പുന്നതും കാത്തു നിന്നു.
അയാള്‍ കോഴി പൊരിച്ചത് അവരുടെ പ്ലേറ്റില്‍ വിളമ്പിയതും ചെറുപ്പക്കാരന്‍ കൂസലന്യേ എല്ലാം കൂടെ അവന്റെ പ്ലേറ്റിലേക്ക് തട്ടി...
...............................
പ്ലേറ്റു കാലിയാക്കി ചെറുപ്പക്കാരന്‍ ഒരേമ്പക്കവും വിട്ട് എണീറ്റപ്പോള്‍
പിടുത്തം വിട്ട മധ്യ വയസ്കന്‍ അവനെ കൈപിടിച്ച് നിര്‍ത്തി ഇങ്ങനെ പറഞ്ഞുവത്രേ.
-------
"തി..ന്നോ തി..ന്നോ..നല്ലോണം തിന്നോ..
അന്റെ പ്രായത്തില് ഞാനും ഒരു പാട് തിന്ന്ക്ക്ണ്...
പക്ഷേ ഇങ്ങനെ ഒരു മാതിരി *&^%$# ത്തെ തീറ്റ ഇനി തിന്നരുതട്ടോ..!"
-------
ആ തെറി കേട്ട് ചേറുപ്പക്കാരന്‍ തിന്നതു മുഴുവന്‍ കൊട്ടിയെന്നാണ് ജനസംസാരം!
-------
ഇപ്പഴും ഞങ്ങളുടെ നാട്ടില്‍ ചെറുപ്പക്കാര്‍ കല്ല്യാണ സദ്യ വട്ടങ്ങളില്‍ ഈ വാക്ക് (തി..ന്നോ..!തി..ന്നോ..!!)
എതിരെ ഇരിക്കുന്ന സ്നേഹിതനു നേരെ ഉപയോഗിച്ച് സദസ്സില്‍ ചിരിയമിട്ട് പൊട്ടിക്കാറുണ്ട്.
-------

-------

എല്ലാവര്‍ക്കും എന്റെ ക്രിസ്ത്‌മസ്സ് & നവ വല്‍സരാശംസകള്‍ !!

സാന്താക്ലോസിന്റെ "സ്പെഷല്‍ സമ്മാനം!"

2011-12-23T19:09:00.004+03:00

----
((ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.))
----

എല്ലാ വായനക്കാര്‍ക്കും "എന്റെ വര"ബ്ലോഗ്ഗിന്റെ കൃസ്തുമസ് ആശംസകള്‍ !

----

"അടിവാങ്ങും മല്ലുവിനു കത്തെഴുതും മുഖ്യന്‍!"

2011-12-21T11:48:00.000+03:00

-----

((ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.))

കൂടുതലെന്തു പറയാന്‍!
മലയാളിക്ക് അവനു വിധിച്ചതേ കിട്ടൂ.............
അവന്റെ ജാഡക്കും അഹംഭാവത്തിനും സര്‍‌വ്വ പുച്ഛത്തിനും കപട പ്രകടനത്തിനും അത്യാര്‍ത്തി ആഡംഭര ഭ്രമത്തിനും പണാസക്തിക്കുമൊക്കെയുള്ള അവനു തന്നെയുള്ള തിരിച്ചു കിട്ടലുകളാണ് അവനര്‍ഹിക്കുന്ന ഭരണാധിപന്‍മാര്‍ തൊട്ട് അവനെ "രസിപ്പിക്കുന്ന" പണ്ഡിറ്റുകള്‍ വരെ...
-----

"ഡാം : ഇന്ത്യാക്കാരന്റെ സന്തോഷങ്ങള്‍ !!!"

2011-12-20T08:49:00.005+03:00

((ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.))
-------
കാക്കത്തൊള്ളായിരം രാഷ്ട്രീയ പാര്‍ട്ടികളും അവയുടെ ഗ്രൂപ്പുകളും പ്രാദേശിക ഘടകങ്ങളും കേരളത്തിനു സമ്മാനിക്കുന്നത് എണ്ണിയാലൊടുങ്ങാത്ത രാഷ്ട്രീയ ഭിക്ഷാം‌ദേഹികളേയാണ്..
സ്ഥാപിത താല്പര്യങ്ങളും മോഹങ്ങളും സം‌രക്ഷിക്കുകയും നേടിയെടുക്കുകയും ചെയ്യുക എന്നതിനപ്പുറത്ത് എന്തു കൊണ്ടാണ് ആര്‍ജ്ജവവും ഇച്ഛാശക്തിയും പൊതുജന സമ്മിതിയും ഒരു പോലെ നേടിയെടുക്കാന്‍ കഴിയുന്ന ഒരു നേതൃനിര നമുക്കുണ്ടാവുന്നില്ല?.
അല്ലെങ്കില്‍ പ്രതീക്ഷ നല്‍കുന്ന ഒരു നേതൃശബ്ദം പോലും രാഷ്ട്രീയ കോലാഹലങ്ങളില്‍ നിന്നുയരുന്നില്ല...?
-------
ഒറ്റപ്പെട്ട ശക്തമായ ശബ്ദങ്ങള്‍ പോലും അടിച്ചമര്‍ത്തപ്പെട്ട പോലെ നിശബ്ദമായിപോകുന്നു..
നാടിനെ മൊത്തം ബാധിക്കുന്ന ഒരു പ്രശ്നത്തില്‍ പോലും അവരൈക്യം കാണുന്നില്ലെങ്കില്‍
പിന്നെ എന്തിന്റെ പേരിലാണ് രാഷ്ട്രീയക്കാരന്‍ നിങ്ങളുടെ പടി വാതില്‍ക്കല്‍ വോട്ട് ചോദിച്ചെത്തുന്നത്?
-------
ഒരു ജനതയെ മുഴുവന്‍ കഴുതപ്പാലു കുടിപ്പിച്ചവരാക്കി മാറ്റി ഷണ്ഡന്മാരെന്ന് തെറിവിളി കേള്‍ക്കാന്‍ മാത്രം കേരള ജനതയെ ഒറ്റിക്കൊടുത്തുവോ ഇവര്‍?
-------
ഡാം ഇന്ന് ഒരു മുപ്പത്തഞ്ച് ലക്ഷം ജനതയുടെ ജീവന്മരണ പ്രശ്നം മാത്രമല്ല..
അത് ഒരു അളവ് കോല്‍ കൂടിയാണ്..
ഓരോ കേരളീയനും തങ്ങള്‍ വോട്ട് കൊടുത്ത് വിട്ട തങ്ങളുടെ നേതാക്കന്മാര്‍ എവിടെ നില്‍ക്കുന്നു എന്നറിയാനുള്ള ഭൂതക്കണ്ണാടിയാണ്..
തങ്ങളുടെ ജീവനുമേല്‍ അധികാര വര്‍ഗ്ഗത്തിനു എത്ര മേല്‍ ആശങ്കയുണ്ട് എന്നറിയാനുള്ള
സ്നേഹ മാപിനിയാണ്..
-------
ഒരു കത്തിലൂടേയോ പത്രപ്പരസ്യത്തിലൂടേയോ അധികാര വര്‍ഗ്ഗങ്ങള്‍ക്ക് പരസ്പരം വാ മൊഴിയും വരമൊഴിയും പറഞ്ഞ് നേരം പോക്കാം..
-------
എന്നാല്‍ കേരള വിരുദ്ധ പ്രസ്താവനകളും വ്യാജ റിപ്പോര്‍ട്ടുകളും വഴി വിദ്യാഭ്യാസമുള്ളവനിലും ഇല്ലാത്തവനിലും ആളിക്കത്തിക്കപ്പെടുന്ന വിദ്വേഷജ്വാലകള്‍ ബസ്സുകള്‍ക്ക് നേരെ കല്ലെറിഞ്ഞും ബേക്കറി, ഹോട്ടല്‍, പലചരക്കുകടകള്‍ക്കു നേരെ അക്രമം അഴിച്ചു വിട്ടും ഒരു
വണ്‍‌വേ യുദ്ധം സൃഷ്ടിക്കപ്പെടുമ്പോള്‍ തമിഴ് മണ്ണില്‍ വര്‍ഷങ്ങളായ് കച്ചവടം ചെയ്തും
കൂലിവേല ചെയ്തും ജീവിക്കുന്ന ഒരു പാടൊരുപാട് മലയാളികളുടെ ഭയാക്രാന്തമായ നിലവിളിക്കും വിഹ്വലതകള്‍ക്കും അത് ഒരു പരിഹാരമാവുന്നില്ല.
-------
(അമിതാവേശവും അതിവൈകാരികതയും രക്തത്തിലേറെയുള്ള തമിഴനു "തന്‍ ഉയിപാര്‍ത്ത തലൈവനിന്‍" ഒരു പ്രസ്താവന മതി ആരേയും കൊന്നു കൊലവിളിക്കാന്‍...
കേരളത്തില്‍ ചില്ലറ അപവാദങ്ങളൊഴിച്ചാല്‍ അങ്ങനെയൊരു മണ്ടത്തരത്തിനും മലയാളിയെ കിട്ടില്ല..അതുകൊണ്ടാണല്ലോ അപകടകരമാം വിധം രാഷ്ട്രീയ - ഗുണ്ടാ ബാന്ധവത്തിനു അത് വഴി വെക്കുന്നത്.)

പൊട്ടാന്‍ പോകുന്ന ഡാമിനോട് മുട്ടുകുത്തി പ്രാര്‍ത്ഥിക്കുന്നവര്‍ !

2011-12-09T23:47:00.006+03:00

--------

((ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.)) --------

കുത്താന്‍ വരുന്ന പോത്തിനോട് വേദാന്തമോതുന്നവര്‍..

സോറി..

പൊട്ടാന്‍ പോകുന്ന ഡാമിനോട് മുട്ട് കുത്തി പ്രാര്‍ത്ഥിക്കുന്നവര്‍...

അമ്മയുടെ "ആലിംഗനങ്ങള്‍ !!"

2011-12-09T10:44:00.004+03:00

---------

കോടികള്‍ ആസ്തിയുള്ള മനുഷ്യ ദൈവങ്ങളുടെ മാന്ത്രിക- ദിവ്യാല്‍ഭുതങ്ങള്‍ക്ക് അന്നോളമിന്നോളം ഒരു പഞ്ഞവുമുണ്ടായിട്ടില്ല.അത് കൊണ്ടാണ് ആശ്രമത്തിലെ വെടിവെപ്പും പീഡനവും എയര്‍പോര്‍ട്ടിലെ ഗ്രീന്‍ ചാനലിലൂടെ നിര്‍ബാധം ഒഴുകുന്ന പെട്ടികളും ഏറ്റവും ഒടുവില്‍ ആതുര ശുശ്രൂഷാ രംഗത്തെ വെള്ളരിപ്രാക്കളുടെ ചിറകൊടിച്ചതും ഒന്നും നമുക്ക് വിഷയമല്ലാത്തത്.

കോടികള്‍ ആസ്ഥിയുള്ള മനുഷ്യ ദൈവങ്ങള്‍ സാധാരണക്കാരന്റെ കണ്ണില്‍ ആതുര സേവനം-വിദ്യാഭ്യാസം വഴി പൊടിയിടുമ്പോള്‍ രാഷ്ട്രീയ പാര്‍ട്ടികള്‍ക്കത് പാര്‍ട്ടി ഫണ്ടിലേക്കുള്ള ഉദാര സം‌ഭാവനയായും മീഡിയകള്‍ക്കത് സ്വര്‍ണ്ണ മുട്ടയിടുന്ന പരസ്യ വരുമാനമായും മുന്നില്‍ കൈകളുയര്‍ത്തി അനുഗ്രഹിച്ചാശീര്‍‌വദിച്ച് നില്‍ക്കുമ്പോള്‍ ഏത് വാര്‍ത്തക്കുള്ളിലെ വാര്‍ത്തയാണ്

സവര്‍ണ്ണ മീഡിയ വഴി നാം കേള്‍കാന്‍ പോകുന്നത്?

---------

ഏത് ജേര്‍ണ്ണലിസമാണ് സുവര്‍‌ണ്ണാനുകൂല്യങ്ങള്‍ തട്ടിത്തെറിപ്പിച്ച് മാറാല പിടിച്ച് കിടക്കുന്ന സത്യത്തിന്റെ ഉള്ളറകളിലേക്ക് വായനക്കാരനെ കൊണ്ടു പോവുന്നത്?

---------

വാര്‍ത്ത വളച്ചൊടിക്കാനും പാതിമുറിച്ച് കൂട്ടിച്ചേര്‍ക്കാനും വാര്‍ത്തയില്‍ രൂപഭേദം വരുത്തി വാദിയെ പ്രതിയാക്കാനും മേല്‍ ഡിഗ്രിയെടുത്തവര്‍ക്കു മുന്നില്‍ സത്യങ്ങള്‍ എപ്പോഴും പൂഴ്ത്തിവെക്കപ്പെടും.

അറിയേണ്ടത് ഒരു കാലവും അറിയാതെയും അറിയിക്കാതേയും അവ ചവറ്റുകൊട്ടകളിലേക്ക് എറിയപ്പെടും.

---------

ഇന്ത്യയിലെ പല ജാതി - ദേശ വര്‍ഗ്ഗങ്ങള്‍ക്കെല്ലാമായി ആയിരമായിരം ദൈവങ്ങളുണ്ട്..

അതിനൊക്കെ പുറമേ മരിച്ചവരും ജീവിച്ചിരിക്കുന്നവരുമായ് അനുഗ്രഹവും ആത്മീയതയും യോഗയും വിറ്റുകാശാക്കുന്ന അതിലും ഇരട്ടി മനുഷ്യ ദൈവങ്ങളുണ്ട്...

---------

ഇത്രയൊക്കെയുണ്ടായിട്ടും...

---------

എന്തേ എന്റെ മാതൃരാജ്യമേ നിന്നെ രക്ഷിക്കാന്‍

ഒരു നപുംസക മനുഷ്യ ദൈവങ്ങള്‍ക്കുമാവാത്തൂ???

"ഡാം : കൈക്കൂലിക്കാരുടെ ലിസ്റ്റ്!"

2011-12-07T20:21:00.002+03:00

--------

((ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.))

------

പ്രിയപ്പെട്ട വായനക്കാരെ..

മുല്ലപ്പെരിയാര്‍ ഡാം വിഷയമാക്കിയുള്ള എന്റെ പുതിയ കാര്‍ട്ടൂണ്‍..

നിങ്ങളുടെ അഭിപ്രായങ്ങളും പ്രോല്‍സാഹനവുമാണ്

തുടര്‍ച്ചയായി കാര്‍ട്ടൂണ്‍ വരക്കാന്‍ എനിക്ക് പ്രചോദനമാവുന്നത്..

എല്ലാവര്‍ക്കും നന്ദി ഒരു പാട്...

"ഹൊ! എന്നെക്കൊണ്ട് ഞാന്‍ തോറ്റു!"

2011-12-05T12:05:00.006+03:00

---------

നിലമ്പൂരില്‍ നിന്നും പ്രസിദ്ധീകരിക്കുന്ന ദിനപത്രരൂപത്തിലുള്ള "മലയാള നന്മ" മാസികയില്‍ വന്ന ലേഖനം. നല്ല നിലയില്‍ മുന്നോട്ട് പോവുന്ന ഈ മാസിക്കക്ക് പക്ഷേ ഈ ലക്കത്തിലേക്ക് ഹാഫ് പേജ് നിറക്കാന്‍ ഒരു വഴിയും കാണാത്തത് കൊണ്ടാണ് ഇങ്ങനെ ഒരു കടുകൈ ചെയ്തത് എന്ന് ചില കുബുദ്ധികള്‍ സംശയം പ്രകടിപ്പിച്ചിട്ടുണ്ട്. ഒപ്പം ഇത് ലേഖകന്‍ കാശ് കൊടുത്ത് എഴുതിച്ചതാണ് എന്നും ചിലര്‍ ശക്തമായി ആരോപണം ഉന്നയിക്കുന്നു. പറ്റുമെങ്കില്‍ സി.ബി.ഐ യെക്കൊണ്ട് തന്നെ അന്വേഷിപ്പിക്കണമെന്നും ഇവര്‍ ആവശ്യപ്പെട്ടിട്ടുണ്ട്.

---------

(ഹത്രക്കൊന്നും വേണ്ട .. പാവം ജീവിച്ചു പൊക്കോട്ടേ ല്ലേ..?)

---------

"ഡാം ചരിത നാടകം : കാലുനക്കല്‍ ഖാണ്ഡം!"

2011-12-04T10:57:00.001+03:00

-------

((ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.))

-------

--------------

അഭിപ്രായങ്ങള്‍ അറിയിക്കുമല്ലോ....

"ഗ്ലാമറല്പ്പം കുറവാണെന്നേയുള്ളൂ.. വിവരക്കേട് ഇഷ്ടം പോലെയാ!"

2011-12-02T21:02:00.003+03:00

<<ചിത്രത്തില്‍ ക്ലിക്ക് ചെയ്താല്‍ വലുതായും വ്യക്തമായും കാണാം.>>

അഭിപ്രായങ്ങള്‍ അറിയിക്കുമല്ലോ...

ജയലളിതക്ക് മുഖ്യമന്ത്രിയുടെ കത്ത്!(അടിച്ചു മാറ്റിയത്!!!)!!!!

2011-12-01T12:04:00.012+03:00

-----------

"പ്രിയപ്പെട്ട ജയാ മാഡം .....

എന്ത് പറയണം

എങ്ങനെ പറയണം എന്നെനിക്കറിയില്ല...

നേരിട്ടുപറയാൻ ധൈര്യമില്ലാത്തതിനാലാണ് കത്തെഴുതുന്നത്...

ഞാന്‍ കോളേജില്‍ പഠിക്കുമ്പഴേ മാഡത്തിന്റെ വലിയ ഒരാരാധകനായിരുന്നു..

"അടിമൈപ്പെണ്ണ്''' "ആയിരത്തില്‍ ഒരുവന്‍" തുടങ്ങി മാഡം എം.ജി.ആറുമൊത്തഭിനയിച്ച സൂപ്പര്‍ ഹിറ്റ് പടങ്ങളൊക്കെ എത്ര തവണ ഞാന്‍ കണ്ടിരിക്കുന്നു!

ഭരണമില്ലാതെ വീട്ടില്‍ ചുമ്മാ ഇരിക്കുമ്പോ ഞാനതൊക്കെ ഓര്‍ത്ത് നെടുവീര്‍പ്പിടാറുണ്ട്.

-----------

തമിഴ് ചാനലില്‍ മാഡം വരുമ്പോള്‍ ഞാനിപ്പോഴും ശ്രദ്ധിക്കും..

ബലൂണ്‍ ഊതിവീര്‍പ്പിച്ച പോലുള്ള ആ മുഖവും ചക്ക പോലെ വടിവുള്ള

ആ മേനിയഴകും...ഹോ ! ഇപ്പോഴും മാഡത്തിന്റെ സൗന്ദര്യത്തിന് ഒരു കോട്ടവുമില്ല..

ആ തമന്നയും ഹാന്‍സികയും ശ്രേയാ ശരണുമൊക്കെ മാഡത്തിന്റെ സൗന്ദര്യത്തിന് മുന്നില്‍ ഒന്നുമല്ലല്ലോ എന്ന് അവരുടെ പടം വീണ്ടും വീണ്ടും കാണുമ്പോള്‍ ഞാനോര്‍ത്തു പോവാറുണ്ട്.

-----------

ആട്ടെ..മാഡം എന്ത് ക്രീമാണ് ഉപയോഗിക്കാറ്?

ഫയര്‍ ആന്റ് ലൗലി ആണോ..അതോ വീക്കോ ടെര്‍മറിക് ക്രീമോ..

എന്തായാലും മറുപടി അയക്കുമ്പോള്‍ ആ പേരു കൂടി ഒന്ന് എഴുതണം..മറക്കരുത്.പ്ലീസ്!

-----------

അയ്യോ പറയാന്‍ മറന്നു..

ഒരു ചെറിയ കാര്യമാണ്..ഉപേക്ഷ വരുത്തരുത്..

മാഡത്തിനു വിഷമമാവുകയും ചെയ്യരുത്..

-----------

നമ്മുടെ മുല്ലപ്പെരിയാറിന്റെ കാര്യമാണ്‍..

-----------

നദിയും അണക്കെട്ടും ഭൂമിയും ഒക്കെ ഞങ്ങളുടേതാണ് എന്നതൊക്കെ ശരി....

പക്ഷേ ഉപയോഗിക്കുന്നത് നിങ്ങളാണല്ലോ..

അപ്പോള്‍ തമിഴ് നാടിന്റെ കനിവും സമ്മതവും അനുഗ്രഹവും ആശീര്‍‌വാദവുമില്ലാതെ

ഞങ്ങള്‍ക്ക് അതിന്മേല്‍ ഒന്നും ചെയ്യാന്‍ കഴിയില്ലല്ലോ.

എന്തിനു അങ്ങനെ ചിന്തിക്കാന്‍ കൂടി പാടില്ലല്ലോ!!

-----------

നമ്മള്‍ നല്ല ബന്ധമാണല്ലോ ആഗ്രഹിക്കുന്നത്.

മാഡത്തിന്റെ ഏത് തീരുമാനവും അംഗീകരിക്കാന്‍ എത്ര തരം താഴാനും ഞങ്ങള്‍ക്ക്

സന്തോഷമേയുള്ളൂ..!

അതു കൊണ്ട് മാഡം ഞങ്ങള്‍ക്കായ് ഒരെളിയ മറുപടി തരാന്‍ കനിവുണ്ടാകണം..

ഞങ്ങള്‍ക്കു വിഷമമായാലും ഞങ്ങള്‍ സഹിച്ചു..

ഇവിടെ ഇതിന്റെ പേരില്‍ ഓരോ കൂത്തുകള്‍ അരങ്ങേറിക്കൊണ്ടിരിക്കുന്നുണ്ട്..

പക്ഷേ മാഡം ഇതൊന്നും കണ്ടും കേട്ടും വായിച്ചും വിഷമിക്കരുത്..

അതെനിക്ക് സഹിക്കില്ല..

-----------

തല്‍ക്കാലം കത്തു ചുരുക്കുന്നു.

-----------

എന്ന്

മാഡത്തിന്റെ ഒരാരാധകന്‍.

-----------

NB: പിന്നെ മറുപടിയില്‍ ആ ക്രീമിന്റെ പേര്‍ എഴുതാന്‍ മറക്കല്ലേ..!

-----------

(പുറത്ത് ഒരാരവം കേക്കുന്നു..

കര്‍ത്താവേ..അണക്കെട്ട് പൊട്ടിയോ എന്തോ.)

-------------------

<<ആശയം രാകേഷ് റോസിന്റെ ഒരു ഫേസ് ബുക്ക് പോസ്റ്റില്‍ നിന്നും വികസിപ്പിച്ചെടുത്തത്>>

പ്രധാനമന്ത്രിയുടെ ചര്‍ച്ച - അപൂര്‍‌വ്വ ദൃശ്യങ്ങള്‍ !( ഡാം - കാര്‍ട്ടൂണ്‍ പരമ്പര)

2011-11-30T10:27:00.003+03:00

((ചിത്രത്തില്‍ ക്ലിക്കിയാല്‍ വലുതായും വ്യക്തമായും കാണാം!))

--------------------------------------------------------------------------

കേരള സം‌സ്ഥാനം ഒട്ടാകെ അലയടിച്ചു കൊണ്ടിരിക്കുന്ന മുല്ലപ്പെരിയാര്‍ അണക്കെട്ട് വിവാദവുമായ് ബന്ധപ്പെട്ട് കേരള - തമിഴ് നാട് മുഖ്യ മന്ത്രിമാരുമായ് പ്രധാന മന്ത്രി നടത്തിയ അനുരഞ്ജന ചര്‍ച്ചയുടെ അപൂ‌വ്വ ദൃശ്യങ്ങളാണ്‍ ഇപ്പോള്‍ നിങ്ങള്‍ കണ്ടു കൊണ്ടിരിക്കുന്നത്.

എന്നാല്‍ നിര്‍‌ഭാഗ്യവശാല്‍ ഞങ്ങളുടെ ക്യാമറയുടെ വോയ്സ് റിക്കോര്‍ഡിംഗ് ഫങ്ഷന്‍ തകരാറിലായതിനാല്‍ ശബ്ദം പതിഞ്ഞിട്ടില്ലാത്തതിനാല്‍ ഖേദിക്കുന്നു.ആയതിനാല്‍ ഈ രംഗങ്ങള്‍ കണ്ട് അവര്‍ തമ്മിലുള്ള സംഭാഷണം എന്തായിരിക്കുമെന്ന് നിങ്ങള്‍ ആര്‍ക്കെങ്കിലും ഊഹിക്കാന്‍ കഴിയുന്നുവെങ്കില്‍ അത് കമന്റ് കോളത്തില്‍ എഴുതി ചേര്‍ക്കണമെന്ന് വിനീതമായ് അഭ്യര്‍ത്ഥിക്കുന്നു.

"നട്ടെല്ലുള്ളവര്‍ക്കായ് സമൂഹ മഷിയിട്ട് നോട്ടം!"ഡാം-കാര്‍ട്ടൂണ്‍ പരമ്പര

2011-11-29T10:42:00.006+03:00

((ചിത്രത്തില്‍ ക്ലിക്കിയാല്‍ വലുതായ് കാണാം))

-----------------------------------

കേരളം സംസ്ഥാനത്തിലെ പഴകി ദ്രവിച്ച് ഏത് നിമിഷവും ഒരു വന്‍ ദുരന്തത്തിനു വഴിവെച്ചേക്കാവുന്ന ഒരു ഡാമും അത് മൂലം ജീവന്‍ നഷ്ടപ്പെട്ടേക്കാവുന്ന മുപ്പത്തഞ്ച് ലക്ഷം ജനങ്ങള്‍ക്കും അവര്‍ക്കായ് കേഴുന്ന കേരളത്തിലെ മുഴുവന്‍ സാധാരണക്കാര്‍ക്കും വേണ്ടി ശബ്ദ്മുയര്‍ത്താനും പിന്തുണ പ്രഖ്യാപിക്കുവാനും

കേരള മണ്ണിനോട് അല്പമെങ്കിലും കൂറും സ്നേഹവും ഒപ്പം നല്ല ചങ്കുറപ്പും ആത്മധൈര്യവും ഉള്ളവരും

തമിഴന്റെ കാലു നക്കാത്തവരും അണ്ണാച്ചിയെ കാണുമ്പോള്‍ ഉടുതുണിയില്‍ മൂത്രമൊഴിക്കാത്തവരും വളയാത്ത നട്ടെല്ലുള്ളവരും സര്‍‌വ്വോപരി ഷണ്ഡന്മാരുമല്ലാത്ത രാഷ്ട്രീയപ്രവര്‍ത്തകര്‍,സാംസ്ക്കാരിക നായകന്മാര്‍, മനുഷ്യാവകാശപ്രവര്‍ത്തകര്‍, നാഴികക്ക് നാല്പ്പതുവട്ടം രാജ്യസ്നേഹവും ദേശക്കൂറും നീതിയും ധര്‍മ്മവും ഘോരഘോരം വെള്ളിത്തിരയില്‍ അലറിവിളിച്ചട്ടഹസിക്കുന്ന സൂപ്പര്‍- സിനിമാതാരങ്ങള്‍ തുടങ്ങി സമൂഹത്തിലെ അറിയപ്പെടുന്ന മേഖലകളില്‍ പ്രവര്‍ത്തിക്കുന്ന ഏതെങ്കിലും വ്യക്തികള്‍ ഇന്ന് കേരളത്തില്‍ അവശേഷിക്കുന്നുണ്ടോ എന്നറിയാനായ് ഒരവസാന ശ്രമമെന്ന നിലയില്‍ പ്രശസ്ത മഷിനോട്ട വിദഗ്ദ്ധരുടെ ഒരു സമൂഹ മഷിയിട്ട് നോക്കല്‍ സംഘടിപ്പിക്കുന്നു.

പങ്കെടുക്കുക-വിജയിപ്പിക്കുക!

സ്ഥലം : മുല്ലപ്പെരിയാര്‍ അണക്കെട്ടിനു സമീപം.

സംഘടിപ്പിക്കുന്നത് : ജീവനു വേണ്ടി കേഴുന്ന മുപ്പത്തഞ്ച് ലക്ഷം ജനങ്ങള്‍.

"പോത്തുകള്‍ !" ഡാം കാര്‍ട്ടൂണ്‍ പരമ്പര

2011-11-27T23:21:00.001+03:00

-----------

അര്‍ത്ഥ ഗര്‍ഭമായ മൗനം കടിച്ചമര്‍ത്തി വോട്ട് തന്നവന്റെനിലവിളിക്കുമുമ്പില്‍

കപടമായ, ഭീരുത്വം നിറഞ്ഞ നിഷ്പക്ഷതകൊട്ടിഘോഷിക്കുന്ന ചീഞ്ഞളിഞ്ഞ

വാക്കുകള്‍ ചര്‍ദ്ദില്‍കണക്കെ കേഴുന്നവന്റെ മുഖത്തേക്ക് തുപ്പുന്ന ഭരണാധിപന്‍മാരും

പുല്ലിനും പല്ലിനും പ്രായത്തിനും വെപ്പാട്ടിക്കും വെപ്പ് മുടിക്കും വരെ മാധ്യമങ്ങള്‍ക്കു മുമ്പില്‍

കുട്ടിക്കുരങ്ങന്റെ മറിമായങ്ങളും സര്‍ക്കസ്സും കാട്ടുന്ന സംസ്ക്കാര ശൂന്യരായ സാംസ്കാരിക മേലാളന്മാരും അണ്ണന്മാരുടെ നാട്ടില്‍ മണിമാളികയും ബിനാമിയും തീര്‍ത്ത് കോടികള്‍സമ്പാദിച്ച്

അവന്റെ കാലുനക്കിയും അവന്റെ മുന്‍പില്‍ സാഷ്ടാംഗം പ്രണമിച്ച് സം‌പ്രീതി നേടിയും

ഇപ്പോള്‍ മൗന വാല്‍മീകത്തില്‍ തപസ്സിരിക്കുന്ന താര രാജാക്കന്മാരും ഒരു ഭീകര ദുരന്തത്തിനു നേരെ

കണ്ണടക്കുമ്പോള്‍ മുപ്പതു ലക്ഷത്തിന്റെശവമാടം കാണാന്‍ കെല്പ്പില്ലാതെ..ഈ മലയാളക്കരയാകെ

ആര്‍ത്തലച്ചു കരയുകയാണിപ്പോള്‍ .....

-----------

നമുക്ക് വേണ്ടി പോരാടാന്‍ നിക്കാതെ നിഷ്പക്ഷതയും നിസ്സഹായതയും പറയുന്ന

ശണ്ഡന്മാരും ശപ്പന്മാരും നെറികെട്ടവരും ഉളുപ്പില്ലാത്തവരുമായ ഒരു പറ്റം പോത്തുകളെ

കയറ്റിയയച്ചതില്‍ നിരാലംബ കേരളമേ...

ഇനിയെങ്കിലും നീ ലജ്ജിക്കുക! ലജ്ജിക്കുക!! ലജ്ജിക്കുക!!!

-----------

"Save Our Chair!!"

2011-11-27T09:21:00.006+03:00

((ചിത്രത്തില്‍ ക്ലിക്കിയാല്‍ വലുതായ് കാണാം))

--------

"അണക്കെട്ട് പൊട്ടിയാല്‍ ...!"

2011-11-25T23:57:00.002+03:00

-------

കഴിഞ്ഞ പോസ്റ്റില്‍ഞാന്‍ വരച്ച കാര്‍ട്ടൂണിനു നിങ്ങള്‍ തന്ന അകമഴിഞ്ഞ പ്രോല്‍സാഹനത്തിനു നന്ദി.

ഒപ്പം ഫേസ് ബുക്കിലൂടെ ഒട്ടനവധി പേര്‍ അത് ഷയര്‍ ചെയ്യുകയും അഭിനന്ദനറിയിക്കുകയും ചെയ്തു.

എല്ലാവരോടും എന്റെ സ്നേഹാദരവ് അറിയിക്കുന്നതോടൊപ്പം എന്റെപുതിയ കാര്‍ട്ടൂണ്‍ ഞാന്‍ അവതരിപ്പിക്കുന്നു.

അഭിപ്രായങ്ങള്‍ അറിയിക്കുമല്ലോ...

-------

((ചിത്രത്തില്‍ ക്ലിക്കിയാല്‍ വലുതായും വ്യക്തമായും കാണാം!))-------

-------

"അപ്പം ഇദ്ദാണ് മലയാളി!"

2011-11-22T00:43:00.004+03:00

------

ഒത്തിരി നാളത്തെ ഇടവേളക്ക് ശേഷം എന്റെ ഒരു പോസ്റ്റ്..

പറഞ്ഞ് പഴകിയ വിഷയമായതിനാല്‍

അക്ഷരങ്ങള്‍ക്ക് പകരം എന്റെ ചിന്തകള്‍ക്ക് ഞാന്‍ രേഖാരൂപം നല്‍കുന്നു...

പ്രിയപ്പെട്ട വായനക്കാരുടെ അഭിപ്രായങ്ങള്‍ എഴുതുമല്ലോ..

------

(ചിത്രത്തില്‍ ക്ലിക്കിയാല്‍ വലുതായും വ്യക്തമായും കാണാം!)

------

ഇസ്മായില്‍ കുറുമ്പടി (തണല്‍) വക ഒരു അടിക്കുറിപ്പ് :

'മകള്‍ക്ക് പ്രസവ വേദന, അമ്മക്ക് വീണവായന'

"കണ്ണൂര്‍ ബ്ലോഗ്ഗ് മീറ്റ്- എന്റെ ക്യാമറക്കണ്ണിലൂടെ.."

2011-09-13T14:28:00.022+03:00

അങ്ങനെ കണ്ണൂര്‍ മീറ്റും കഴിഞ്ഞു..

മാസങ്ങള്‍ക്കുമുമ്പേ നെറ്റിലൂടെയെങ്ങും കൊട്ടിഘോഷിച്ച് അരങ്ങേറിയ ഈ മീറ്റ് പ്രതീക്ഷിച്ച പോലെ ഒരു വന്‍ വിജയമായോ എന്ന് സംശയിക്കുമ്പോള്‍ അതിനു കാര്യ കാരണങ്ങള്‍ എന്തൊക്കെയാണങ്കിലും അത് ഈ മീറ്റിനെത്തിച്ചേരാനാകാതെ പോയ മുഴുവന്‍ ആളുകളുടേയും

കൂട്ടുത്തരവാദിത്വമല്ലാതെ ഇതിന്റെ സംഘാടകരെ പഴി ചാരുന്നതില്‍ അര്‍ത്ഥമില്ല എന്നാണ് എന്റെ അഭിപ്രായം.

പങ്കെടുത്ത..പരിചയപ്പെട്ട എല്ലാവരോടും

ഒരു വിടപറച്ചിലിന്നിടം നല്‍കാതെ അവിടെ നിന്നും തിരികെ വരേണ്ടി വന്നതിനാല്‍

ഈ അവസരം അതിനു കൂടിയുള്ള വേദിയാക്കുന്നു.

മീറ്റിനെക്കുറിച്ച് ഇതിനകം പലരും പോസ്റ്റിട്ടതിനാല്‍ അതിന്റെ ലിങ്ക് ഇവിടെ ചേര്‍ത്ത് ഞാന്‍

എന്റെ ജോലി ഭാരം കുറക്കുന്നു.

http://rkdrtirur.blogspot.com/2011/09/blog-post_11.html

http://rejipvm.blogspot.com/2011/09/blog-post_12.html

http://vidhuchoprascolumn.blogspot.com/2011/09/blog-post_12.html

http://ponmalakkaran.blogspot.com/2011/09/blog-post.html

http://viswamanavikamvayanasala.blogspot.com/2011/09/blog-post_13.html

http://commentjar.blogspot.com/2011/09/blog-post.html

ഒത്തിരിപേരെ പരിചയപ്പെടാന്‍ അവസരമൊരുക്കിയ കണ്ണൂര്‍ മീറ്റിന്റെ സംഘാടകരെ അഭിനന്ദനവും നന്ദിയും അറിയിക്കുന്നതോടൊപ്പം ഈ മീറ്റ് എന്തുകൊണ്ട് എനിക്ക് മറക്കാനാവാത്ത അനുഭവമായി എന്ന് കൂടി പറയട്ടെ...

(( കണ്ണൂര്‍ മീറ്റ് മറക്കാനാവാത്തതിന്റെ കാരണം...?

കവല തോറും രക്ത സാക്ഷി മണ്ഡപങ്ങള്‍ കെട്ടാനും വഴിനീളെ കൊടിതോരണങ്ങളും ഇളിച്ചു കാട്ടി നില്‍ക്കുന്ന നെടുങ്കന്‍ ഫ്ലെക്സ് ബോര്‍ഡുകള്‍ നാട്ടാനും കൊല്ലും കൊലയിലൂടെ രക്ത സാക്ഷികളെ സൃഷ്ടിക്കാന്‍ നെട്ടോട്ട മോടുന്ന രാഷ്ട്രീയ പാര്‍ട്ടിക്കാര്‍ മറന്നു പോയ ഒരു ചെറിയ കാര്യം...

സ്വന്തം നഗരത്തിന്റെ റോഡുകളുടെ അവസ്ഥ!))

മാജിക്ക് വിദ്യ പഠിപ്പിക്കാമെന്ന് പറഞ്ഞ് ബ്ലോഗ്ഗിണിമാരെ കയ്യിലെടുക്കുന്ന ബിലാത്തിപ്പട്ടണം

കുമാരന്‍ഷീബശ്രീജിത് കൊണ്ടോട്ടി

"മതി..ഫ്ലാഷ് തട്ടിയെന്റെ മുഖം തേഞ്ഞുപോയി!"

അവിവാഹിതനായ ബ്ലോഗ്ഗര്‍ ശ്രീജിത്ത് കുണ്ടോട്ടിയെ ഫോട്ടോഗ്രാഫര്‍മാര്‍ ക്യാമറയുമായ് ആക്രമിക്കുന്നു.

സമീര്‍ തിക്കൊടിഡോ.മുഹമ്മദ്‌ കോയ - ഹരിതകം. മിനിട്ടീച്ചര്‍ മുക്താര്‍ ഉദരംപൊയില്‍ഹംസ ആലുങ്ങല്‍ പട്ടേപ്പാടം റാംജി സന്ദീപ്‌.എ.കെ. - പുകക്കണ്ണട അഡ്വ. സമദ്‌.റെജി പുത്തന്‍പുരക്കല്‍മേല്പ്പത്തൂരാന്‍ ലീല ചന്ദ്രന്‍

ചിത്രകാരനും വരക്കാരനും - ചിത്രം അഫ്സല്‍ കെ.

ബിന്‍സി

ചിത്രകാരന്‍! ഇതാണ് ചിത്രകാരന്‍!!

നൌഷാദ് വടക്കേല്‍നാമൂസ്‌മഹേഷ്‌ വിജയന്‍പൊന്മളക്കാരന്‍ജനാര്‍ദ്ധനന്‍ മാഷ്‌

ബിലാത്തിപ്പട്ടണം അരങ്ങ് കയ്യിലെടുക്കാന്‍ അതി വിദഗ്ധന്‍ എന്ന് തെളിയിച്ചു.

ബിലാത്തിപ്പട്ടണം താന്‍ എങ്ങനെയാണ് വെള്ളക്കാരെ പറ്റിച്ച് കാശുണ്ടാക്കുന്നത് എന്ന് വിശദീകരിക്കുന്നു.

(മുരളിയേട്ടന്റെ ചെപ്പടിവിദ്യകള്‍)

മീറ്റിലെ പയ്യന്‍സസ്! പത്രക്കാരനും വാല്യക്കാരനും!

ബിജു കോട്ടില

ഇ.എ.സജിം തട്ടത്തുമല,നൗഷാദ് വടക്കേല്‍,ശ്രീജിത്ത് കൊണ്ടോട്ടി

നാമൂസ്

ഹോട്ടലില്‍ വെള്ളം കോരിക്കൊടുത്ത് ബസ്സ് കാശ് ഒപ്പിക്കുന്ന സലീമും നൗഷാദ് വടക്കേലും

മീറ്റിനെ മറക്കാനാവാത്ത ഒരനുഭവമാക്കി മാറ്റിയ കൂട്ടായ്മ..

നന്ദി...ദീര്‍ഘവും ദുര്‍ഘടവുമായ ഒരു യാത്രയിലൂടെ കണ്ണൂര്‍മീറ്റിനു എനിക്ക് സഹയാത്രികരായ എന്റെ കൂട്ടുകാര്‍ക്ക്..മുജീബ്,അഫ്സല്‍, ബാപ്പുട്ടി.

(കൂടുതല്‍ ചിത്രങ്ങള്‍ അപ്ഡേറ്റ് ചെയ്യുമ്പോള്‍ നല്‍കാമെന്ന് കരുതുന്നു. ഒപ്പം തങ്ങളുടെ ചിത്രങ്ങള്‍ ആവശ്യമുള്ള ബ്ലോഗ്ഗര്‍മാര്‍ ഈ മെയില്‍ ഇവിടെ നല്‍കിയാല്‍ അ
യച്ചു തരുന്നതായിരിക്കും.) <<ജിദ്ദയില്‍ നടന്ന ബ്ലോഗ്ഗ് മീറ്റിലെ അനുഭവങ്ങളും ചിത്രങ്ങളും ഇവിടെ കാണാം>>

"ഹരിതഭംഗിയില്‍ മുങ്ങിയ ഈദാശംസകള്‍!"

2011-08-30T05:54:00.003+03:00

-------

പ്രിയപ്പെട്ട എന്റെ സ്നേഹിതരേ...

-------

എന്റെ മലനാട് ഇത്രമേല്‍ സുന്ദരിയായ് ഞാനൊരിക്കലും കണ്ടില്ലല്ലോ എന്ന് ഞാനല്‍ഭുതപ്പെടുകയാണ്...

-------

വല്ലപ്പോഴും അനുവദിച്ചുകിട്ടുന്ന അവധിനാളുകള്‍ ഉഷ്ണ തീവ്രതയില്‍ ഉണങ്ങിയ മരങ്ങളും ചെടികളും

നീരൊഴുക്കില്ലാത്ത ചോലകളുമായിരുന്നു മിക്കപ്പോഴും എന്നെ വരവേറ്റിരുന്നത്..

എന്നാല്‍ ഇത്തവണ പുലര്‍ച്ചെ ഇളം മഞ്ഞിന്‍ നേര്‍ത്ത പാടയും കുളിരും മധുര മഴയും കാര്‍മേഘചിത്രങ്ങളാല്‍ അലംകൃതമായ ഗഗനവും സര്‍‌വ്വോപരി എങ്ങും നുരഞ്ഞു പൊങ്ങി സമൃദ്ധമായ കണ്ണിനാനന്ദാനുഭൂതിയേകുന്ന പച്ച വര്‍ണ്ണവുമാണ് എന്നെ എതിരേറ്റത്..

-------

ഒരോ പ്രഭാതവും എന്നെ എത്ര ആഹ്ലാദ ഭരിതമായ് തൊട്ടുണര്‍ത്തുന്നു എന്ന് പറഞ്ഞറിയിക്ക വയ്യ..

ഞാനൊരു പ്രവാസിയാണെന്ന് ഞാന്‍ മറന്ന് പോവുന്നു..

കണ്ട് മടുത്ത മരുഭൂമിയും പാറക്കെട്ടുകളും പച്ചയുടെ തരിപോലും കണികാണാനാവാത്ത തരിശു ഭൂമിയുടേയും ഓര്‍മ്മകളെ ഞാന്‍ കൈവിട്ടിരിക്കുന്നു...

-------

എന്റെ കണ്ണിലും കരളിലും ക്യാമറയിലും ഇപ്പോള്‍ എന്റെ നാടിന്റെ നനവൂറുന്ന പച്ച മാത്രമാണ്..

ഞാനിപ്പോള്‍ എന്റെ നാടിന്റെ ഹരിതഭംഗി നുണയുകയാണ്..

ഒരു ലഹരി പോലെ ആസ്വദിക്കുകയാണ്...

-------

നിങ്ങള്‍ക്കും ഞാന്‍ എന്റെ പച്ചയുടെ നന്മയും വിശുദ്ധിയും തുളുമ്പുന്ന ദിനങ്ങളാശംസിക്കുന്നു..

-------

ഒപ്പം സന്തോഷപ്രദമായ ഈദുല്‍ ഫിത്തര്‍ ദിനങ്ങളും ആശംസിക്കുന്നു.....

-------

"സന്തോഷ് പാണ്ടി കോടതിയില്‍ !*"

2011-08-08T22:01:00.009+03:00

---------

(*ഈ കഥയും കഥാ പാത്രങ്ങളും തികച്ചും യാഥാര്‍ത്ഥ്യമാണ്.. ഇതിലെ സംഭവങ്ങള്‍ ഒക്കെ ആക്ച്ചൊലി നടന്നതുമാണ്‍.. ഇനി അഥവാ ഇതൊക്കെ വെറും കെട്ടുകഥയാണ് എന്ന് ആര്‍ക്കെങ്കിലും പരാതിയുണ്ടെങ്കില്‍ ഇപ്പഴേ പറയാം ഞാന്‍ പോയ് നിങ്ങളെ പേരില്‍ കേസു കൊടുക്കും..പിന്നെ ഗണഗുണാസ് പറയരുത്..അല്ല പിന്നെ..!)

---------

(ഈ കഥ നടക്കുന്നത് ബൂലോകം വലിയ ബ്ലോഗ്ഗര്‍ത്തമ്പുരാന്റെ രാജകൊട്ടാരത്തിലാണ്‍...

ഒരു കൊട്ടാര സദസ്സ് എന്നൊക്കെ പറയുമ്പോ എന്തൊക്കെ കാണും എന്ന് ഞാനെഴുതി പോസ്റ്റ് നീട്ടേണ്ട കാര്യമില്ല...അതൊക്കെ നിങ്ങളുടെ ഭാവനയില്‍ ഉള്ള പോലെ തന്നെ അവിടുണ്ട്..

നമുക്ക് കഥയിലേക്ക് വരാം..ചുമ്മാ സമയം കളയേണ്ടല്ലോ..!)

---------

-ചക്രവര്‍ത്തി തിരുനമസ്സ് എഴുന്നള്ളുന്നു-

---------

"ആരെവിടെ?"

---------

"ഞാനിവിടെ!, ഇവിടെ ഞാന്‍ മാത്രമേ ഉള്ളൂ പ്രഭോ!"

---------

" ഹെന്ത്?? എവിടെ നമ്മുടെ രാജ ഗുരു? മന്ത്രിപുംഗവന്മാര്‍? അന്തപ്പുര റാണിമാര്‍ ??

സിനിമാറ്റിക് ഡാന്‍സര്‍മാര്‍??"

---------

"മഹാരാജന്‍..അങ്ങ് പൊറുക്കണം.."

---------

"ഈ തോന്നിക്കര പഞ്ചായത്തിലെ ഓരോ അരിമണിയും പെറുക്കുന്ന കാര്യമാണോ മന്ത്രീ ഉദ്ദേശിച്ചത്..?"

---------

"അതല്ല മഹാരാജന്‍..."

---------

" പിന്നെ ? "

---------

"മഹാരാജന്‍ ക്ഷമിക്കണം..

അങ്ങയുടെ ഈ ബ്ലോഗ്ഗ് കൊട്ടാരത്തിലേക്ക് ഒരീച്ച പോലും ഇന്നെത്തി നോക്കിയില്ല.."

---------

"...ഹെന്ത്?? നാമെന്താണീകേള്‍ക്കുന്നത്..?

നമ്മുടെ പ്രജകള്‍ക്കിത് എന്തു പറ്റീ??

---------

""സത്യമാണ്‍ പ്രഭോ!"

---------

"ഞാനവര്‍ക്ക് അന്നവും വെള്ളവും എത്തിക്കുന്നില്ലെങ്കിലും ഇന്റര്‍നെറ്റ് ഫ്രീ ആക്കിയില്ലേ..

എന്റെ ബ്ലോഗ്ഗില്‍ കൂടുതല്‍ കമന്റ് ഇടുന്നവനു പാരിതോഷികം പ്രഖ്യാപിച്ചില്ലേ..ബെസ്റ്റ് കമന്റര്‍ക്ക് പൊന്‍പട്ടും പൊന്‍വളയും ഇനാമായി പ്രഖ്യാപിച്ചില്ലേ..

എന്നിട്ടും നമ്മുടെ ബ്ലോഗ്ഗിലേക്ക് ഒരീച്ച പോലും വരുന്നില്ലെന്ന്!..

ഹും! കഴമ്പില്ലാത്ത പ്രണയ കവിത എഴുതുന്ന അരുമ മകള്‍ ബ്ലോഗ്ഗിണി കുമാരിക്ക് മിനുട്ട് വെച്ച് നൂറു നൂറു കമന്റും ഫോളോവേഴ്സും...!കലികാല ബ്ലോഗ്ഗിംഗ്!..അല്ലാതെന്തു പറയാനാ..ഇങ്ങനെ പോയാല്‍ ഈ വായനക്കാര്‍ക്കിടയില്‍ ഞാനെന്നൊരു പുലിയാകും എന്റെ ഭഗവതീ!"!"

---------

"മഹാരാജന്‍ ഞാന്‍ അങ്ങയെ കുറ്റം പറയുകയാണെന്ന് ധരിക്കരുത്..

അവരെപ്പറഞ്ഞിട്ട് കാര്യമില്ല..മഹാരാജനടക്കം എത്ര പേര്‍ ഈ ബ്ലോഗ്ഗിലും ഫേസ്ബുക്കിലുമായ് കൊല്ലങ്ങളായ് കയില് കുത്തുന്നു..

അപ്പഴുമിപ്പഴും നാലു ഒണക്ക കമന്റ് കിട്ടിയെന്നല്ലാതെ ഒരു ഈച്ച പോലും അങ്ങയെ തിരിച്ചറിഞ്ഞില്ല...

അങ്ങയുടെ ഈ കോഞ്ഞാട്ട ബ്ലോഗ്ഗ് അംഗരഹിതവും കമന്റ് ശൂന്യവും ആയിക്കിടക്കാന്‍ തുടങ്ങിയിട്ട് നാളേറെയായ്...

ഭവാനു ഈ പണി നിര്‍ത്തി കപ്പക്ക് മൂടു മാന്താന്‍ നടന്നൂടേ എന്ന് പോലും ഒരു അനോണി ഈയ്യിടെ കമന്റിടുക പോലുമുണ്ടായ്..."

---------

" ങേഹ്! ധിക്കാരീ.. അധികപ്രസംഗീ...തിരുവായക്കെതിര്‍‌ വായയോ!

നിന്നെ നാം നമ്മുടെ മുതലക്കുഞ്ഞുങ്ങള്‍ക്കിട്ട് കൊടുക്കുന്നുണ്ട്..!"

---------

"തന്നെ തന്നെ..മുതലക്കുഞ്ഞുങ്ങള്‍ക്കു പകരം ഒരു പല്ലിക്കുഞ്ഞു പോലും അവിടെയില്ല മഹാരാജന്‍!"

---------

"എടോ മി. മന്ത്രി പുംഗവാ....കവലച്ചട്ടമ്പി മൂത്താ ഞാന്‍ ബ്ലോഗ്ഗറായത്..യൂ ആള്വൈസ് റിമംബര്‍ ദാറ്റ്..! "

---------

"അറിയാം പ്രഭോ..നാലണക്ക് കൊള്ളാത്ത കന്മ്ന്റുമായ് ബ്ലോഗ്ഗിലും ഫേസ്ബുക്കിലും ഓര്‍ക്കൂട്ടിന്റെ വാതുക്കലും തെണ്ടി നടന്നിരുന്ന ഒരു കാലമുണ്ടായിരുന്നു അങ്ങേക്ക്...ഫേക്ക് ഐഡി വെച്ചും അനോണിയായും നിങ്ങള്‍ ചെയ്തുകൂട്ടിയ വൃത്തികേടുകള്‍..പ്രകോപനപരമായ കമന്റുകള്‍ .. ഭീഷണി മെയിലുകള്‍...ഒടുവില്‍ ബ്ലോഗ്ഗിലേക്ക് ആളുകേറാന്‍ നെറികെട്ട കളിവരെ.........."

---------

"മതി മതി..നിര്‍ത്തെടോ. നീയെന്താ സുരേഷ് ഗോപിക്ക് പഠിക്കുന്നോ..

ഞാനൊരു തമാശ പറേമ്പഴേക്കും കേറിയങ്ങ് സീരിയസാവുന്നത്..!!

ഇങ്ങനെ പോയാല്‍ എന്റെ ഫ്ലാഷ്ബാക്കൊക്കെ താന്‍ ഫേസ്ബുക്ക് സ്റ്റാറ്റ്സ് അപ്ഡേറ്റാക്കി മാലോകരെ അറിയിക്കും..കൊച്ചു കള്ളന്‍!...

കത്തിയെടുത്ത് പള്ളക്കിട്ടൊരു കീറ് വെച്ചു തരും ഞാന്‍..അല്ല പിന്നെ!"

---------

" ഇല്ല മഹാരാജന്‍...ഞാനിപ്പോള്‍ എല്ലാം (അന്തപ്പുര ഭാഗത്തേക്ക് ഒളികണ്ണിട്ട് നോക്കി) - എല്ലാം - നിര്‍ത്തി...ഐ വില്‍ ബീ ആള്വൈസ് ഹോണസ്റ്റ് വിത്ത് യൂ "

---------

"ഓ..നിന്റെ ഇംഗ്ലീഷ് കേട്ടപ്പഴാ ഓര്‍ത്തത്..രാജപ്പന്‍ കുമാരനോട് ഇവിടെ ഹാജരാവാന്‍ പറയൂ..."

---------

രാജപ്പന്‍ ആഗതനാവുന്നു.

---------

"അങ്കിള്‍..ഞാനവിടെ ക്യാമറ..ആക്ഷന്‍..കട്ട് പറഞ്ഞ് പഠിക്കുകയായിരുന്നു.."

---------

"അതെന്തിനാ കുമാരാ.."

---------

" അങ്കിള്‍..എനിക്കൊരു പടം ചെയ്യണമെന്നുണ്ട്..."

---------

"ഇനി അതും കൂടെ വേണോ കുമാരാ..

ആവശ്യത്തിലധികം നീയിപ്പഴേ പൊതുജനത്തെ വെറുപ്പിച്ചിട്ടുണ്ടല്ലോ..

ദ മോസ്റ്റ് അണ്‌വാണ്ടഡ് മലയാളീസില്‍ നിന്റെ പേരാ ആദ്യം! ഓര്‍മ്മ വേണമത്.. "

---------

"ഈ പന്ന മലയാളമാര്‍ക്കുവേണം അങ്കിള്‍..

ഐ വില്‍ ഡൂ ഇറ്റ് ഇന്‍ ഹോളിവുഡ് ..

ഞാന്‍ ഇന്നലെ ഹോളിവുഡ് ഡയറക്റ്റര്‍ വണ്‍ മി. സ്റ്റീവണ്‍ സ്പീല്‍ബെര്‍ഗ്ഗുമായി ഡിസ്ക്കസ് ചെയ്തിരുന്നു..

അവരൊക്കെ എന്റെ അഭിപ്രായം കൂടെ അറിഞ്ഞേ ഒരു ഷോട്ട് പോലും എടുക്കൂ എന്നുറപ്പ് തന്നിട്ടുണ്ട്..."

---------

" നമ്മോടെടെങ്കിലും ഈ ഉഡായിപ്പ് വര്‍ത്തമാനം നിര്‍ത്തിക്കൂടേ കുമാരാ..?"

---------

" അങ്കിള്‍.. അങ്ങ് ഒരുമാതിരി ബോണ്‍ ജ്രിട്ടാസ് കണക്ക് തറ ചോദ്യം എന്നോട് ചോദിക്കരുത്..!

---------

"പരിഭവം വേണ്ടാ..വാളുവെക്കുന്ന കണക്കും അപ്പിയിടുന്ന കണക്കും ചോദിക്കാന്‍ നാം അത്ര ചീപ്പല്ല.."

---------

"അവിടുന്നിനോടെന്നോട് എന്തും ചോദിക്കാം..എല്ലാത്തിനും യെസ് ഓര്‍ നോ എന്ന ഉത്തരം റെഡിയായിരിക്കും...പോരെ.."

---------

"ഒറ്റ ചോദ്യം..നീ ഇപ്പോ അഭിനയ സാമ്രാജ്യം ഒക്കെ കീഴടക്കി ഇനി സം‌വിധാനം ചെയ്യാന്‍ പോകുകയാണ് എന്ന് പറഞ്ഞുവല്ലോ...

നിന്റെ കയ്യിലിരിക്കുന്ന ക്യാമറ ഓണ്‍ ചെയ്യുന്ന സ്വിച്ച് എവിടാന്നു പ്റയാമോ കുമാരാ.."

---------

" The movie camera is a type of photographic camera which takes a rapid sequence of photographs on strips of film which was very popular for private use in the last century until its successor............."

---------

"കുമാരാ..നിര്‍ത്തൂ...ഞാന്‍ സ്വിച്ച് എവിടാന്നാ ചോദിച്ചത്.."

---------

"ഒരു മിനുട്ട്...ഞാന്‍ മമ്മിയോടൊന്ന് ചോദിക്കട്ടേ..അല്ലേ വേണ്ടാ സുപ്രുവിനോട് ചോദിക്കാം..സുപ്രൂ...സുപ്രൂ........!!!"

---------

" ഹും..കുമാരന്‍ അന്തപ്പുരത്തിലേക്ക് ഓടിമറഞ്ഞല്ലോ..!"

---------

************************************************************

---------

"...മന്ത്രി പുംഗവാ..അംഗരാജ്യങ്ങളില്‍ നിന്നുള്ള അപ്ഡേറ്റ് സ്റ്റാറ്റസ് ഒന്നും കിട്ടിയില്ലല്ലോ..

ട്വിറ്റര്‍ ട്വീറ്റുകളും കാണുന്നില്ല...

നാമൊരു പോസ്റ്റെഴുതിയിട്ട് നല്ല നാലു കമന്റ്പോലും വന്നില്ലല്ലോ.."

---------

" അങ്ങ് പൊറുക്കണം..

ഈ വാര്‍ത്ത അങ്ങേക്ക് താങ്ങാന്‍ ശക്തിയുണ്ടാവുമോ എന്ന ഭയത്താല്‍ അടിയന്‍ പറയാന്‍ മടിച്ചതാണ്..

അംഗരാജ്യങ്ങളിലുള്ള സകല നാട്ട് രാജാക്കന്മാരും മന്ത്രിമാരും പ്രജകളും ഇപ്പോള്‍ ഉല്‍സവ ലഹരിയിലാണ്‍..

കൊട്ടാരം കവികള്‍ കവിതയെഴുതുന്ന തിരക്കില്‍ ..

ബ്ലോഗ്ഗര്‍മാര്‍ പോസ്റ്റിടുന്ന തിരക്കില്‍ ..

വലിയ കോയിക്കല്‍ ബെര്‍ളിത്തമ്പുരാന്‍ വരെ നാലും അഞ്ചും പോസ്റ്റിട്ടു ഈ വിഷയത്തില്‍..

ഒപ്പം ഫേസ്ബുക്കിലാവട്ടെ എണ്ണമില്ലാത്ത ഫാന്‍സ് ഗ്രൂപ്പുകളും ഫാന്‍പേജുകളും!

രാജവീഥി നീളെ ഫ്ലെക്സ് ബോര്‍ഡുകള്‍...ബാനറുകള്‍ പോസ്റ്ററുകള്‍...

കൊടിതോരണങ്ങളും..എവിടേയും ആര്‍പ്പുവിളികളും ര്‍റോ വിളികളും.....

എങ്ങും ഉല്‍സവപ്രതീതി തന്നെ പ്രഭോ..

പ്രജകളിത്രകാലവും ഇത്രമേല്‍ ആഹ്ലാദ ഭരിതരായിട്ടില്ല..!!!"

---------

"ഹോ നമുക്ക് ഇത് കേട്ടിട്ടേ കുളിര്‍ കോരുന്നു...

ഇത്രമേല്‍ നമ്മുടെ ജനപ്രീതിയുയരാന്‍ എന്താവും റീസന്‍സ്..?

---------

അച്ചുമ്മാമനെ കളിയാക്കിയുള്ള പതിവു രാഷ്ട്രീയാവലോകന പോസ്റ്റ് വായിച്ചിട്ടോ..

അതോ നമ്മുടെ സദാചാര പ്രഖ്യാപന പോസ്റ്റ് വായിച്ചിട്ടോ..

ബ്ലോഗ്ഗിലെ പുതിയ ആധുനിക കവിത?

ഹാര്‍ട്ട് ബ്രോക്കണ്‍ ചെറുകഥ ??

അനോണി ഇന്റ്റര്‍‌വ്യൂ??

അതൊന്നുമല്ല നമ്മുടെ ഏതെങ്കിലും കിടിലന്‍ നര്‍മ്മം വായിച്ചിട്ടാണോ..

വേഗം പറയൂ മന്ത്രിപുംഗവാ..എനിക്കതറിയാന്‍ തിടുക്കമായ് !!"

---------

" തേങ്ങാക്കൊല! അങ്ങ് ബ്ലോഗ്ഗിംഗ് തുടങ്ങിയതില്‍ പിന്നാ മലയാളം ബൂലോകം ഇത്ര ചീഞ്ഞു നാറാന്‍ തുടങ്ങിയത് എന്നാണ് അനോണിമാര്‍ ഇവിടെ വന്ന് കമന്റാറുള്ളത് എന്ന് അങ്ങ് മറന്നു പോവുന്നു ബ്ലൂലോഗത്തമ്പുരാന്‍!"

---------

" മൈന്റ് യുവര്‍ വേര്‍ഡ്സ്...ഒരു മാതിരി രാജപ്പന്‍ സ്റ്റൈലില്‍ എന്നോട് സംസാരിക്കരുത്..

പറയൂ.. നമ്മുടെ പ്രജകള്‍ ഇത്രമേല്‍സന്തോഷിക്കാന്‍ എന്താണു കാരണം ?

---------

"പറയാം തിരുമനസ്സേ..

എല്ലാത്തിനും കാരണം ആ സന്തോഷ് പാണ്ടിയാണ്.."

---------

"സന്തോഷ് പാണ്ടി!!..

ഹാരാണയാള്‍ !..

ഡെലിറ്റ് ചെയ്ത പഴയ ഡാറ്റകള്‍ പെറുക്കാന്‍ വരുന്ന ആ മാരിമുത്തുവിന്റെ മകനാണോ അത്?..."

---------

"അല്ല പ്രഭോ..!"

---------

"നമുക്ക് പാരയാകാന്‍ സാധ്യതയുള്ള പുതിയ ബ്ലോഗ്ഗര്‍ ??"

---------

"അതുമല്ല പ്രഭോ..!"

---------

"നമ്മുടെ പുറമ്പോക്ക് ജാനുവിന്റെ ആരെങ്കിലുമാണോ....

അതല്ല കവല മറിയാമ്മയുടെ..?

ചാരായക്കട അമ്മിണിയുടെ...??"

---------

"മഹാരാജന്‍ കൂള്‍ ഡൗണ്‍...ഇതൊന്നുമല്ല..ഈ സന്തോഷ് പാണ്ടിയാണ് ഇന്ന് ശരാശരി മലയാളിയുടെ സൂപ്പര്‍ ഡ്യൂപ്പര്‍ ഹീറോ!"

---------

" ആരെവിടെ..ഈ സന്തോഷ് പാണ്‍ടിയെ എത്രയും പെട്ടന്ന് നമ്മുടെ മുന്നില്‍ ഹാജറാക്കൂ! "

---------

************************************************************

---------

ഏതാനും മണിക്കൂറുകള്‍ക്കകം സന്തോഷ് പാണ്ടിയെ ന്യൂഡല്‍ഹിയിലെ ത്യാഗരാജന്‍ കണക്ക് ചങ്ങലക്കിട്ട് കൊണ്ടുവരുന്നു.

---------

"നോണ്‍സെന്‍സ്!!

ഈ എലുമ്പന്‍ കോട്ടൂരാനാണോ യൂട്യൂബും ഇന്റര്‍നെറ്റും ഇളക്കി മറിച്ച ആ അല്‍ഭുത പ്രതിഭ..?"

---------

" മഹാരാജന്‍ കളിയാക്കരുത്..

എന്നോട് കളിച്ചാല്‍ നിങ്ങളെ..ഞാന്‍.. കരയിക്കും!!"

---------

"വാട്ട്?"

---------

" മഹാരാജന്‍ ..ഗള്‍ഫ് ഗേറ്റ് മുടി വെച്ചാല്‍ നിങ്ങള്‍ നിങ്ങളുടെ കഷണ്ടി മറക്കാം..

എന്നാല്‍ അതു കരുതി ഒരിക്കലും ഗള്‍ഫിന്റെ ഗേറ്റ് കടക്കാമെന്ന് കരുതരുത്!!"

---------

" നമുക്കൊന്നും മനസ്സിലായില്ല..."

---------

"പ്രഭോ..പരിഹസിക്കരുത്..തേങ്ങയുണ്ടാകുന്ന മരത്തിനെ തെങ്ങ് എന്നു വിളിക്കും..

അതു കരുതി ചക്കയുണ്ടാവുന്ന മരത്തെ ആരും ചക്ക് എന്നു വിളിക്കാറില്ല ...!!

..ഏതൊരു വ്യക്തിയുടേയും പ്രതിഭ ജനങ്ങളെയറിയിക്കാന്‍ ശ്രമിക്കുമ്പോള്‍ ഇത് പോലെ പരിഹാസവും തെറിക്കമന്റുകളും ഒക്കെ ആദ്യം പുറത്ത് വരും..ഒരു മുപ്പതടി..അല്ലെങ്കില്‍ കൂമ്പിനിട്ട് ഒരമ്പതടി..അത് കിട്ടിയാല്‍ അവരൊക്കെ നന്നാവും.. വെള്ളവും കുടിക്കും..!"

---------

" ബലാല്‍ ഭേഷ്! ബലാല്‍ ഭേഷ് !!......

ഇജ്ജാതി പടപ്പുകള്‍ ഇപ്പോഴും ഈ മലനാട്ടിലുണ്ടോ എന്ന് ഞാനല്‍ഭുതപ്പെടുന്നു!"

---------

" മഹാരാജന്‍..അങ്ങ് വലിയ കഴുതയാവാം...പക്ഷേ അതുകൊണ്ട് ഞാന്‍ ചെറിയ കഴുതയാവണമെന്നില്ല...വിഡ്ഢിത്തരത്തിനു ഏതറ്റം വരേയും പോകാം..അല്ലെങ്കിലും

കഴിവുള്ളവരെ നിങ്ങള്‍ ബ്ലഡി മല്ലൂസ് എന്നും കല്ലെറിഞ്ഞിട്ടേ ഉള്ളൂ..സില്‍സിലാ,രാജപ്പന്‍ , ശ്രീ മോന്‍....ഇപ്പോള്‍ ഞാനും!..."

---------

" മലയാളിയുടെ കപടമുഖം വലിച്ചു കീറി എന്ന് പരാതിയുണ്ട് തന്നെക്കുറിച്ച്..

എന്തെങ്കിലും ബോധിപ്പിക്കാനുണ്ടോ.."

---------

"ഞാനല്ല ഇവിടത്തെ സൂപ്പര്‍ സ്റ്റാറുകളാണ് അസൂയ മൂത്ത് എന്റെ പോസ്റ്ററുകള്‍ വലിച്ച് കീറുന്നത്..

പക്ഷേ മഹാരാജന്‍..അങ്ങ് ഒരു കാര്യം മറക്കരുത്.. പശു നമുക്ക് പാലുതരും..ശരിയാണ്‍..എന്ന് കരുതി പശുവിനോട് മോര്‍ തരണമെന്ന് ആരും പറയാറില്ല..അത് നമ്മള്‍ പാലില്‍ നിന്നും ഉണ്ടാക്കിയെടുക്കാറാണ്‍ പതിവ്..

---------

ബുദ്ധിമാനും വിവേകിയുമെന്ന് കൊട്ടിഘോഷിക്കുന്ന അങ്ങയുടെ പ്രജകളുടെ തനിനിറം പുറത്ത് കൊണ്ടുവരാന്‍ വന്ന സകലകലാ വല്ലഭനായ ഗന്ധര്‍‌വ്വനാണ്‍ ഞാന്‍...അങ്ങേക്കറിയാമോ..

ബ്ലോഗ്ഗിലൂടേയും ഫേസ്ബുക്കിലൂടേയും സമകാലിക പ്രസക്തിയുള്ള ഗഡാഗഡിയന്‍ വിഷയങ്ങള്‍ അഹോരാത്രം പണിപ്പെട്ട് എഴുതിയിരുന്ന ഒരു പാവം ബ്ലോഗ്ഗറായിരുന്നു എന്റെ അച്ഛന്‍...

വര്‍ഷങ്ങളോളം കഷ്ടപ്പെട്ട് എഴുതി പോസ്റ്റു ചെയ്തിട്ടും ഒരു നേരത്തെ കമന്റിനു വകയില്ലാതെ..ഒരു ഫോളോവറുമില്ലാതെ അത്യന്നാസനായി കിടപ്പോള്‍ മരുന്നിനു പോലും ഒരു ലൈക്ക് കിട്ടാതെയാണ്‍ കണ്ണീരോടെ അപ്പന്‍ അപ്പന്റെ ബ്ലോഗ്ഗര്‍ അക്കൗണ്ട് ഡെലിറ്റ് ചെയ്തത്..

---------

അന്ന് മനം തകര്‍ന്ന് കമ്പ്യൂട്ടറും തല്ലിപ്പൊളിച്ച് ഒരു ശിവരാത്രിക്ക് കാമാക്ഷി എന്നു പേരുള്ള ഒരു പുറമ്പോക്കുമായി അപ്പന്‍ ബോംബായിക്ക് വണ്ടികയറുമ്പോ എനിക്ക് വയസ്സ് പതിനെട്ടാ...

---------

അന്ന് തീര്‍ന്നു മഹാരാജന്‍ മലയാളികളോടുള്ള എന്റെ ബഹുമാനം...ഇന്ന്

എന്നെ പരിഹസിക്കാനെന്ന പേരില്‍ എന്റെ വീഡിയോ കണ്ടവര്‍ ലക്ഷക്കണക്കിനു..

എനിക്ക് വേണ്ടി ബ്ലോഗ് പോസ്റ്റുകള്‍, ഫേസ്ബുക്ക് ഗ്രൂപ്പുകള്‍, ഇന്റര്‍‌വ്യൂകള്‍, ചര്‍ച്ചകള്‍...ഫാന്‍സ് അസോസിയേഷനുകള്‍..കൊടി തോരണങ്ങള്‍..!!

മലയാളി അവന്റെ വിലപിടിപ്പുള്ള സമയവും അദ്ധ്വാനവും എനിക്കായ് മാറ്റി വെച്ചു..

ഞാനെന്ത് വിഡ്ഡിത്തം വിളമ്പിയാലും അത് നിരൂപിച്ച് മണ്ടശിരോമണികള്‍ സമയം കളഞ്ഞു..

എന്നെ പരിഹസിക്കാനെന്ന പേരില്‍ അവര്‍ പടുത്തുയര്‍ത്തുമ്പോഴൊക്കെ അവര്‍ സ്വയം പരിഹാസ്യരാവുകയായിരുന്നു..ഞാനത് കണ്ട് ഊറിച്ചിരിക്കുകയായിരുന്നു...

സം‌വിധാനം ബുദ്ധിയുള്ളവര്‍ക്ക് പറഞ്ഞ പണിയാണ്‍..പക്ഷേ ബുദ്ധിയുള്ളവരെല്ലാം സം‌വിധായകരാവുന്നില്ല മഹാരാജന്‍..!"

---------

"ഹോ..എന്തൊരു വാഗ്‌വിലാസം! ..ഈ വാക് ചാതുര്യം നമ്മെ അല്‍ഭുത പരതന്ത്രനാക്കുന്നു

നാം സം‌പ്രീതനായിരിക്കുന്നു പാണ്ടീ!!...

---------

ഇനിയും ഇനിയും പടം പിടിക്കാനും ഇത് പോലെ കിടിലന്‍ ഡയലോഗുകള്‍ എഴുതാനും അതൊക്കെ ഏറ്റു പാടി പ്രജകള്‍ അവരുടെ വിലപ്പെട്ട സമയവും അദ്ധ്വാനവും വെറുതെ ദുരുപയോഗം ചെയ്യാനും സാധിക്കട്ടെ..

---------

തങ്ങളുടെ അമൂല്യമായ സമയത്തെക്കുറിച്ചും അദ്ധ്വാനത്തെ ക്കുറിച്ചും ബോധവാന്മാരാകാതെ അന്യനെ പരിഹസിക്കാനും മേക്കട്ടുകയറാനും സമയം കള്യുന്ന മലയാളിയുടെ ശുംഭത്തരം തുറന്ന് കാണിച്ചതിനു പ്രതിഫലമായി " രാത്രി ശുഭരാത്രി" എന്ന ഗാനം ഇനി മുതല്‍ നമ്മുടെ മഹാരാജ്യത്തിന്റെ ദേശീയ ഗാനമായിരിക്കുമെന്നും ഇതിനാല്‍ നാം വിളംബരം ചെയ്യുന്നു.

ഒപ്പം വിവരമില്ലായ്മ കൊണ്ട് വിവരമുണ്ടെന്ന് ധരിച്ചുവശായവരുടെ വിവരക്കേട് പുറത്ത് കൊണ്ട് വന്നതിനു വിവര ശിരോമണി പട്ടം നല്‍കാനും നമ്മുടെ രാജപ്പന്റെ അടുത്ത പടത്തില്‍ ഈ പാണ്ടിയെ നായകനാക്കാനും നാം ഇതിനാല്‍ കല്പ്പിക്കുന്നു!."

---------

അങ്ങനെ ബൂലോകമഹാരാജ്യത്തെ അഖിലാണ്‍ഠ മണ്ടന്മാരും മണ്ടികളും മണ്ടശിരോമണികളും ബഹുമുഖപ്രതിഭയായ സന്തോഷ് പാണ്ടിയില്‍ തങ്ങളുടെ ഭാവി സൂപ്പര്‍താരത്തെ കണ്ടെത്തുകയും

അവര്‍ "ധും ധും ധുംധുഭി നാദം ..നാദം നാദം.." എന്നുറക്കെ പാടി ആടിത്തിമിര്‍ത്താഘോഷിക്കുകയും ചെയ്തു.

---------

എന്നാല്‍ ബൂലോകം വാഴും വലിയ ബ്ലോഗ്ഗര്‍ത്തമ്പുരാനാവട്ടെ ഈ മലനാട് ഇങ്ങനെ പോയാല്‍ ഒരിക്കലും ഗുണം പിടിക്കാന്‍ പോണില്ല എന്ന തിരിച്ചറിവില്‍ ഭരണാധികാരം പൊതുജനങ്ങള്‍ക്കായ് കൈമാറി തന്റെ ഫേസ്ബുക്ക് -ബ്ലോഗ്ഗര്‍ അക്കൗണ്ടുകള്‍ ഡെലിറ്റ് ചെയ്ത് അന്ന് രാത്രി തന്നെ ഇന്റര്‍നെറ്റ് കണക്ഷനില്ലാത്ത ഏതോ രാജ്യത്തേക്ക് പാലായനം ചെയ്തു എന്നാണ്‍ ചരിത്രം!.

---------

ശുഭം..ശുഭരാത്രി...!

---------